EHPESU 4:13 - Jinghpaw Common Language Bible 2009

¹³ Dai rai nna anhte a makam masham a marang e mung dai Karai Kasang a Kasha hpe chye chyang ai a marang e mung, hpang jahtum e anhte nga manga hte gaw langai sha tai wa nna Hkristu a tsaw dik ai hkum tsup ai gawng shingyan a hpunda hte maren myit su kunghpan ai ni tai wa na raga ai.

Jinghpaw Hanson Version Bible

¹³ anhte nga manga hte gaw, dai makam masham a myit hkrum na lam hte, Karai Kasang a Kasha a chye chyang ai hpunda hpe dep lu nna, hkum tsup re ai masha ngu ai, Hkristu hte shadawn ram ai gawng shing-yan a lanang hkap lu hkra, rai na rai nga ai:

EHPESU 4:13 ပူးပေါင်းရင်းမြစ်များ

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

ZEHPANI 3:9

“Dai hpang, ngai gaw masha amyu baw ni hpe galai kau nna shanhte gaw kaga hpara ni hpe n nawku ai sha ngai kaw chyu akyu hpyi wa na mara ai. Shanhte yawng nye a ga matsun ni hpe madat mara hkan sa na mara ai.

ZEHKARIA 14:9

Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

YAWHAN 1:16

Shi gaw chyeju hte hpring tsup nga ai hte maren shi anhte nlang hte hpe shaman ya mi ai rai nna, chyeju htap mi hte htap mi lu la saga ai.

YAWHAN 16:3

Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

YAWHAN 17:21

Shanhte nlang hte gaw langai sha tai nga mu ga, ngu nna ngai hpyi nngai. Wa e! Nang gaw ngai hta nga nga nna ngai mung nang hta nga nga nngai zawn, dai ni mung an hta nga nga mu ga, ngu nna ngai hpyi nga nngai. Ngai hpe nang shangun dat ndai gaw, mungkan ga na ni kam sham lu mu ga, shanhte hpe langai sha byin tai shangun u law.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 6:69

Nang gaw Karai Kasang kaw na du sa ai chyoi pra ai Wa rai nga ndai hpe anhte kam sham ai hte chye lu saga ai,” ngu nna shi hpe htan wu ai.

KASA 4:32

Dai kam sham ai shawa hpawng ting gaw myit mang langai sha rai nga ma ai. Kadai mung tinang lu ai arai hpe nye a n nga ai sha shanhte yawng gaw lu ai arai hpa hpe rai tim shada da jawm garan lang ma ai.

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

1 KORINHTU 14:20

Hpu nau ni e, myit mang ai lam hta ma kaji hkum tai myit: n hkru n kaja ai lam hta she ma kaji tai nga mu; myit mang ai lam hta chyawm gaw, asak kaba nna myit su ai ni zawn rai nga mu.

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

GALATI 4:19

Tsaw ra ai kashu kasha ni e, Hkristu a gawng shingyan nanhte hta hkum tsup wa ai aten du hkra, ngai gaw ma shangai ai kanu zawn shinggyim machyi ai hpe nanhte a matu kalang mi bai hkam nga nngai.

EHPESU 1:17

Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

EHPESU 1:23

Dai hpung gaw yawng mayawng hpe jahpring shatsup ya ai wa a hkum tsup ngu ai Hkristu a hkum hkrang rai nga ai.

EHPESU 2:15

Shi gaw amyu lahkawng hpe Hkristu hte kahkyin gumdin nna amyu masha ningnan langai mi shabyin shalat na matu Yuda tara hte hpawn hkang da ai lam ni hte hkan sa tara ni hpe dawm shaprai kau nu ai. Ndai lai hku nna ngwi pyaw sim sa ai lam jaw ya sai.

EHPESU 4:12

Shi shing rai galaw ai gaw Hkristu a hkum hkrang hpe gaw gap shagrin da u ga, Karai Kasang a masha ni yawng hte hpe Hkristan daw jau sasana bungli a matu mara hkum tsup hkra hkyen lajang shajin ya na matu rai nga ai.

EHPESU 4:3

Nanhte hpe shajup shangang da ai ngwi pyaw ai makyit sumri a marang e dai Wenyi e jaw ya ai myit hkrum kahkyin gumdin lam hpe atsam htum hkra kyem mazing da nga mu.

EHPESU 4:5

Madu langai sha, makam masham langai sha, hkalup lam langai sha, rai nga ai.

HPILIPI 3:10

Ngai gaw Hkristu hpe chye chyang na lam, shi a bai hkrung rawt wa ai n-gun atsam hpe mu hkrum hkam sha lu na lam, shi hte rau nni nkri hkam nna shi si hkam ai zawn si hkam na hpe sha ngai ra marit nga nngai.

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

HEBRE 5:14

Ja ai shahpa chyawm gaw kaba sai ni a matu rai nna, shanhte gaw hkan sa galaw shaman ai hku nna kaja ai hte n kaja ai hpe ginhka maram chye ai ni rai ma ai.

2 PETRU 1:4

Ndai lam hku nna grai galu kaba nna hpu ging ai chyeju kumhpa hte seng ai ga sadi ni anhte hpe jaw da mani ai. Dai rai nna ndai chyeju ni a marang e anhte gaw mungkan ga na jahten shabyak shangun ai myit marin ai lam kaw nna lawt lu nna Karai a marai hpe shang lawm dagraw lu myit dai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.