EHPESU 4:29 - Jinghpaw Common Language Bible 2009

²⁹ Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

Jinghpaw Hanson Version Bible

²⁹ N se ai ga hkaw mi mung nanhte a n-gup na hkum pru u ga; madat mara nga ai ni a matu akyu byin hkra, ra nga ai hte maren shadaw shalan na matu, mai kaja ai ga sha a tsun na mu.

EHPESU 4:29 ပူးပေါင်းရင်းမြစ်များ

SHAKAWN KUNGDAWN 45:2

Nang gaw lasha ni hta ahpraw tsawm htum ai wa rai nga ndai; nang gaw ga shaga ningtam rawng ai wa rai nga ndai. Dai majaw Karai Kasang nang hpe tut nawng shaman ya nit dai.

SHAKAWN KUNGDAWN 5:9

Nye a gumlau hpyen ni tsun ai hpa lam hpe rai tim, galoi mung n mai kam nga ai; shanhte gaw jahten kau na matu sha, ra sharawng nga ma ai. Shanhte tsun shaga ai ga ni gaw dwi sau nna abawk shatsawm lu nga ma ti mung, dai ni gaw hkrit tsang mai ai hkalem ga ni hte hpring nga ai.

SHAKAWN KUNGDAWN 52:2

Na a shinglet gaw dai kara rep nhkyi zawn kaga ni hpe jahten sharun na, maw mawn nga ndai. Nang gaw masu magaw ga hpe tut nawng e, gyin shalat ai wa rai nga ndai.

SHAKAWN KUNGDAWN 71:24

Ngai hpe machyi shangun na matu shakut ai ni gaw sum mat ai hkrum nna kaya kahpa hkrum nga ma ai majaw, na a ding man ai lam hpe ngai shani tup tsun dan na nngai.

GA SHAGAWP 12:13

Tara n lang ai masha wa gaw shi a n-gup aga ni hta ahkang abai nga ai; ding hpring ai wa chyawm gaw ru yak tsin-yam kata kaw na shi hkum nan male pru wa nga ai.

GA SHAGAWP 15:23

Ra ahkyak ai aten hta ra ahkyak ai ga hpe tsun shaga lu ai gaw gade wa kabu gara shara rai nga a hka!

GA SHAGAWP 15:7

Chye chyang ai hpaji gaw angawk ai ni kaw na n rai; hpaji rawng ai ni kaw na chyam bra wa nga ai.

GA SHAGAWP 16:21

Hpaji rawng nna kung hpan ai myit rawng ai wa gaw shi a hkawn hkrang ai myit nyan hpaji hta gumhkawng nga ai; shi a n-gup aga grau ngwi pyaw magang, amu magam bungli hpe grau nna woi awn lu magang rai nga ai.

HPAJI NINGLI 10:12

Hpaji rawng ai wa tsun ai ga gaw shi hpe shagrau sha-a hkam la shangun nga ai; rai ti mung angawk ai wa chyawm gaw shi tsun ai ga ni a majaw hten byak nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

LUKA 4:22

Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

YAWHAN 1:37

Dai sape yan gaw shi tsun ai ga na nna, Yesu kaw hkan sa ma ai.

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

ROMA 15:2

Anhte langai hte langai gaw, makam masham garai n ngang ai hpu nau ni a makam masham ngang kang wa hkra shanhte a mai kaja lam hpe tam let shangwi shapyaw nga ga.

1 KORINHTU 14:19

Rai ti mung nawku daw jau ai hpawng hta laklai ai ga amyu myu hkying mun tsun lu ai hta masha kaga hpe sharin achyin ya lu na matu chye na ai ga hkaw manga hte sha ngai grau nna tsun mayu nngai.

EHPESU 4:12

Shi shing rai galaw ai gaw Hkristu a hkum hkrang hpe gaw gap shagrin da u ga, Karai Kasang a masha ni yawng hte hpe Hkristan daw jau sasana bungli a matu mara hkum tsup hkra hkyen lajang shajin ya na matu rai nga ai.

EHPESU 4:16

Baw ngu ai Madu woi awn up hkang hpajang ai kata e hkum hkrang a daw shan ni nga manga hte gaw langai hte langai htuk shachyaw nga ma ai hte hkri hkraw lamyi shagu e matut shachyaw madi shadaw ya ai a marang e dai hkum hkrang ting hpe kahkyin gumdin jum da lu nga ai. Dai rai nna daw shan ni langai hte langai tinang hte seng ang ai lit hpe gun hpai ai shaloi hkum hkrang ting hpe tsaw ra ai hte gaw gap galu kaba wa shangun nga ai.

KOLOSE 4:6

Nanhte tsun ai ga gaw galoi mung jum shum ai zawn na ra shing-nyi rawng nna chyeju masa hku myit lawm shangun ai ga rai nna san ai masha shagu hpe jaw ai mahtai jaw lu na matu shajin da nga mu.

1 HTESALONI 5:11

Ndai lam a majaw, nanhte ya e galaw nga ai hte maren, langai hte langai shada da n-gun jaw hkat ai lam, karum shingtau hkat ai lam agalaw nga mu.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

1 PETRU 3:1

Dai hte maren madu jan ni e, tinang a madu wa hkang ai hku hkan nga mu; ndai lai hku nna nanhte hta Karai Kasang a mungga hpe garai n kam n sham ai madu wa ni lawm ai rai yang gaw, nanhte a arawn alai hpe mu nna ga hkaw mi n tsun ra ai sha kam sham ai masha shatai la lu na myit dai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.