EHPESU 3:2 - Jinghpaw Common Language Bible 2009

² Karai Kasang gaw shi a chyeju hte nanhte a mai kaja lam a matu mara ndai amu galaw na ngai hpe ap ya sai lam kaja wa nanhte na yu manit dai rai nga ai.

Jinghpaw Hanson Version Bible

² shawng e nanhte hpe loi mi ka dat ni ai hte maren, dai sung htum ai lam, shingran ga hte ngai hpe shana dat nngai gaw,

EHPESU 3:2 ပူးပေါင်းရင်းမြစ်များ

KASA 13:2

Ya shanhte Madu hpe nawku daw jau let lusha gam nga ma yang, dai Chyoi Pra ai Wenyi gaw, “Shawlu Yan Barnaba hpe ngai shaga da ai amu gun hpai na matu san da mu,” ngu nna shanhte hpe tsun mu ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 22:21

Karai Kasang chyawm gaw, ‘Pru sa wa su, ngai nang hpe tsun ai tara maigan masha ni hpang de ngai nang hpe shangun dat na de ai,’” nga nna tsun ai ngu mu ai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

ROMA 1:5

Masha amyu baw shagu gaw Yesu Hkristu hpe kam sham nna madat mara mu ga she Karai Kasang gaw shi a mying nsang a marang e Hkristu a matu mara Kasa langai mi tai na ahkang chyeju ngai hpe jaw ni ai.

ROMA 11:13

Nanhte maigan masha ni hpe ngai tsun made ai gaw maigan amyu masha ni a kasa ngai tai nga dingsa nye a amu hta arawng lu nna gumrawng nga na nngai.

ROMA 12:3

Dai rai nna, kadai mung tinang hkum hpe mai myit ai hta jan nna nau wa n rai dum na matu Karai Kasang ngai hpe jaw ai Wenyi chyeju kumhpa a marang e nanhte langai hte langai hpe ngai htet shana dat nngai. Shing rai na malai nanhte langai hte langai hpe makam masham ren di nna garan jaw da sai hte maren tinang a hkum hpe sari rawng ai hku myit yu nna daw dan la u ga

1 KORINHTU 4:1

Anhte gaw Karai Kasang a sung htum nna makoi magap da ai teng man ai lam ni hpe lit la nna kunhting tai nga ai Hkristu a shangun ma ni re ai ngu nna nanhte myit la ang myit dai.

GALATI 1:13

Ngai gaw Yuda nawku htung hta naw nga ai shaloi e, ngai kaning rai hkan sa galaw lai wa sai lam nanhte na yu manit dai. Ngai gaw Karai Kasang a hpung hpe matsan dum ai myit n rawng ai sha nachying ladu lai hkra zingri zingrat ai hte jahten shamyit kau na atsam htum hkra shakut lai wa ni ai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

EHPESU 3:7

Karai Kasang a atsam amu galaw nga ai hte maren, ngai hpe Karai Kasang jaw ya ai laksan chyeju kumhpa a marang e dai Kabu Gara Shiga a shangun ma ngai hpe shatai ni ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

EHPESU 3:9

Karai Kasang a makoi magap da ai yaw shada ai lam gara hku byin tai wa na ra ai lam masha yawng hpe mu chye shangun na matu mung Karai Kasang gaw dai ahkaw ahkang ngai hpe jaw ni ai, nga yawng nga pra hpe hpan da ai Karai Kasang gaw shi a sung htum ai lam hpe prat mi hte prat mi kaw nna makoi magap da wu ai.

EHPESU 4:21

Shi a lam hpe nanhte kaja wa na yu manit dai hte Hkristu a hpang hkan nang ai ni rai nga myit dai rai nna Hkristu hta rawng ai dai teng man ai lam hpe nanhte sharin la manit dai.

EHPESU 4:7

Anhte langai hte langai gaw Hkristu jaw ya ai laklai ai chyeju kumhpa hpe ren di nna hkam la ga ai.

KOLOSE 1:4

Hpa majaw nga yang, nanhte gaw Hkristu Yesu hpe gade daram kam sham nga ai lam, Karai Kasang a masha nlang hte hpe gade daram tsaw ra nga myit dai lam, anhte na lu saga ai.

KOLOSE 1:6

Nanhte gaw Karai Kasang a chyeju lam hpe shawng nnan chye lu ai nhtoi kaw nna, dai chyeju hpe teng teng chye na hkam sha lu ai hte maren, dai Kabu Gara Shiga gaw nanhte kaw du dep sa wa ai. Dai hte maren, dai Kabu Gara Shiga gaw mungkan ting chyam bra wa nna asi law law si wa nga ai.

1 TIMOHTI 1:11

Dai sharin shaga ai lam gaw, hpung shingkang rawng nna a lu ai Karai Kasang kaw na Kabu Gara Shiga hte maren rai nga ai. Dai Kabu Gara Shiga hpe tsun ndau na matu Karai Kasang gaw ngai hpe ap da ni ai.

1 TIMOHTI 1:4

Kaja wa n mai byin ai matsun maroi maumwi ni ji woi ji wa ni a ginru ginsa sagawn ai lam hpe galu galang tsun gawn ai lam ni tawn kau na matu shanhte hpe tsun u. Dai lam ni gaw ga li ga law ndang kalang lam hpe sha shapraw nga ai rai nna dai makam masham hte sha chye lu ai Karai Kasang a shatawng shada da ai lam hpe n shabyin lu nga ai.

1 TIMOHTI 2:7

Dai re ai majaw Madu gaw ngai hpe kasa langai mi hku nna mung, maigan ni a sharin sara langai mi hku nna mung, dai makam masham hte teng man ai lam a mungga hpe hkaw tsun na matu shangun dat ai hkrum ni ai, ngai masu nga ai n rai; ngai teng man ai ga tsun nga nngai.

2 TIMOHTI 1:11

Dai Kabu Gara Shiga hpe shana shabra na matu Karai Kasang gaw ngai hpe kasa langai mi hku nna mung, sharin achyin ya ai sara hku mung, san da ni ai.