EHPESU 4:5 - Jinghpaw Common Language Bible 2009

⁵ Madu langai sha, makam masham langai sha, hkalup lam langai sha, rai nga ai.

Jinghpaw Hanson Version Bible

⁵ Madu langai sha, makam masham langai sha, baptisma lam langai sha rai nga ai:

EHPESU 4:5 ပူးပေါင်းရင်းမြစ်များ

ZEHKARIA 14:9

Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

ROMA 3:30

Karai Kasang gaw langai sha re ai Karai Kasang rai nga ai rai nna matu gadoi hkam ai Yuda masha ni hpe mung, matu gadoi n hkam ai maigan masha ni hpe mung, shanhte a kam sham ai a marang e, shi a man e ding hpring ai ni re ai nga nna hkap la mu ai rai nga ai.

1 KORINHTU 1:13

Hkristu gaw shai wa bra wa sani? Pawlu gaw nanhte a matu wudang ntsa e si hkam ya sani? Nanhte gaw Pawlu a mying nsang hta hkalup hkam la manit ni?

1 KORINHTU 1:2

Korinhtu mare na Karai Kasang a Hpung hta lawm nga ai ni hte, shara shagu hkan na, anhte hte shanhte a Madu rai nga ai Madu Yesu Hkristu hpe nawku daw jau nga ai Hkristu Yesu hta e, Karai Kasang a chyoi pra ai amyu masha tai na matu shaga la hkrum ai ni yawng hpang de ga shana dat ga ai.

1 KORINHTU 12:13

Dai hte maren anhte yawng gaw, Yuda ni rai ti mung, Yuda amyu masha n re ai ni rai ti mung, mayam ni rai ti mung, mayam n re ai ni rai ti mung, Wenyi langai sha hta hkalup hkam la nna hkum hkrang langai sha tai wa saga ai hte, nlang hte a myit masin hta dai Wenyi langai sha hpe hkam la saga ai.

1 KORINHTU 12:5

Daw jau gun hpai na bungli lam amyu myu nga ai, rai ti mung daw jau na Madu gaw langai sha rai nga ai.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

2 KORINHTU 11:4

Hpa majaw nga yang, nanhte hpang de masha langai ngai sa du nna anhte n hkaw dan yu ai kaga Yesu langai mi a lam hkaw dan ai shaloi, nanhte gaw kabu gara hkap la myit dai, bai nanhte gaw anhte kaw na hkap la lu sai wenyi hte kabu gara shiga hte tsep kawp nhtan shai ai wenyi hte kabu gara shiga hpe hkap hkalum la nga manit hka!

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

EHPESU 4:13

Dai rai nna anhte a makam masham a marang e mung dai Karai Kasang a Kasha hpe chye chyang ai a marang e mung, hpang jahtum e anhte nga manga hte gaw langai sha tai wa nna Hkristu a tsaw dik ai hkum tsup ai gawng shingyan a hpunda hte maren myit su kunghpan ai ni tai wa na raga ai.

HPILIPI 2:11

Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.

HEBRE 13:7

Nanhte hpe Karai Kasang a mungga tsun dan lai wa sai shawng de na nanhte a lam woi ningshawng ni hpe myit dum nga mu. Shanhte kaning rai asak hkrung nna gara hku si wa masai hpe amyit dum nga nna, shanhte a makam masham hpe len ningli la nga mu.

HEBRE 6:6

Shing re ai hpang she, ya shanhte gaw shanhte a makam masham hpe kau da manu ai. Shanhte gaw Karai Kasang a Kasha hpe wudang hta kalang mi bai jen da nna, shawa masha ni a man e n gawn n sawn di kaya jahkrum da nga ma ai majaw, shanhte hpe myit malai bai lu shangun na matu gara hku mung n mai byin mat sai.

YAKU 2:18

Rai ti mung, “Marai langai mi hta makam masham rawng nna kaga langai mi hta magam bungli galaw ai lam ni nga nga ai,” nga nna marai langai ngai tsun dara a yang gaw, “Magam bungli n lawm ai makam masham ngai hpe madun dan rit; ngai chyawm gaw nye a makam masham hpe nye a magam bungli ni hte nang hpe madun na de ai.”

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.

YUDA 1:3

Nye a tsaw ra ai ni e, anhte yawng jawm kam sham hkap la da sai hkye hkrang la ai lam nanhte hpang de ka dat na ngai grai shakut shaja nga nngai shaloi e, Karai Kasang gaw shi a masha ni hpe prat dingsa a matu lang mi hte sha ap ya da sai makam masham a matu matut nna dakring dalang gasat gala makawp maga sa wa na lam nanhte hpang de kalang ta laika ka nna n-gun jaw shadum shahprang na ra nga ai hpe ngai mu hkrup nngai.