EHPESU 4:11 - Jinghpaw Common Language Bible 2009

¹¹ Shinggyim masha ni hpe chyeju kumhpa ni hpe jaw ya ai Madu mung shi nan rai nga ai. Shi gaw nkau mi hpe kasa, nkau mi hpe myihtoi, nkau mi hpe Kabu Gara Shiga hkaw hkawm ai ni, nkau mi hpe hpung up ni hte sara ni di nna san da shajang mu ai.

Jinghpaw Hanson Version Bible

¹¹ Hkristu a hkum hpe shagrin jat wa u ga, gun hpai ang ai bungli a matu, chyoi pra ai ni hpe shakup shatsup na,

EHPESU 4:11 ပူးပေါင်းရင်းမြစ်များ

2 HKAWHKAM LABAU 15:3

Israela amyu ni gaw aten na na wa teng man ai Karai Kasang n nga, shanhte hpe sharin achyin ya na hkinjawng ni n nga, tara langai mi mung n nga ai hku nna mung nga lai wa yu manu ai.

YEREMIA 3:15

Ngai gaw nye a ga madat mara chye ai mung du ni nanhte hpe jaw na nngai, shanhte gaw nang hpe hpaji byeng-ya hte mung, chye na hkawn hkrang ai nyan hte mung up na mara ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

KASA 13:1

Ya Antioki mare na hpung hta e myihtoi ni, sara ni nkau mi lawm nang nga ma ai; Dai ni gaw, Barnaba, shan chyang masha ngu ai Simun, Kureni masha Luki, Herod munggyi a kaji kaw nna rau ram kanawn manang rai nga ai Manaen, hte Shawlu ni rai ma ai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

KASA 21:8

Hpang shani e anhte bai pru nna Kesare mare de du ga ai. Anhte gaw Kabu Gara Shiga hkaw tsun ai Hpilip a nta hta manam ga ai. Hpilip gaw Yerusalem mare kaw karum na matu hpung kaw nna lata san da ai marai sanit hta na langai mi rai nga ai.

ROMA 12:7

Masha hpe karum daw jau chye ai chyeju kumhpa rai yang gaw daw jau ga, sharin shaga chye ai chyeju kumhpa rai yang gaw sharin shaga ga,

1 KORINHTU 12:4

Ya Wenyi kumhpa ni gaw amyu myu nga ai, Rai ti mung dai chyeju kumhpa ni hpe Wenyi langai kaw nna jaw ya nga ai.

EHPESU 2:20

Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

EHPESU 3:5

Lai wa sai ten hta ndai sung htum ai lam shinggyim masha ni hpe n tsun dan yu ai, rai ti mung Karai Kasang gaw ya e shi a chyoi pra ai kasa ni hte myihtoi ni hpe dai Wenyi hku nna shadan dan mu ai.

EHPESU 4:8

Chyum Laika hta tsun ai hte maren, “Shi gaw grai tsaw ai de lung wa yang shi hte rau bawng dung ni law law hpe shaga woi mat wa ai. Shi gaw masha amyu ni hpe kumhpa ni jaw mu ai nga ai.”

2 TIMOHTI 4:5

Nang chyawm gaw hpa baw mabyin masa lam ni hkrum katut wa ti mung na a hkum hpe hkang tawn nna nni nkri hpe hkam sharang u. Dai Kabu Gara Shiga hkaw tsun ai sara amu hpe gun hpai nna, Karai Kasang a shangun ma langai mi hku na a lit nga manga hpe kup tsup hkra gun hpai nga u.

HEBRE 5:12

Aten hpe sawn yu yang nanhte gaw sara ni tai ram manit dai, rai ti mung Karai Kasang a shawng na ga kanu mungga hpe pyi marai langai ngai e nanhte hpe naw sharin ya ra nga myit dai. Nanhte gaw ja ai lu sha sha na malai chyu sha naw alu ra nga myit dai.

YUDA 1:17

Rai ti mung tsaw ra ai ni e, lai wa sai ten e anhte Madu Yesu Hkristu a kasa ni nanhte hpe tsun dan manit dai ga ni hpe adum nga mu.

SHINGRAN 18:20

Sumsing na ni e, dai mare hten mat ai majaw kabu mu! Karai Kasang a masha ni e, kasa ni hte myihtoi ni e, kabu gara nga mu! Hpa majaw nga yang, nang hpe di ai lam yawng a matu Karai Kasang gaw dai mare hpe tara daw dan nu ai! nga nna tsun ai ngai na nngai.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.