EHPESU 4:12 - Jinghpaw Common Language Bible 2009

¹² Shi shing rai galaw ai gaw Hkristu a hkum hkrang hpe gaw gap shagrin da u ga, Karai Kasang a masha ni yawng hte hpe Hkristan daw jau sasana bungli a matu mara hkum tsup hkra hkyen lajang shajin ya na matu rai nga ai.

Jinghpaw Hanson Version Bible

¹² shi gaw nkau mi hpe kasa, nkau mi hpe myihtoi, nkau mi hpe kabu gara shiga hkaw hkawm ai ni, nkau mi hpe hpung up hte sara di nna, jaw da shajang mu ai.

EHPESU 4:12 ပူးပေါင်းရင်းမြစ်များ

LUKA 22:32

Rai ti mung, na a kam sham ai myit n hten lit ga ngu nna, nang Simun a matu ngai akyu hpyi da ni ai. Shing rai nang ngai hpang de bai kayin dum wa yang, na nhpu nnau ni hpe shangang shakang ya lu na rai ndai.”

KASA 1:17

Hpa majaw nga yang, Yuda gaw magam gun langai mi hku nna lata la hkrum ai wa rai nna anhte a hpung hta lawm ai wa rai nga ai,” nga nna tsun ai.

KASA 1:25

Dai kasa aya hta ndai yan lahkawng hta na kadai hpe mahtang nang lata san da ndai gaw, anhte hpe madun dan mi,” nga nna akyu hpyi ma ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 9:31

Dai majaw dai aten hte yang Yuda mung Galile mung hte Samari mung shara magup hkan e nga ai hpung gaw zingri zingrat n hkrum ai angwi apyaw sha nga lu nga ma ai. Dai hpung gaw Karai Kasang hpe hkrit hkungga ai myit hte asak hkrung shamu shamawt nna Chyoi pra ai Wenyi a karum madi shadaw ai hte ngang kang grin nga ai rai nna hpung masha ni law htam wa ma ai.

ROMA 12:5

Dai hte maren law law rai nga ga ai anhte mung Hkristu hta hkum hkrang langai sha tai nna anhte gaw langai hte langai shada da daw shan rum nga ga ai.

ROMA 12:7

Masha hpe karum daw jau chye ai chyeju kumhpa rai yang gaw daw jau ga, sharin shaga chye ai chyeju kumhpa rai yang gaw sharin shaga ga,

ROMA 14:19

Dai re ai majaw, anhte gaw shada ngwi pyaw sim sa ai hku nga lu na lam shabyin ya nna, shada da Wenyi n-gun atsam lu la shangun ai lam ni hpe galoi mung myit yaw shada let agalaw nga ga.

ROMA 15:14

Nye a hpu nau ni e, nanhte gaw mai kaja ai lam hte hpring tsup nga nna machye machyang htak rai nga ai hte, nanhte shada da sharin jep lu nga myit dai hpe ngai hkum nan kam da made ai.

ROMA 15:2

Anhte langai hte langai gaw, makam masham garai n ngang ai hpu nau ni a makam masham ngang kang wa hkra shanhte a mai kaja lam hpe tam let shangwi shapyaw nga ga.

ROMA 15:29

Ngai nanhte kaw du yang Hkristu kaw na ra n rawng nna gumring gumrat ai shaman chyeju ni nanhte hpe garan kachyan hkam la shangun lu na ngai chye nga nngai.

1 KORINHTU 12:27

Ya nanhte yawng gaw Hkristu a hkum hkrang rai nga ai hte, langai hte langai gaw de a daw shan ni rai nga myit dai.

1 KORINHTU 12:7

Yawng mayawng a matu akyu pru u ga she, langai hte langai hta dai Wenyi shanu nga ai lam, amyu myu hku madun shadan dan nga ai.

1 KORINHTU 14:12

Nanhte gaw Wenyi chyeju kumhpa hpe, ra marit nga myit dai majaw dai Hpung hpe galu kaba hkra gaw gap ai chyeju kumhpa ni hpe yawng hta grau nna jai lang nga mu.

1 KORINHTU 14:14

Hpa majaw nga yang, ngai gaw ga amyu myu hte akyu hpyi ai shaloi, kaja wa nye a Wenyi akyu hpyi nga ai rai ti mung, nye a myit gaw dai hta n lawm nga ai.

1 KORINHTU 14:26

Dai rai nna hpu nau ni e, ngai ngu mayu ai gaw da ndai rai nga ai: Nanhte nawku daw jau na matu hpawng nga myit dai shaloi e, langai wa gaw mahkawn shakawn ai lam, bai langai wa gaw sharin ai lam, bai langai wa gaw shingran ga htai dan ai lam, bai langai wa mi gaw laklai ai ga amyu myu hku tsun nna, kaga langai wa mi gaw tsun ai ga a lachyum hpyan dan ai lam re ai ni hpe gun hpai nga mu. Nanhte galaw ai lam shagu gaw dai hpung hpe shadaw shangang ai lam shabyin u ga.

2 KORINHTU 12:19

Anhte gaw nanhte a man hta tut nawng e tinang hkum hpe mara n lu ai ngu nna makawp maga tsun shakut ai ni re ngu htang myit dai nhten? Dai hku n rai law! Hkristu tsun shangun mayu ai hte maren Karai Kasang a man e anhte tsun nga ga ai. Dai hta n ga, tsaw ra ai ni e, anhte galaw ai lam ni yawng gaw nanhte hpe karum na matu she galaw ga ai.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

2 KORINHTU 3:8

dai wenyi a bungli galaw shamu shamawt ai hte seng ai hpung shingkang gaw grau nna dan hkung na n rai ni?

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

2 KORINHTU 5:18

Dai lam yawng mayawng hpe chyawm gaw Karai Kasang e galaw nu ai, Karai Kasang gaw anhte hpe shi a hpyen ni tai nga ai kaw nna shi a jinghku ni tai wa na matu Hkristu Yesu a marang e galai shai mat shangun mi ai hte, kaga masha ni hpe mung shi a jinghku ni tai wa shangun na matu anhte hpe amu lit ap ya mani ai.

2 KORINHTU 6:3

Anhte galaw ai amu hte seng nna kadai wa mung shatan nhkan hte mara tam ai lam n byin shangun mayu ga ai majaw, anhte gaw kade a lam mung ahtu kataw shara hpa n byin hkra shakut ga ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

EHPESU 1:23

Dai hpung gaw yawng mayawng hpe jahpring shatsup ya ai wa a hkum tsup ngu ai Hkristu a hkum hkrang rai nga ai.

EHPESU 4:16

Baw ngu ai Madu woi awn up hkang hpajang ai kata e hkum hkrang a daw shan ni nga manga hte gaw langai hte langai htuk shachyaw nga ma ai hte hkri hkraw lamyi shagu e matut shachyaw madi shadaw ya ai a marang e dai hkum hkrang ting hpe kahkyin gumdin jum da lu nga ai. Dai rai nna daw shan ni langai hte langai tinang hte seng ang ai lit hpe gun hpai ai shaloi hkum hkrang ting hpe tsaw ra ai hte gaw gap galu kaba wa shangun nga ai.

EHPESU 4:29

Nse ai ga hkaw mi mung nanhte a n- gup na n pru u ga, madat mara nga ai ni a matu akyu byin hkra ra nga ai hte maren shadaw shalan na matu mai kaja ai ga sha atsun nga mu.

EHPESU 4:4

Nanhte hpe Karai Kasang shaga la ai lam hta myit mada shara langai sha de, shaga la manit dai hte maren, hkum hkrang langai sha hte Wenyi langai sha rai nga ai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

KOLOSE 4:17

Dai Madu a amu hta gun hpai na matu ap da hkrum ai hpe ngut hkra gun hpai na matu Arhkipo hpe tsun shana mu.

1 TIMOHTI 1:12

Ngai galaw gun hpai nga ai bungli a matu ngai hpe n-gun lagaw jaw ya ai anhte a Madu Hkristu Yesu hpe ngai chyeju dum shakawn nngai. Shi gaw ngai hpe ging dan ai wa re ai ngu nna sawn la nna shi hpe daw jau na matu san da hkrum ni ai majaw mung shi hpe chyeju dum shakawn nngai.

2 TIMOHTI 4:11

Luka chyu sha ngai hte rau nga nga ai. Marku hpe shaga la nna nang hte rau woi sa wa rit; hpa majaw nga yang ndai amu hta shi ngai hpe karum la na re.

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.

HEBRE 13:17

Nanhte a lam woi ningshawng ni a ga hpe madat mara nna shanhte a hkang da ai ga ni hpe hkan sa galaw mu. Shanhte gaw shanhte galaw daw ai amu a jahpan hpe Karai Kasang kaw dan lu na rai nna, shanhte gaw nanhte a myit masin ni hpe n hkring n sa sin ya nga ma ai. Shanhte a ga hpe nanhte madat mara myit yang gaw shanhte galaw ai bungli hpe kabu gara ai hte galaw na mara ai: dai n rai yang shanhte myit yawn let galaw na mara ai rai nna na a matu hpa akyu mi rawng na n rai.

HEBRE 6:1

Dai re ai majaw anhte gaw Hkristan makam masham a ga kanu ni hpe tawn kau da nhtawm, makam masham hta kunghpan kaba sai masha ni hte htap htuk ai hkum tsup kunghpan ai sharin shaga ai lam de lahkam sa wa ga. Anhte gaw akyu n rawng amu ni hpe tawn kau da nna Karai Kasang hpe kam sham let,