EHPESU 4:8 - Jinghpaw Common Language Bible 2009

⁸ Chyum Laika hta tsun ai hte maren, “Shi gaw grai tsaw ai de lung wa yang shi hte rau bawng dung ni law law hpe shaga woi mat wa ai. Shi gaw masha amyu ni hpe kumhpa ni jaw mu ai nga ai.”

Jinghpaw Hanson Version Bible

⁸ Dai re ai majaw, Shi gaw tsaw ai shara de lung wa yang, Bawng dung ai ni hpe rim la nna, Masha ni hpe kumhpa jaw mu ai, nga nna tsun ai.

EHPESU 4:8 ပူးပေါင်းရင်းမြစ်များ

ESHTA 2:18

Dai hpang hkawhkam wa gaw Eshta hpe shagrau sha-a ai lusha poi kaba galaw nna shi a du salang ni hte up hkang salang ni yawng hpe saw shaga dat wu ai. Shi gaw hkawseng mungdan ting a matu ban sa ai shani langai mi masat shana ya nna hkawhkam wa a tsaw ra myit hte maren ging dan ai kumhpa ni hpe garan jaw wu ai.

SHAKAWN KUNGDAWN 68:18

Bawng masha law law hte rau dai tsaw ai bum ntsa de shi lung wa nga ai; shi gaw gumlang ai masha ni kaw na kumhpaw kumhpa law law hpe hkap la da nga ai. Dai Madu Karai Kasang gaw dai shara hta shanu nga na ra ai.

GA SHAGAWP 30:4

Sumsing lamu hte seng ai machye machyang hpaji hpe, kadai wa hkrak dang chye lu nga a ta? Shi a lata hta nbung hpe rim latup da yu sai gaw, kadai wa nga nga yu sata? Sumpan hkyep hte hka hpe makai hkayawp yu sai gaw, kadai wa nga nga yu sata? Ginding aga a jarit ni hpe, kadai wa shangang shagrin da yu sata? Shi gaw kadai wa rai nga a ni? Shi a kasha gaw kadai wa rai nga a ni? Nang chye ai rai yang, tsun u.

EHPESU 4:11

Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

KOLOSE 2:15

Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.

TARA AGYI 5:12

Hprang u, Debora, hprang u! Hprang u! Mahkawn mangoi u! Hprang u! Abinoam a shadang sha Barak e, Shawng de rawt sa u, Na a bawng masha ni hpe woi mat wa u!

1 SAMUELA 30:26

Dawi gaw Ziklag mare de nhtang wa ai shaloi, “Dai Madu a gumlau hpyen ni kaw na anhte la wa ai lanep ni hta na ndai gaw nanhte a matu san san jaw ya ai kumhpa rai nga ai,” ngu nna shi a manaw manang ni hpe mung, Yuda ningbaw ni hpe mung dai lanep daw chyen mi hte hpawn shi a mungga hte htet shabra dat wu ai.