EHPESU 4:19 - Jinghpaw Common Language Bible 2009

¹⁹ Shanhte hta hkrit kaya ngu ai myit yawng shamat kau sai majaw, shanhte gaw ngang kayut ai lam hkan let n san n seng n shawp n kap ai amu amyu myu hpe hkum da ai lam n nga hkra galaw na matu tinang a hkum hpe nawng bang kau ma ai.

Jinghpaw Hanson Version Bible

¹⁹ shanhte gaw hpa hkrit kaya ngu ai n dum ai majaw, nammak lawhpa ai hta n san n seng ai bungli amyu myu shachyen hkra, tinang a hkum hpe ngang kayut ai hta, nawng kau mu ai.

EHPESU 4:19 ပူးပေါင်းရင်းမြစ်များ

YOBA 15:16

Anhte gaw n hkru ai amu hpe hka zawn lu ga ai; rai sa, anhte gaw hten mat chye ga ai; anhte gaw manu n dan ga ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

MARKU 7:22

masha num shaw na, nammak lawhpa ai myit rawng na hte kaga n hkru n kaja ai lam amyu myu, masu hkalem ai, n shawp n kap re ai lam, n ju n dawng ai, shatan n hkan ai, gumrawng ai, myit n su ai lam ni hpe galaw shangun nga ai.

EHPESU 4:17

Manu n rawng ai myit mang ai lam lu ai maigan masha ni zawn matut nna asak n hkrung na matu Madu a mying ningsang hte ngai nanhte hpe sadi jaw made ai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

1 TIMOHTI 4:2

Kahtet ai hpri hte kaba jahkat kau hkrum ai zawn, tinang a mai n mai chye ginhka ai htauli htaula myit ni si mat sai masu hkalem ai ni gaw shing re ai sharin shaga ai lam ni hpe shachyam shabra dat ma ai.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

2 PETRU 2:22

“Gwi gaw tinang a nhpat hpe nhtang sha ai,” bai “Wa gaw kashin ya ngut ai hpang hkum pup hta bai galwi nga ai,” nga ai ga shagawp gaw shanhte a matu teng nga ai.

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.

SHINGRAN 18:3

Hpa majaw nga yang, masha amyu baw shagu gaw, dai mare a hpye ai amu hta myit kayut baw bang ai ngu ai sabyi ntsin hpe lu masai. Ga ntsa na hkawhkam ni mung, shi hte rau hpye ai amu galaw ma ai, ga ntsa na hpaga la ni mung dai mare a ladu lai ai myit kayut sawse lawklek ai a majaw sut su wa masai,” nga nna ja ai nsen hte jahtau wu ai.