EHPESU 4:3 - Jinghpaw Common Language Bible 2009

³ Nanhte hpe shajup shangang da ai ngwi pyaw ai makyit sumri a marang e dai Wenyi e jaw ya ai myit hkrum kahkyin gumdin lam hpe atsam htum hkra kyem mazing da nga mu.

Jinghpaw Hanson Version Bible

³ Wenyi a myit hkrum ai lam hpe ngwipyaw ai makyit sumri hte hkan shatup na, larau ladau rai nga mu.

EHPESU 4:3 ပူးပေါင်းရင်းမြစ်များ

1 HKAWHKAM 16:21

Israela amyu masha ni hta hpung garan mat ai rai nna, nkau mi Ginat a kasha Tibni hpe hkawhkam shatai mayu ma ai; kaga hpung mi chyawm gaw Omri hpe ra sharawng nga ma ai.

PRU MAT 28:32

Dai hta baw shawn na matu lawngdu langai tawn da nna, n je mat hkra shakung grup grup hpe da la ai sumpan hte du hkawp na rai nga ai.

HPAJI NINGLI 4:12

Marai lahkawng gaw marai mi sha htim gasat ai hpe manga kau lu nga ai. Rit sumri masum hte rit da ai sumri hpe gang di kau na yak la ai.

MARKU 3:24

Mungdan langai mi a kata hta daw hka bra ayai nna shada da gasat hkat ai rai yang dai mungdan gaw n grin nga lu ai.

YAWHAN 13:34

‘Shada da tsaw ra nga mu,’ ngu nna Tara Ningnan ngai nanhte hpe jaw made ai. Ngai nanhte hpe tsaw ra made ai zawn, nanhte mung shada da tsaw ra nga lu na rai myit dai.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

EHPESU 4:13

Dai rai nna anhte a makam masham a marang e mung dai Karai Kasang a Kasha hpe chye chyang ai a marang e mung, hpang jahtum e anhte nga manga hte gaw langai sha tai wa nna Hkristu a tsaw dik ai hkum tsup ai gawng shingyan a hpunda hte maren myit su kunghpan ai ni tai wa na raga ai.

EHPESU 4:4

Nanhte hpe Karai Kasang shaga la ai lam hta myit mada shara langai sha de, shaga la manit dai hte maren, hkum hkrang langai sha hte Wenyi langai sha rai nga ai.

1 HTESALONI 5:13

Shanhte gun hpai ai magam bungli a majaw shanhte hpe grai wa di nna hkungga lara ai hte tsaw ra ai hku galaw nga mu. Nanhte a kata hta mung shada da ngwi pyaw sim sa ai hku asak hkrung nga mu.

HEBRE 12:14

Masha shagu hte ngwi pyaw ai hku nga lu hkra mung, chyoi pra ai asak hkrung lam hpe lu la hkra mung, tam shakut nga mu. Hpa majaw nga yang, dai zawn re ai asak hkrung lam hte n rai yang kadai mung dai Madu hpe mu lu na n rai.