EHPESU 3:20 - Jinghpaw Common Language Bible 2009

²⁰ Anhte a myit masin hta shi a n- gun atsam hte amu galaw nga ai, anhte hpyi chye ai shing n rai myit yaw shada ai hta pyi grau lai hkra galaw shabyin jaw ya lu ai. Karai Kasang gaw dai hpung a marang e mung,

Jinghpaw Hanson Version Bible

²⁰ Ya, anhte hta e shachyen nga ai n-gun atsam hte maren, anhte hpyi mahpyi hte myit mang lu ai mahkra hta grau nna shabyin lu ai wa kaw,

EHPESU 3:20 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 18:4

Nanhte a lagaw kashin na hka la sa ya made ga; ndai hpun npu hta nanhte ban sa la lu na myit dai.

2 SAMUELA 7:19

Ti mung ya chyawm gaw dai hta n-ga grau nna pyi galaw ya nga ndai. Tsaw Htum ai Madu e, du wa na shaning ni hta pra sa wa na nye a amyu matu mara ni hte seng ai ga sadi ni hpe mung nang shagrin da ya nga nit dai. Tsaw Htum ai Madu e, nang gaw ndai lam mu shangun nga nit hka!

1 HKAWHKAM 3:13

Nang n hpyi shalawm ai na a asak hkrun lam yawng hta nang hkam la na sut gan hte arawng sadang hpe mung ngai jaw na de ai; dai gaw kaga hkawhkam ni hkam la ai hta grau na ra ai.

2 HKAWHKAM LABAU 25:9

Amazia gaw myihtoi wa hpe, “Ataw, shanhte a matu gumhpraw jaw kau mase ai gaw kaning di na rai ta?,” ngu nna san wu ai. Myihtoi wa gaw, “Dai Madu gaw dai hta grau nna nang hpe nhtang jaw lu nga ai!,” ngu nna tsun htang wu ai.

2 HKAWHKAM LABAU 9:12

Hkawhkam Shawlumon gaw shi a matu hkawhkam jan la sa ya ai kumhpa ni a matu bai jaw ya ai kumhpa hta kaga, Sheba Hkawhkam jan hpyi ai made jaw ya wu ai. Dai hpang shi hte shi a hpang hkan ai ali ama ni Sheba mung de nhtang mat wa ma ai.

PRU MAT 34:6

Dai Madu mung shi a man hku lai wa let, “Ngai Madu nan gaw matsan dum ai n-gaw n wai ai myit hpring hkra rawng ai, myit galu kaba nna tsaw ra myit hte sadi sahka ai hpe madun dan ai Karai Kasang rai nga nngai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

ESAIA 35:2

Nam mali gaw mahkawn mangoi ai hte kabu gara jahtau na ra ai; dai gaw Lebanon Bum ni zawn tsawm htap na ra ai. Hkarmela hte Sharon yi hkauna ni zawn ga sau rawng na ra ai. Masha shagu hte gaw dai Madu a hpung shingkang hpe mu lu na mara ai, shi a galu kaba ai hte daru magam n-gun hpe mu lu na mara ai.

ESAIA 55:7

N hkru ai ni gaw shanhte a asak hkrun lam hpe kau da nna shanhte a myit mang ai lam galai shai kau nga mu ga. Shanhte gaw dai Madu anhte a Karai Kasang hpang de kayin wa mu ga; shi gaw matsan dum chye ai wa rai nna mara raw dat ya na matu lawan nga ai.

YEREMIA 32:17

“Tsaw Htum ai Madu e, nang gaw na a daru magam n-gun hte lahpum hpe shada nna ginding aga hte sumsing lamu hpe hpan da nit dai; na a matu hpa mung grai yak la nga ai n rai.

YEREMIA 32:27

“Ngai gaw shinggyim masha yawng a Madu a Karai Kasang rai nga nngai. Nye a matu chyawm gaw hpa mung grai yak nga li ai n rai.

Daniela 3:17

Anhte daw jau ai Karai Kasang gaw grung nga ai wan htung kaw na anhte hpe hkye mawai la lu na ra ai; shi gaw na a daru magam n-gun kaw na mung mawai la na ra ai.

Daniela 6:20

Shi gaw dai shara de du jang, myit tsang ai hte, “Ja e, ahkrung nga ai Karai Kasang a shangun ma Daniela e! Nang sadi grai dung let daw jau ai Karai Kasang gaw hkanghkyi ni kaw na hkye hkrang la lu nga a ni?,” ngu nna jahtau tsun wu ai.

MAHTE 3:9

Abraham gaw anhte a kaji kawa rai nga mali ai nga nna tsun nga ai hte sha nanhte a yubak mara a ari kaw na lawt lu na zawn hkum nawn myit, nanhte hpe ngai tsun made ga, Karai Kasang gaw ndai nlung ni hpe la nna Abraham a matu kashu kasha ni hpe hpan shalat lu nga ai!

YAWHAN 10:10

Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

ROMA 16:25

Karai Kasang hpe anhte shakawn shagrau nga ga! Ngai nanhte hpe hkaw tsun dan sai Yesu Hkristu a lam Kabu gara shiga hte moi chyaloi nhkoi prat kaw nna makoi magap da ai dai teng man ai lam e shadan shadawng dat ai hte maren shi gaw nanhte hpe nanhte a makam masham hta ngang ngang kang kang tsap shangun lu nga ai.

ROMA 4:21

Karai Kasang gaw shi a ga sadi hte maren shi shabyin na ra ai hpe Abraham awm dawm kam sham da wu ai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

2 KORINHTU 9:8

Karai Kasang gaw nanhte a ra kadawn ai hta jan hkra jaw lu nga ai. Shing rai nanhte tinang a matu ra ai lam magup lu la na rai nga ai hta kaga mai kaja ai magam bungli shagu a matu ra ai hta jan hkra lu la na rai myit dai.

EHPESU 1:19

Madu hpe kam sham ai ni hta amu galaw nga ai shi a atsam gaw kade wa galu kaba nga ai hpe mung, nanhte mu chye lu na matu, nanhte a kraw lawang nyan hpaji myit hpaw wa malit ga, ngai hpyi nngai.

EHPESU 3:7

Karai Kasang a atsam amu galaw nga ai hte maren, ngai hpe Karai Kasang jaw ya ai laksan chyeju kumhpa a marang e dai Kabu Gara Shiga a shangun ma ngai hpe shatai ni ai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

1 TIMOHTI 1:14

Anhte a Madu gaw shi a n taw n tsang re ai chyeju nye a ntsa e ru jaw bun ya nna Hkristu hte langai sha tai nna asak hkrung nga ai majaw anhte lu la ang ai makam masham hte tsaw ra ai myit ngai hpe jaw ni ai.

HEBRE 11:19

Isak hpe si ai kaw na Karai Kasang hkrung sharawt la lu na re ai ngu nna Abraham myit sawn wu ai hte maren, kaja wa Abraham gaw Isak hpe si ai kaw na bai lu la wu ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

YAKU 4:12

Karai Kasang chyu sha tara jaw ai wa hte jeyang lu ai wa rai nga ai. Shi chyu sha hkye hkrang la ai hte jahten kau ai wa rai nga ai. Na a htingbu wa hpe jeyang ai wa nang gaw kadai wa, rai nga ndai ngu nna nang myit nga n ta?

2 PETRU 1:11

Dai lam hku hkan sa myit yang gaw, anhte a Madu hte hkye hkrang la ai Yesu Hkristu a htani htana re ai mungdan de shang lu na ahkang nanhte hpe hpring hpring tsup tsup jaw ya na marin dai.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,