EHPESU 4:31 - Jinghpaw Common Language Bible 2009

³¹ Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

Jinghpaw Hanson Version Bible

³¹ Myit gadun ai, sindawng katawt ai, masin pawt ai, ga law ga la ai, shatan nhkan ai amyu myu hte, n hkru n hkra ai yawng hte nawng, nanhte hte tsan gang nga u ga.

EHPESU 4:31 ပူးပေါင်းရင်းမြစ်များ

NINGPAWT NINGHPANG 27:41

Yaku hpe shi kawa jaw ya ai shaman chyeju a majaw Esaw mahtang Yaku hpe n dawng da wu ai. Esaw gaw, “Nye wa a si hkrung si htan hta yawn hkyen na aten gaw ni wa sai; shaloi Yaku hpe ngai sat kau na we ai,” ngu nna shi hkum hpe tsun wu ai.

NINGPAWT NINGHPANG 37:21

Rubin gaw shanhte tsun hkat ai ga hpe na kau wu ai rai nna, Yosep hpe hkye la na shakut wu ai. Shi gaw, “Anhte shi hpe n sat ga, nam na ndai hka htung kata de mahtang shi hpe kabai bang da ga;

NINGPAWT NINGHPANG 37:4

Shanhte a kawa shanhte hpe tsaw ra ai hta Yosep hpe mahtang grau nna tsaw ra ai hpe mu ma yang, shanhte gaw shanhte a kanau hpe grai wa n dawng nga ma ai hte shi hpe hku lahkun re ai lai hte n kam hkap shaga ma ai.

NINGPAWT NINGHPANG 4:8

Dai hpang Ka-in gaw shi a kanau Abela hpe, “Pa hkan e hkawm chyai ga,” ngu nna tsun wu ai. Pa hkan e shan nga hkawm nga yang, Ka-in gaw shi a kanau hpang de kayin sa nna shi hpe sat kau wu ai.

2 SAMUELA 13:22

Absalom chyawm gaw shi a kajan Tama roi kau hkrum sai a majaw Amnon hpe grai yu n dawng mat ai rai nna shi hpe galoi mung ga n shaga mat wu ai.

2 SAMUELA 19:27

Shi gaw ngai hpe madu hkawhkam hpang de sa hkyen ai hku masu hkalem kau nga ti mung, nang gaw Karai Kasang a lamu kasa hte bung nga ndai majaw na a matu jaw ai zawn re ai amu hpe galaw u.

2 SAMUELA 19:43

Israela masha ni mung, “Hkawhkam wa gaw nanhte a hpu nau langai mi rai nga tim Hkawhkam Dawi hte seng ai amu hta anhte grau nna htam shi sha n-ga, seng nga ga ai. Nanhte gaw anhte hpe hpa majaw yu kaji nga myit ni? Hkawhkam wa hpe woi nhtang wa na matu anhte shawng bawng jahkrup saga ai hpe hkum malap kau ya mi!,” ngu nna tsun htang wu ai. Rai ti mung Yuda masha ni gaw shada da tsun jahpra ai lam hta Israela masha ni hta grau nna ja la nga ma ai.

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 140:11

Masha kaga ni hpe masu magaw ga hte mara tam nga ai ni, hkrat sum nga mu ga; n hkru ai lam gaw kashun kashe du daw sai hkaw shabyin ai masha ni hpe hkan dep nang nna, shanhte hpe jahten kau mu ga.

SHAKAWN KUNGDAWN 15:3

kaga masha ni hpe shatan nhkan ga n tsun nga ai. Shi gaw shi a manang ni hpe shut hpyit ai amu hpa mung n galaw ai hte, shi a htingbu ni a lam shiga n shapoi ya nga ai.

SHAKAWN KUNGDAWN 37:8

Myit hkum ru, masin mung hkum pawt et, dai gaw nang hpe ru tsang sha hkrum shangun nga ai.

SHAKAWN KUNGDAWN 50:20

Na chyurum hpu nau ni hpe mara shagun na hte shanhte hpe mara tam na matu mung; nang hta jin jin rai nga ndai.

SHAKAWN KUNGDAWN 64:3

Shanhte gaw shinglet ni hpe nhtu ni zawn garang shadai nna; mazut ai ga ni hpe pala ni zawn shading da nga ma ai.

GA SHAGAWP 10:12

N dawng n yawt ai myit gaw ru tsang lam hpe shalut shalau ya tim, tsaw ra ai myit gaw shut hpyit mara mahkra hpe raw dat ya nga ai.

GA SHAGAWP 10:18

Tinang a n dawng n yawt ai myit hpe up da ai wa gaw masu ai masha rai nga ai. Shatan nhkan ga hpe tsun shabra ai wa kadai rai ti mung, angawk ai wa rai nga ai.

GA SHAGAWP 14:17

Myit kahtet ai masha ni gaw mana bu ai amu galaw nga nna; hpaji grau rawng ai ni gaw dai hta atsin sha rai nga nga ma ai.

GA SHAGAWP 18:8

Kadum kahte tsun ai lam gaw grai mu sau nga ai; dai hpe anhte gade sha mayu bang kau dat mayu nga a hka!

GA SHAGAWP 19:12

Hkawhkam wa a masin kahtet ai gaw hkanghkyi shabam ai zawn rai nga ai; shi a chyeju myit gaw marang nhpaw hte bung nga ai.

GA SHAGAWP 25:23

Dingdung nbung gaw marang hpe htu shangun ai zawn, kadum kahte ai gaw teng teng myit kahtet ai hpe shabyin ya nga ai.

GA SHAGAWP 26:20

Wan dap e, hpun n nga yang, wan si nga ai; shi htawn ai wa n nga yang, ga law ga la sim nga ai.

GA SHAGAWP 29:22

Pawt singdawng lawan ai masha ni gaw ga law ga la lam hte ru yak tsin-yam tsindam law law hpe shabyin ya nga ai.

GA SHAGAWP 29:9

Nyan let ai masha wa gaw angawk ai wa hte ru hka amu tsun ndang hkat ai shaloi, angawk ai wa gaw mani chyu mani nna marawn matsa nga ai.

HPAJI NINGLI 7:9

Na a myit hkang u; masin kahtet ai gaw angawk angak amu rai nga ai.

YEREMIA 6:28

Shanhte yawng hte gaw hpri hte magri mang ja ai zawn, du ja ai gumle gumlau ni rai ma ai. Shanhte yawng hte gaw n san n seng nga ai hte shiga htawn, shatan hkawm ai ni rai ma ai.

YEREMIA 9:4

Masha shagu gaw shanhte a manang ni hpe makran na rai nga ai, jinghku jingyu ni yawng gaw Yaku zawn masu hkalem chye nga ai ma ai majaw kadai mung tinang a makyin jinghku ni hpe n kam ma ai; masha shagu gaw shanhte a manang ni hpe shatan ma ai.

KASA 21:30

Mare ting kabring kabrawng rai wa nna, shawa ni gat gumbawm bang wa ma ai hte Pawlu hpe rim ahkyik garawt la nhtawm htingnu shinggan de dun shapraw mat wa ma ai. Dai shaloi jang Nawku Htingnu chyinghka ni hpe la kau ma ai.

ROMA 3:14

Shanhte a n-gup aga hta asung arung nga ai matsa mawa ga ni hte hpring nga malu ai.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 5:8

Dai rai nna yubak mara hte n hkru n shawp ai arawn alai ngu ai matsi dingsa lawm ai muk tawng hte n re ai sha, san seng ai myit masin hte teng man ai ngu ai matsi n rawng ai muk tawng hte Shalai wa ai Poi galaw sha ga.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

EHPESU 4:22

Dai rai nna nanhte gaw shawng de nanhte hkan sa yu sai asak hkrung lam hta na gawng shingyan dingsa hpe mung, pyaw hpa lam hpe marin marit nna hkalem hkalau mayu ai myit a majaw, hten mat sai gawng shingyan dingsa hpe mung kabai kau mu.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

EHPESU 4:26

Nanhte masin pawt yang dai pawt ai myit hpe yubak hkum galaw shangun myit; jan du hkra mung hkum pawt nga myit.

KOLOSE 3:19

Madu wa ni e, nanhte a madu jan ni hpe tsaw ra nga nna, shanhte hpe kajet kaje hkum rai nga myit.

KOLOSE 3:8

Ya chyawm gaw, masin pawt ai, n yun bu ai, n ju n dawng ai myit, mara matsing ai, shatan nhkan ai hte ga kinsha re ai ni yawng hte hpe yeng seng kau mu.

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

1 TIMOHTI 5:13

Dai hta kaga shanhte gaw nta langai mi kaw nna langai mi hta shang chyai hkawm nna aten hpe kaman shama kau ai lam galaw chye wa ma ai. Dai hta grau n kaja ai lam gaw, shanhte n tsun ang ai lam ni hpe hkan tsun nna shatan n lem hkawm ai hte tinang hte n seng ai lam ni hta ginchya lawm chye ma ai.

2 TIMOHTI 2:23

Rai ti mung angawk angak hte tuk shamak re ai ndang kalang ga ni hpe koi kau u. Shing re ai ni a jahtum ai gaw ga li ga law lam ni rai nga ai hpe nang chye nga ndai.

2 TIMOHTI 3:3

Shanhte gaw matsan dum n chye ai ni, n ja n hpra myit n rawng nna masin n si n hkru ai ni, masha wa a sari jahpoi na hku shatan n lem ai ni, masha wa a myit hkrum ai lam n tam ai sha kashun kashe hkala nba amu galaw ai ni, matse mazut ai ni rai na mara ai. Dai hta n ga, shanhte gaw mai kaja ai hpe n dawng ai ni,

TITU 1:7

Hpa majaw nga yang Hpung up wa gaw Karai Kasang a magam amu hpe lit la nna gun hpai ai wa rai nna, mara n rawng ai wa mai rai nga ai. Shi gaw myit tsaw myit dap ai wa, sindawng katawt ai wa, chyaru len ai wa, ga li ga law anu ajin rai chye ai wa, shing n rai gumhpraw marin ai wa n mai rai nga ai.

TITU 2:3

Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

YAKU 1:19

Nye a tsaw ra ai hpu nau ni e, ndai lam matsing tawn da nga mu! Nanhte langai hte langai gaw na la na mahtang lawan nna tsun shaga na hte masin pawt na lam hta hkum tin nga mu.

YAKU 3:14

Rai ti mung nanhte a myit hta e, manawn masham ai myit, myit machyi ai, tinang akyu tam ai myit rawng ai rai yang nanhte a hpaji byeng-ya rawng dum nna grang gumrawng ai hte dai teng man ai lam hpe shut kau ai mara hkum galaw myit.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.

1 YAWHAN 3:15

Shi a kahpu kanau wa hpe n dawng n yawt ai wa kadai rai ti mung, masha hpe sat kau ai wa rai nga ai. Masha hpe sat kau ai wa gaw shi hta htani htana asak n lu la ai hpe nanhte chye nga myit dai.

SHINGRAN 12:10

Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.