EHPESU 4:10 - Jinghpaw Common Language Bible 2009

¹⁰ Shing rai yu hkrat wa ai wa gaw, sumsing lamu ni a ntsa hte shinggan jan shata shagan ting hta shi nga ai lam shingkang shingwang hte jahpring da na matu, bai lung wa ai wa nan rai nga ai.

Jinghpaw Hanson Version Bible

¹⁰ Yawng mayawng hpe jahpring shatsup na matu, yu hkrat wa ai wa gaw, sumsing lamu nlang hte a ntsa de lai lung wa ai wa nan, rai nga ai.

EHPESU 4:10 ပူးပေါင်းရင်းမြစ်များ

MAHTE 24:34

Ya pra nga ai ni yawng garai n si mat ma yang, dai lam yawng mayawng hte byin wa na ra ai hpe dum chye nga mu.

LUKA 24:44

Shaloi Yesu gaw, “Mawshe a Tara hta mung, myihtoi ni a laika ni hta mung, nye a lam hte seng nna ka da nga ai lam ni yawng mayawng, dik wa lu na ra ai, ngu nna nanhte hte rau nga nga yang, ngai nanhte hpe tsun ni ai,” ngu nna shanhte hpe tsun mu ai.

YAWHAN 1:16

Shi gaw chyeju hte hpring tsup nga ai hte maren shi anhte nlang hte hpe shaman ya mi ai rai nna, chyeju htap mi hte htap mi lu la saga ai.

YAWHAN 19:24

Dai majaw shanhte gaw, “Palawng ndai hpe anhte n gang je ai sha kadai mahtang la ang na gaw shawun si hpaida da ga,” nga nna shada da tsun ma ai. Ndai hku byin ai gaw, “Shanhte gaw nye a hpun nba hpe shada da garan la nna, nye a kata palawng hpe mung hpaida da ma ai,” nga nna Chyum Laika hta tsun ai ga dik wa na matu rai nga ai. Dai majaw hpyen ma ni shing rai galaw ma ai.

YAWHAN 19:28

Yesu gaw dai ahkying hta amu mahkra ngut sai hpe chye wu ai rai nna, dai Chyum Laika hta ka da ai hte maren shadik na matu, “Ngai hpang gara nngai,” ngu nna tsun wu ai.

YAWHAN 19:36

Hpa majaw nga yang, dai lam byin ai gaw, “Shi a nra langai mung daw hten na ra ai n rai,” nga nna ka da nga ai ga dik wa na matu rai nga ai.

KASA 1:11

“Galile masha ni e, nanhte dai kaw hpa rai tsap nga nna lamu de naw dawng yu nga myit ta? Dai Yesu gaw nanhte a man na sumsing lamu de shalun la ai zawn, dai hku bai du na ra ai,” ngu nna tsun mu ai.

KASA 1:9

Ning nga ai ga tsun ngut ai hpang, shanhte shi hpe yu nga yang, shi hpe ntsa de shalun la ai rai nna, sumwi gaw shanhte a man na shi hpe magap la mat wa ai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

KASA 3:18

Karai Kasang gaw shi a Meshia nni nkri hkrum na ra ai lam, moi shawng shawng kaw nna myihtoi ni yawng a n-gup hte tau tsun tawn nu ai rai nna, dai lam ni ndai hku nna dik wa shangun nu ai.

2 KORINHTU 12:2

Hkristan la langai mi gaw lai wa sai shi mali ning ten hta tsaw dik ai sumsing lamu de woi shapoi lung mat wa hkrum wu ai ngai chye nngai. (Dai zawn shapoi hkrum ai gaw hkum hkrang hte rai kun? shing n rai hkum hkrang n lawm ai kun? ngai n chye nngai, Karai Kasang sha chye nga ai.)

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

KOLOSE 1:19

Hpa majaw nga yang, Karai Kasang shi nan a myit ra daw dan ai hte maren, Kasha wa gaw shi hta Karai Kasang a marai hkum hpring tsup hkra hkam la nu ai.

KOLOSE 2:9

Hpa majaw nga yang, shinggyim hkum hkrang majing dagraw nna ndai mungkan hta asak hkrung nga ai ten e, Hkristu hta Karai a marai hkum gawng shingyan hkum dingnum a shanu nga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

HEBRE 4:14

Dai rai nna anhte yin la kam sham nga ai nawku htung makam masham hta maju jung nga ga, hpa majaw nga yang, Karai Kasang a man de hkrang shang wa sai Karai Kasang a Kasha Yesu ngu ai Hkinjawng Agyi Kaba langai mi hpe anhte lu nga ga ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

HEBRE 8:1

Ya anhte tsun dan nga ai lam ni a ahkyak ai ga madung gaw: anhte gaw Sumsing Lamu na Daru Magam hte hpring ai tingnyang a hkra maga de dung nga ai Hkinjawng Agyi Kaba lu ga ai.