EHPESU 4:9 - Jinghpaw Common Language Bible 2009

⁹ Ya shi lung wa ai ngu ai gaw hpa hpe ngu ai rai ta? Madu gaw nem dik ai dinghta ga a lawu tsang de shawng yu hkrat wa sai ngu mayu ai rai nga ai.

Jinghpaw Hanson Version Bible

⁹ Ning nga, lung wa ai ngu ai gaw, dinghta ga a lawu tsang de shi hkum nan yu hkrat wa ai hpe, tau yu nna, tsun ai, n rai ni?

EHPESU 4:9 ပူးပေါင်းရင်းမြစ်များ

NINGPAWT NINGHPANG 11:5

Dai hpang dai Madu gaw shinggyim masha ni galaw da sai mare hte langchyi hpe yu yu na nga, yu hkrat wa wu ai.

SHAKAWN KUNGDAWN 139:15

Nye a nrut nra ni hkrang pru wa nna, langai hte langai shada da atsawm sha htuk shachyaw mat wa nhtawm, nu a hkritung kan hta kaba wa let dai shara hta ngai naw rawng nga yang pyi, nang ngai hpe chye nga nit dai.

SHAKAWN KUNGDAWN 63:9

Ngai hpe sat na matu shakut shaja ai ni gaw katsan ga de yu mat wa na mara ai.

SHAKAWN KUNGDAWN 8:5

Rai tim, nang gaw shi hpe na a npu hprut hku hpan da nhtawm; nang gaw shi hpe hpung shingkang hte arawng sadang ka-up ya nit dai.

PRU MAT 19:20

Dai Madu gaw Sina Bum pungding ntsa de yu hkrat wa nhtawm, Mawshe hpe dai bum pungding de shaga la wu ai.

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

EZEKELA 31:14

Dai rai nna, hka hkru hkru lu lu ai hpa hpun mung, tsaw ai shara na sumwi ni hpe dep lu hkra tu kaba shangun ai hpun ndung hpe mung, ya kaw nna bai tu kaba tsaw kung dam shangun sana n rai. Dai ni yawng gaw si chye ai masha ni zawn si mat nna, Katsan ga de yu wa ai ni hte mazum na matu dingnye hkrum nga masai.”

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra ga a sung ai kata e rawng nga na ra ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 3:13

Sumsing lamu de na yu hkrat wa ai Masha Kasha hta kaga kadai mung sumsing lamu de lung wa yu ai n rai.”

YAWHAN 6:33

Hpa majaw nga yang, Karai Kasang jaw ai muk ngu ai gaw, sumsing lamu na yu wa nna mungkan ga hpe asak jaw ai wa hpe ngu ai rai nga ai,” ngu nna shanhte hpe tsun mu ai.

YAWHAN 6:38

Hpa majaw nga yang, sumsing lamu nna ngai yu sa ai gaw, nye a myit ra ai hku hkan galaw na matu yu sa nngai n rai; ngai hpe shangun dat ai wa a myit ra ai hku hkan galaw na she, yu sa ai rai nngai.

YAWHAN 6:41

Yesu shi nan, “Ngai gaw sumsing lamu de nna yu wa ai muk rai nngai,” nga nna tsun ai majaw, Yuda masha ni shi a lam aput angun nga ma ai.

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

YAWHAN 6:58

Da ndai gaw, sumsing lamu de nna yu wa ai muk rai nga ai; nji nwa ni sha nna si wa ai muk zawn n rai nga ai. Ndai muk sha ai wa gaw, htani htana asak hkrung nga na ra ai,” ngu nna shanhte hpe tsun mu ai.

YAWHAN 6:62

Dai Masha Kasha gaw mi shawng de shi nga ai shara de bai lung wa ai hpe nanhte mu myit yang gaw, kaning nga na myit ta?

YAWHAN 8:14

Shaloi Yesu gaw, “Ngai gaw tinang a lam tinang dai sakse hkam nga ti mung, nye a sakse teng nga li ai; hpa majaw nga yang, ngai kanang nna pru sa nna, gade rai wa na mung ngai chye nngai. Nanhte chyawm gaw, ngai kanang na pru sa nna, gade rai na mung n chye myit dai.

HEBRE 2:7

Nang shi hpe chyahkring mi lamu kasa ni hta loi mi shagrit ai hku hpan da nit dai, rai ti mung hpung shingkang hte arawng sadang shi a ntsa e janmau shagup ya nu ai, yawng mayawng a ntsa e up hkang na ahkang mung nang shi hpe jaw nit dai,” nga nna mahtang tsun da nga ai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.