EHPESU 4:25 - Jinghpaw Common Language Bible 2009

²⁵ Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

Jinghpaw Hanson Version Bible

²⁵ Dai rai nna, masu matsa ga hpe kau da nhtawm, langai hte langai tinang a htingbu wa hpe tengman ai ga sha tsun nga mu: kaning rai nme law, anhte shada da a daw shan ni rai nga ga ai.

EHPESU 4:25 ပူးပေါင်းရင်းမြစ်များ

1 HKAWHKAM 13:18

Dai hpang Behtela mare na myihtoi dingla wa gaw shi hpe, “Ngai mung nang hte maren sha myihtoi langai mi rai nga nngai, dai Madu a hkang da ai ga hta, nang hpe ngai nta de woi wa nna hkalum la na lam lamu kasa ngai hpe tsun ai,” ngu nna tsun dan wu ai. Rai ti mung myihtoi dingla wa chyawm gaw masu tsun nga wu ai.

SHAKAWN KUNGDAWN 119:29

Shut ai lam hta hkawm sa nga ai kaw na ngai hpe sharai la e; na a mai kaja ai lam hta, ngai hpe na a tara sharin ya e.

SHAKAWN KUNGDAWN 15:2

Lam shagu hta Karai Kasang a ga hpe madat mara ai wa gaw teng man ai amu hpe tut nawng e galaw nga nna; shi tsun ai ga mung teng man ai hte myit malang nga ai majaw,

SHAKAWN KUNGDAWN 52:3

Nang gaw kaja ai hta n hkru ai hpe, teng man ai hta shut hpyit ai hpe grau nna tsaw ra nga ndai.

PRU MAT 23:7

Shi hpe n teng n man ai hku mara hkum shagun et; mara n kap ai wa hpe si ari jaw lu na n rai; hpa majaw nga yang, dai zawn re ai n hkru ai amu galaw ai wa kadai hpe mung ngai daw dan na we ai.

GA SHAGAWP 12:17

Teng man ai lam hpe nang tsun nga yang teng man rap ra ai tara hpe shatup nga ti mung; masu magaw ga gaw tara tawt lai ai lam de, woi sa wa nga ai.

GA SHAGAWP 12:19

Masu magaw ai gaw asak kadun nga ai rai ti mung, teng man ai gaw htani htana agrin nga ai.

GA SHAGAWP 12:22

Dai Madu gaw masu magaw masha ni hpe n dawng nga ai; sadi dung ai ni hpe chyawm gaw shi ra sharawng nga ai.

GA SHAGAWP 21:6

N teng n man ai hku, nang lu la ai sut gan ni gaw gade n na yang mat mat na ra ai rai tim, dai garai n mat mat yang, dai sut gan gaw nang hpe si du a shakap kata de woi sa mat wa na ra ai.

GA SHAGAWP 24:28

Ra n rawng ai sha, marai langai ngai a lam hta sakse hkum hkam et; shi a lam hte seng nna numshe shang shangun ai ga hkum shaga et.

GA SHAGAWP 8:7

Ngai tsun ai ga gaw teng man nga ai rai nna, masu magaw ga ni hpe ngai n dawng nga nngai.

ESAIA 63:8

Dai Madu gaw, “Shanhte gaw nye a amyu masha ni rai nga ma ai; shanhte ngai hpe masu hkalem na mara ai n rai,” ngu nna tsun ai. Dai rai nna shi gaw shanhte hpe

ESAIA 9:15

Asak kaba sai ni hte arawng lu ai masha ni gaw abaw rai nna, masu magaw ga sharin ya ai myihtoi ni chyawm gaw ningmai rai nga ai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

JAW JAU 19:11

“Masha arai hkum lagu; maw sha mawp sha ai hte masu magaw ga hkum tsun myit.

ZEHKARIA 8:16

Ndai gaw nanhte galaw ang myit dai amu ni rai nga ai: langai hte langai teng man ai ga tsun nga mu. Tara daw dan ai rung ni hta kaja wa teng man rap ra ai hte ngwi pyaw sim sa lam jaw ya lu ai hku matsan dum hkat nga mu.

ZEHKARIA 8:19

“Shata mali, shata manga, shata sanit hte shata shi hta lusha gam ai gaw kabu gara ai lusha poi tai wa nna, Yuda amyu masha ni a matu kabu pyaw hpa lam tai wa nga ai. Dai re ai majaw nanhte sim sa lam hpe tsaw ra lu na rai myit dai.”

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

ROMA 12:5

Dai hte maren law law rai nga ga ai anhte mung Hkristu hta hkum hkrang langai sha tai nna anhte gaw langai hte langai shada da daw shan rum nga ga ai.

1 KORINHTU 10:17

Hpa majaw nga yang, muk tawng gaw langai sha rai nga ai, dai muk tawng langai sha hpe jawm garan sha ga ai majaw, anhte law law wa rai nga ga ti mung, hkum hkrang langai sha rai nga ga ai.

2 KORINHTU 7:14

Ngai gaw Titu hpe nanhte a lam gumrawng dan ni ai. Shing rai gumrawng dan ai hte maren teng man nga ai lam nanhte madun dan manit dai majaw ngai hpe myit daw shangun myit dai n rai. Anhte gaw nanhte hpe galoi mung teng man ai lam hpe sha tsun ga ai hte maren, Titu hpe nanhte a lam gumrawng dan ai lam mung teng nga ai hpe chye lu sai.

EHPESU 4:15

Shing rai na malai, tsaw ra ai myit hte teng man ai ga hpe tsun nga ga yang Hkristu ngu ai baw hte lam shagu hta kaba rawt wa na ga ai.

EHPESU 4:22

Dai rai nna nanhte gaw shawng de nanhte hkan sa yu sai asak hkrung lam hta na gawng shingyan dingsa hpe mung, pyaw hpa lam hpe marin marit nna hkalem hkalau mayu ai myit a majaw, hten mat sai gawng shingyan dingsa hpe mung kabai kau mu.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

EHPESU 5:30

Hpa majaw nga yang, shi a hkum hkrang a daw shan ni rai nga ga ai.)

KOLOSE 3:8

Ya chyawm gaw, masin pawt ai, n yun bu ai, n ju n dawng ai myit, mara matsing ai, shatan nhkan ai hte ga kinsha re ai ni yawng hte hpe yeng seng kau mu.

KOLOSE 3:9

Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.

1 TIMOHTI 1:10

akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

1 TIMOHTI 4:2

Kahtet ai hpri hte kaba jahkat kau hkrum ai zawn, tinang a mai n mai chye ginhka ai htauli htaula myit ni si mat sai masu hkalem ai ni gaw shing re ai sharin shaga ai lam ni hpe shachyam shabra dat ma ai.

TITU 1:12

Shanhte hta na tinang a amyu myihtoi rai nga ai Kreti masha langai mi gaw, “Kreti masha ni tut tut masu, matse labye n hkru, nakru lagawn bu,” nga nna tsun ai.

TITU 1:2

Dai Nawku htung gaw htani htana asak hpe myit mada ai lam hta npawt de da nga ai. Masu magaw n chye ai Karai Kasang gaw, moi chyaloi nhkoi kaw nna htani htana asak anhte hpe jaw na matu ga ndat jaw da mani ai.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

YAKU 1:21

Dai re ai majaw matsat shabat re ai sat lawat shagu hte n hkru n kaja ai arawn alai yawng hte hpe yeng seng kau mu. Karai Kasang kaw sumnung ai hte shawng kaw nna nanhte a kraw lawang ni hta e shi hkai da ya sai nanhte hpe hkye hkrang la lu ai mungga hpe hkap la mu.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.

TARA AGYI 16:11

Shi gaw dai numsha hpe, “Shanhte gaw galoi mung garai n lang yu ai sumri nnan hte ngai hpe gyit hkang da ai rai yang, ngai gaw masha gale zawn n-gun kya mat na rai nngai,” ngu nna htan wu ai.