EHPESU 4:28 - Jinghpaw Common Language Bible 2009

²⁸ Lagu ga ai wa gaw, lagu lagut amu tawn kau nna bai hkum lagu u ga, ra kadawn nga ai ni hpe karum la lu hkra tinang a matu teng man ai kan bau ai asak hkrung lam lu la hkra amu galaw hpang u ga.

Jinghpaw Hanson Version Bible

²⁸ Lagu ga ai wa gaw, bai hkum lagu u ga; kadawn nga ai ni hpe karan jaw lu hkra, tinang a lata hte mai kaja ai shachyen let, magam bungli galaw nga u ga.

EHPESU 4:28 ပူးပေါင်းရင်းမြစ်များ

YOBA 34:32

Na a shut hpyit mara madun dan na matu Karai Kasang kaw hpyi nem yu sani? N hkru n shawp ai amu galaw ai hpe jahkring kau na matu nang myit hkrum nga n ni?

PRU MAT 20:15

“Masha arai hkum lagu et.

PRU MAT 20:17

“Kaga masha wa a nta hpe ra marit ai myit hkum rawng et. Shi a madu jan hpe mung, mayam num ni hpe mung, shi a dumsu hte lawze ni hpe mung, shi madu tawn ai arai hpa hpe mung hkum ra marit nga et.

PRU MAT 21:16

“Marai langai ngai hpe rim makoi mat wa nhtawm shi hpe dut kau nna mayam langai zawn tawn da ai wa kadai mung si lu na rai wu ai.

GA SHAGAWP 13:11

Na a sut gan hpe grau loi ai hku nang lu la magang, grau lawan ai hku dai hpe nang jasum kau na ra ai; grau shakut sharang let tam mahkawng ai sut gan chyawm gaw grau nna nang hta law htam wa na ra ai.

GA SHAGAWP 14:23

Bungli galaw u, nang asak kan bau lu na rin dai; nang lama, kaman dung shaga nga ai rai yang, matsan mayan hkrum na ndai.

GA SHAGAWP 21:26

Shi galaw ai lam yawng hta, shi hpa baw hkam la lu na lam hpe sha, myit yu nga ai; ding hpring ai masha wa chyawm gaw jaw ya lu ai hte, nhpaw n-ya gam jaw lu nga ai.

GA SHAGAWP 28:13

Na a yubak mara ni hpe ip da na, nang shakut ai rai yang, asak hkrun lam hta, nang galoi mung awng dang na n rai; mara hpe yin la nna tawn kau jang, Karai Kasang nang hpe matsan dum ai myit madun dan na ra ai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

GA SHAGAWP 31:20

Shi gaw matsan mayan ni hte ra kadawn ai ni hpe nhpaw n-ya jaw lu jaw sha kam nga ai.

YEREMIA 7:9

Nang gaw arai lagu ai, masha sat ai, numshaw lashaw amu shut hpyit ai, masu ga tsun nna dagam ai, Bala hpara hpe shagu hkungga nawng jau ai, shawng de nang garai n chye yu ai karai ni hpe nawku nga ndai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

ZEHKARIA 5:3

Dai hpang, shi gaw ngai hpe, “Dai ntsa hta mungdan ting de bra nga ai dagam dala lam ka da nga ai. Dai laika katsu a man maga mi hta lagut shagu hte gaw dai mungdan kaw nna seng kau ai hkrum na rai nga ai ngu nna tsun da nga ai. Bai kaga maga de gaw dagam da sai rai tim masu magaw ga naw tsun ai ni langai hte langai la kau ai hkrum na rai nga ai nga nna tsun da nga ai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

YAWHAN 12:6

Shi shing nga nna tsun ai gaw, matsan mayan ni hpe matsan dum ya nna tsun ai n rai, shi gaw gumhpraw jan jum ai wa rai nga ai rai nna, bang da ai gumhpraw hta na sen di sha ai lagut rai nga ai majaw tsun ai sha rai nga ai.

YAWHAN 13:29

Yuda gaw gumhpraw jan jum ai wa rai nga ai majaw, Yesu gaw shi hpe, poi a matu ra ai arai ni sa mari u, nga sam ai nga nna mung, matsan mayan ni hpe lama ma sa jaw u, nga sam ai ngu nna mung, shanhte hta na nkau mi myit ma ai.

ROMA 12:13

Ra kadawn nga ai nanhte a Hkristan hpu nau ni hpe tinang lu ai arung arai ni gam jaw gam ya nga mu; chyasam manam ni hpe hkap hkalum daw jaw daw ya nga mu.

1 KORINHTU 4:12

Anhte a lata hte shakut nna bungli shaja galaw sha ga ai, anhte matsa mawa hkrum yang shaman ya ga ai, zingri zingrat hkrum yang anhte hkam sharang ga ai.

2 KORINHTU 8:12

Nanhte hta jaw ya mayu ai shawang myit rawng ai rai yang, Karai Kasang gaw nanhte a rai lu ai made jaw ya ai kumhpa hpe hkap la na ra ai. Nanhte n rai lu ai hpe Karai Kasang hpyi na n rai.

2 KORINHTU 8:2

Shanhte hkam lai wa sai tsin-yam tsindam ni hta shanhte n htum n ni dinglik hkrum ma ai; rai ti mung shanhte a kabu gara ai myit nachying kaba nga malu ai rai nna shanhte gaw grai matsan mayan re ai ni rai ma ti mung, shanhte a jaw ya ai lam hta shadawn shadang n nga ai tsaw ra shawang myit rawng nga ma ai.

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

1 TIMOHTI 6:18

Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.

TITU 3:14

Sha na, bu hpun na, nga na lam a matu kaja wa ra kadawn nga ai hpe jaw lu hkra, anhte a masha ni kaja ai kan bau bungli galaw ai hta shanhte a aten hpe jai lang chye mu ga hte, shanhte gaw akyu n rawng ai baw asak n hkrung mu ga sharin ya u.

TITU 3:8

Ndai ga gaw kangka re ai ga rai nga ai. Karai Kasang hpe kam sham ai ni gaw masha shagu a matu kaja ai hte akyu rawng ai mai kaja ai amu hpe myit lawm let aten jaw nna galaw nga mu ga lahta de tsun lai wa sai lam ni hpe laksan madung dat ahkyak shatai nna nang tsun shadum shahprang nga na hpe ngai ra nga nngai.