EHPESU 5:11 - Jinghpaw Common Language Bible 2009

¹¹ Nsin hta hkawm sa nga ai masha ni galaw ai akyu n rawng ai nsin hte seng ai bungli ni hpa mung n hkan galaw ai sha, dai amu ni hpe nhtoi de shadan dan nga mu.

Jinghpaw Hanson Version Bible

¹¹ Asi n lawm ai nsin a bungli ni hte nanhte n mazum ai sha n-ga, dai hte hpe kajet kau mu:

EHPESU 5:11 ပူးပေါင်းရင်းမြစ်များ

NINGPAWT NINGHPANG 20:16

Shi gaw Sara hpe mung, “Na a kayung wa hpe gumhpraw hkying mi ngai jaw nga nngai; dai gaw nang nan mara n kap nga ai hpe nang hte rau nga ai ni yawng a man e sakse madun ai ja rai nna, masha shagu mung nang nan shut hpyit ai amu hpa mung n galaw shut kau nga ndai hpe chye lu na mara ai,” ngu nna tsun wu ai.

SHAKAWN KUNGDAWN 141:5

Mai kaja ai masha wa gaw ngai hpe ari jaw u ga, shawang myit kaba hte ngai hpe daru sharin nga u ga, rai ti mung, shanhte a n hkru ai sat lawat ni hpe ninghkap na, tut nawng e, ngai akyu hpyi nga nngai majaw, n hkru ai masha ni a shagrau sha-a ai lam hpe galoi mung ngai hkap la na n rai.

GA SHAGAWP 1:10

Sha e, yubak kap ai ni nang hpe lau la nna,

GA SHAGAWP 1:31

Dai re ai majaw, nang galaw ai hte maren, nang hkam la lu na ra ai rai nna, nang galaw ai amu gaw nang hpe nchyi nmu hkrum shangun na ra ai.

GA SHAGAWP 13:18

Sharin achyin n hkam ai wa gaw matsan mayan hte kaya kahpa hkrum na ra ai; shading sharai ai ga hpe madat mara ai wa chyawm gaw hkungga lara ai hpe hkam la na ra ai.

GA SHAGAWP 15:12

Rai dum ai masha ni gaw shading sharai na hpe n ra sharawng nga ma ai; shanhte gaw hpaji grau rawng ai ni kaw nna hpaji jaw ga ni hpe galoi mung n hpyi lajin nga ma ai.

GA SHAGAWP 19:25

Myit tsaw myit dap ai gaw ari jaw ai hkrum sha ra nga ai, shaloi n chye n chyang ai masha ni gaw dai lam hpe sharin la lu na ra ai; nang hpaji rawng ai wa rai yang chyawm gaw shading sharai hkam ai shaloi, nang sharin la na rin dai.

GA SHAGAWP 25:12

Madat mara hkam la mayu ai wa hpe, mahkrum madup nga ai wa hku nna shadum jahprang ga tsun dan ai gaw, ja lachyawp hte mung, ja jet hte galaw da ai ja lung seng rai hta grau nna manu dan nga ai.

GA SHAGAWP 28:4

Tara hpe nang n hkungga ai rai yang, nang gaw tara nlang ai masha ni a hpang maga de nga nga ndai; rai ti mung, dai tara hpe nang hkan nang ai wa rai yang chyawm gaw shanhte hte nang nhtan shai nga ai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

ESAIA 29:21

Kaga masha ni hpe shatan nhkan ga tsun ai ni, masha sat amu a ari hpe hkum shingdang ai ni hte ding man ai masha ni hpe teng man rap ra ai tara kaw na gang kau let masu magaw ga tsun ai ni hpe Karai Kasang jahten kau na ra ai.

YEREMIA 15:17

Ngai gaw nye a aten hpe kaga masha ni hte mani sengbreng hkawm nna aten shama kau ai n rai. Na a hkang da ai ga ni hpe madat mara na matu ngai hkrai sha nga nga nna masin kahtet ai hte hpring nga nngai.

JAW JAU 19:17

“Kadai hte mung n pyaw n ngawn hkum rai myit; shi a majaw yubak n galaw kau u ga, shi hte hpai shai ai lam hpe hkam sharang lu na rai myit dai.

MAHTE 18:15

“Na nhpu nnau wa nang hpe shut hpyit kau yang gaw, shi hpang de sa nhtawm shi a mara hpe madun u. Rai ti mung nan lahkawng hkrai chyaw rai nna jahkrum kau u. Na a ga hpe madat la yang gaw na a nhpu nnau wa hpe nang mawai la lu nit dai.

LUKA 3:19

Rai ti mung, munggyi Herod gaw shi a kanau Hpilip a madu jan Herodia hpe kashun la ai hta n ga, shi galaw ai n hkru n kaja ai amu kaga law law hte seng nna mung, daru sharin ai hkrum wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 13:12

Shana ahkying lai magang wa nna shani nhtoi du magang wa ra ai. Dai re ai majaw nsin hte seng ai bungli ni hpe raw sharun kau nna, nhtoi a hpyen hking hpe dagraw nga ga.

ROMA 16:17

Bai hpu nau ni e, nanhte hkam la sai sharin shaga ai lam hpe nhtan shai je hpre let, shabra sharun ai hte masha ni a makam masham hpe myit kataw shara shabyin ai ni hpe joi yu nna shanhte hpe koi yen nga myit ga, ngai nanhte hpe shadum dat made ai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

GALATI 6:8

Masha a hkum shan ngu ai ga hta gat hkai ai wa gaw si ai ngu ai hten byak ai nsi naisi hpe dan la na ra ai; Wenyi ngu ai ga hta gat hkai ai wa gaw htani htana asak ngu ai nsi naisi dan la na ra ai.

EHPESU 4:22

Dai rai nna nanhte gaw shawng de nanhte hkan sa yu sai asak hkrung lam hta na gawng shingyan dingsa hpe mung, pyaw hpa lam hpe marin marit nna hkalem hkalau mayu ai myit a majaw, hten mat sai gawng shingyan dingsa hpe mung kabai kau mu.

EHPESU 5:12

(Hpa majaw nga yang, shanhte mayun mayoi e galaw ai amu ni gaw kaja wa tsun na pyi gaw nachying kaya kahpa rai nga ai.)

EHPESU 5:7

Dai re ai majaw, dai zawn re ai masha ni hte kachyi mi pyi hkum hkan sharau nang nga myit.

KOLOSE 1:12

Dai hta kaga, nhtoi a mungdan hta rawng nga ai shi a chyoi pra ai ni a matu mara Karai Kasang san tawn da ai sali wunli ni hpe nanhte hkan dagraw la ging ai ni tai wa shangun ai Karai Kasang a chyeju hpe kabu gara shakawn kungdawn nga mu ga law.

1 HTESALONI 5:7

Masha ni gaw shana aten e yup ma ai, shana aten e chyaru nang ma ai.

2 HTESALONI 3:14

Ndai laika hta nanhte hpang de anhte ka shagun dat ai mungga hpe n madat n mara ai masha langai ngai nga ai rai yang gaw, shi hpe matsing da nna, shi kaya mat u ga, shi hte hkum kanawn nga myit.

2 HTESALONI 3:6

Hpu nau ni e lagawn let asak hkrung nga ai ni yawng hte mung, anhte sharin shaga ai lam ni hpe n hkan n sa ai ni hte mung, n kanawn ai sha, kaga hkrai rai nga na matu Hkristu a mying nsang hte nanhte hpe anhte hkang dat ga ai.

1 TIMOHTI 5:20

Kaga ni hkrit kang mat mu ga, mara galaw ai ni yawng hpe shawa a man e daru sharin kau mu.

1 TIMOHTI 5:22

Madu a magam bungli gun hpai na matu kadai hpe mung lata mara nna aya dang ya na hkum tin et. Kaga masha ni yubak galaw ai lam hta hkum lawm et; nang nan mara n kap hkra san seng nga u.

1 TIMOHTI 6:5

Dai hta n ga, myit n gu ai lam hte teng man ai lam hpe n mu n chye ai ni kaw nna ndang kalang ai lam ni gaw ya sha ya sha pru nga ai. Nawku htung ngu ai gaw lu su ngamai na matu re ngu nna shanhte myit la ma ai.

2 TIMOHTI 3:5

Shanhte gaw anhte a nawku makam masham htung lai ntsa lam hkrang masa hpe hkan sa ma ai rai ti mung de a hpung shingkang atsam majing hpe gaw nyet kau ai ni rai ma ai. Shing re ai masha ni hpe mung koi kau u.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

TITU 2:15

Nang gaw ndai lam ni hpe hkaw tsun sharin shaga u. Nang n-gun jaw shadum shahprang sharin shaga ai shaloi nang lu ai ahkang aya nga manga jai lang u; kadai mung nang hpe n gawn n sawn, n yu kaji mu ga.

SHINGRAN 18:4

Dai hpang sumsing lamu de na nsen langai mi gaw, “Nye a amyu masha ni e, pru sa wa marit! Shi kaw na pru wa marit! Shi hte rau yubak mara n galaw myit ga, shi hte rau dai ari n jawm hkrum myit ga!