EHPESU 5:14 - Jinghpaw Common Language Bible 2009

¹⁴ Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

Jinghpaw Hanson Version Bible

¹⁴ Dai majaw, Yup pyaw ai wa e, rawt u, Si ai kaw na bai rawt wa nu; Shaloi Hkristu nang hpe jahtoi na ra ai, nga nna tsun ai.

EHPESU 5:14 ပူးပေါင်းရင်းမြစ်များ

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

ESAIA 51:17

Yerusalem e, rawt u! Nang hkum nan jasu nna rawt u! Nang gaw dai Madu masin kahtet ai majaw nang hpe jaw lu ai ari gawm hpe lu kau nga ndai; Nang gaw dai hpe lu kau ai majaw, dai gaw nang hpe ndi nda byin shangun nga ai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

ESAIA 60:1

Yerusalem e, rawt u, ajan zawn htoi tu u; Dai Madu a hpung shingkang gaw na a ntsa e htoi tu nga ai!

LUKA 1:78

Anhte a Karai Kasang gaw tsaw ra matsan dum ai myit hte hpring tsup nga ai: shi a hkye hkrang la ai chyeju nhtoi gaw lamu ntsa na jan shingkang zawn anhte a ntsa e du nna;

LUKA 15:24

Hpa majaw nga yang, ndai ngai sha gaw si mat sai; ya bai hkrung sali ai; mat mat sai hpe ya bai mu la se ai,’ ngu mu ai. Shing rai lusha poi galaw hpang nna pyaw pyaw rai nga ma ai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

YAWHAN 9:5

Ngai gaw mungkan ga e naw nga ai hte yang, mungkan ga a nhtoi rai nga nngai,” ngu nna htan mu ai.

KASA 13:47

Kaning rai nme law, ‘Mungkan ting hpe hkye hkrang la ai lam lu la mu ga, ngai nang hpe maigan amyu ni a matu nhtoi shatai sade ai,’ nga ai gaw dai Madu anhte hpe hkang da ai ga rai nga ai,” ngu mu ai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

1 KORINHTU 15:34

Ding man ai hpe hkan na dum hprang mu, matut nna yubak lam hkum galaw myit. Nanhte hta na nkau mi Karai Kasang hpe n chye ma ai: nanhte kaya dum myit ga, ngai ning ngu tsun nngai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

EHPESU 2:1

Lai wa sai ten hta nanhte gaw, nanhte a n madat n mara ai tawt lai ai bungli hte yubak mara ni a majaw Wenyi lam hta chyasi rai nga myit dai.

EHPESU 2:5

anhte a n madat mara nna tawt lai ai lam a majaw wenyi hta chyasi naw rai nga ai ni hpe Hkristu hta asak bai jahkrung dat mi ai. Dai gaw Karai Kasang a chyeju hte sha nanhte hkye hkrang la hkrum manit dai rai nga ai.

KOLOSE 3:1

Nanhte gaw Hkristu hte rau hkrung sharawt la ai hkrum manit dai rai nna, Karai Kasang a hkra maga e dung ningngai nga ai Hkristu nga ai sumsing lamu na arai ni hpe ra marit nga mu.

1 HTESALONI 5:6

Dai re ai majaw, anhte gaw kaga masha ni zawn n yup nga ai sha su hprang nna htauli htaula rai sadi maja nga ga ai.

2 TIMOHTI 1:10

Rai ti mung ya gaw, anhte a hkye hkrang la ai Madu Hkristu Yesu du sa ai aten e, dai lam anhte hta shadan dan dat mani ai. Shi gaw si hkrung si htan a atsam hpe yeng seng kau nna, dai Kabu Gara Shiga hku nna n si n mat ai asak hkrung lam hpe shadan dan dat nu ai.

2 TIMOHTI 2:26

Dai shaloi e shanhte gaw jaw ai hku bai mu mada dum hprang wa nna Satan a mahkam kaw na lawt lu na mara ai. Dai Satan gaw shanhte hpe rim la nna shi a myit ra ai lam hpe hkan sa shangun yu sai wa rai nga ai.