EHPESU 4:32 - Jinghpaw Common Language Bible 2009

³² Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

Jinghpaw Hanson Version Bible

³² Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

EHPESU 4:32 ပူးပေါင်းရင်းမြစ်များ

2 SAMUELA 7:21

Ngai hpe sharin achyin ya na matu ndai amu kaba ni yawng nang galaw nit dai rai nna dai gaw na a myit ra ai hte yaw shada ai amu rai nga ai.

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

SHAKAWN KUNGDAWN 145:9

Shi gaw nlang hte a ntsa e, mai kaja nga ai rai nna, shi galaw ai arai yawng mayawng a ntsa e mung, matsan dum ai myit rawng nga ai.

GA SHAGAWP 12:10

Mai kaja ai masha wa gaw tinang a yam nga ni hpe, yu lanu lahku chye nga ai; tara n lang ai masha ni chyawm gaw dai yam nga ni hpe sheng mareng rai ma ai.

GA SHAGAWP 19:11

Nang hta htauli htaula myit rawng ai rai yang na a sindawng ai masin hpe hkang lu na ra ai; marai langai ngai nang hpe shut ai shaloi, dai hpe nang yu shalai kau ya yang, dai gaw na a arawng rai nga ai.

GA SHAGAWP 19:22

Lawhpa marin marit ai gaw kaya kahpa amu rai nga ai; masu magaw ga tsun ai ni hta, matsan mayam masha ni gaw grau nna kaja nga ma ai.

ESAIA 57:1

Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.

YEREMIA 38:12

Shi gaw ngai hpe dai tsupni hte nye a lahpa npu hta e tsi bang da na ngai hpe tsun wu ai. Dai gaw sumri hte gang shaw ai shaloi ngai hta machyi n hkrum na matu rai nga ai. Ngai mung dai hku hkan galaw ai hte

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

MARKU 11:25

Nanhte rawt tsap let akyu hpyi ai shaloi, masha langai ngai nanhte hpe shut ai mara lama ma nga yang, dai hpe raw dat kau ya na rai myit dai, shaloi she sumsing lamu e nga ai nanhte a Kawa gaw nanhte a mara ni hpe mung raw dat kau ya na ra ai.’

LUKA 1:78

Anhte a Karai Kasang gaw tsaw ra matsan dum ai myit hte hpring tsup nga ai: shi a hkye hkrang la ai chyeju nhtoi gaw lamu ntsa na jan shingkang zawn anhte a ntsa e du nna;

LUKA 11:4

Anhte hpe shut ai ni yawng mayawng a mara, anhte raw kau ya ga ai majaw, anhte a mara ni hpe mung raw kau ya mi; agung alau nga ai shara de mung anhte hpe hkum sa shangun mi,’” ngu nna shanhte hpe tsun mu ai.

LUKA 17:4

Lani jan sha nang hpe sanit lang mara galaw nna shagu lang nang hpang de sa nhtawm, ‘Ngai myit malai sai,’ ngu tsun yang, nang shi hpe mara dat ya lu na rai ndai.”

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

LUKA 6:37

“Masha ni hpe hkum jeyang myit, shaloi she Karai Kasang mung nanhte hpe n jeyang na ra ai, masha ni hpe mara hkum shagun mu, shing rai yang, Karai Kasang mung nanhte hpe mara n shagun na ra ai. Masha ni hpe mara dat ya mu, shaloi Karai Kasang mung nanhte hpe mara dat ya na ra ai.

KASA 28:2

Dai zunlawng na buga masha ni anhte hpe grai wa hku hkau matsan dum ma ai. Marang htu nna kashung nga ai majaw, shanhte wan wut nna anhte yawng hpe hkalum la mi ai.

ROMA 12:10

Nanhte shada da tsaw ra ai hta langai hte langai shinggyim nau na myit majing rawng nga mu, hkungga lara ai hta shada da shagrau hkat nga mu.

1 KORINHTU 13:4

Tsaw ra ai myit gaw myit galu kaba nga ai; matsan dum lama nga ai; manawn masham n nga ai, grang shakawng ai ga n tsun ai; gumrawng gumtawng n rai ai;

2 KORINHTU 2:10

Nanhte gaw marai langai ngai hpe shi shut ai mara dat kau ya myit yang, ngai mung raw dat ya nngai. Hpa majaw nga yang, lama rai nna masha marai langai ngai hpe mara dat ya ra wa ai shaloi, ngai gaw nanhte a myi man hpe tau nna Hkristu a man e shi a mara hpe dat ya nngai.

2 KORINHTU 2:7

Dai wa gaw nachying n hkam sharang lu na daram re ai yawn hkyen ai hta n lup mat u ga, shi hpe mara dat ya nna shalan shabran ya mu.

2 KORINHTU 6:6

Myit masin san seng ai lam, chye chyang ai lam, hkam sharang ai lam, matsan dum lama ai lam hku nna mung, chyoi pra ai wenyi a chyeju lam hte n sawt ai tsaw ra myit hku nna mung,

EHPESU 5:1

Nanhte gaw Karai Kasang a tsaw ra ai kasha ni rai nga manit dai majaw, shi hte bung pre wa hkra shakut shaja lu na rai myit dai.

YAKU 5:11

Shanhte gaw hkam sharang lu ai ni rai ma ai majaw anhte gaw shanhte hpe a lu ai ni ngu gaw ai. Yoba a myit galu ai lam hpe nanhte na yu manit dai. Hpang jahtum Madu gaw shi hpe gara hku karum madi shadaw jaw ya sai lam nanhte chye nga myit dai. Hpa majaw nga yang dai Madu gaw tsaw ra matsan dum nna n gaw n wai myit hte hpring tsup ai wa rai nga ai.

2 PETRU 1:7

Tara hkungga ai lam hta hpu nau hpe n-gaw n wai ai, hpu nau hpe n-gaw n wai ai hta tsaw ra ai myit, a shajat nga mu.

1 YAWHAN 1:9

Rai ti mung anhte a yubak mara ni hpe Karai Kasang kaw madun yin la nna hpyi nem ga yang gaw, shi gaw shi a ga sadi hta grin nga nna dai teng man ai amu galaw ai wa rai nga ai majaw, anhte a yubak mara hpe raw dat kau ya na hte, shut hpyit tawt lai ai lam yawng mayawng hta na jasan jaseng la na mi ai.

1 YAWHAN 2:12

Nye a shu sha ni e, Hkristu a marang e nanhte a yubak mara ni hpe raw dat kau ya ai hkrum manit dai majaw, ngai nanhte hpe ka dat nngai.

RUHTA 2:20

Naomi gaw, “Dai Madu gaw Bua hpe shaman ya nga u ga! Hkrung nga ai ni hte si mat sai ni hta dai Madu shi a ga shaka tut nawng agrin nga u ga,” ngu nna marawn tsun wu ai. Shi gaw matut nna, “Dai wa gaw anhte hte grau ni htep ai jinghku, anhte hpe yu lanu lahku ang ai lit nga ai masha wa mung rai nga ai,” ngu nna tsun dan wu ai.