EHPESU 3:18 - Jinghpaw Common Language Bible 2009

¹⁸ Nanhte gaw Hkristu a tsaw ra myit kade dam nna galu ai, kade tsaw nna sung nga ai hpe Karai Kasang a amyu masha ni rau chye na lu na matu, ngai akyu hpyi ya nngai.

Jinghpaw Hanson Version Bible

¹⁸ tsawra ai hta ru jung nna, pawt gaw da let, de a nda de, dingdung de, tsaw de, sung de, kaning rai rai nga ai gaw, chyoi pra ai ni yawng hte rau atsawm sha myit shakup lu nna,

EHPESU 3:18 ပူးပေါင်းရင်းမြစ်များ

2 HKAWHKAM LABAU 6:41

Madu Karai Kasang e ya rawt u; Ga Shaka Sumpu hte na a daru magam n-gun ndai Nawku Htingnu de shang nna dai yang e htani htana a shanu nga nu ga law. Na a hkinjawng ni galaw ai amu magup hpe shaman ya u law: na a mai kaja ai chyeju a majaw na a amyu masha ni yawng kabu gara lu mu ga law.

SHAKAWN KUNGDAWN 103:17

Rai ti mung, Madu hpe shagrau sha-a nga ai ni a ntsa e, shi a tsaw ra myit htani htana agrin nga ai,

SHAKAWN KUNGDAWN 116:15

Shi a amyu masha ni hta na langai mi si mat wa yang, dai Madu gaw kade wa gawng run machyi nga a hka?

SHAKAWN KUNGDAWN 132:9

Na a hkinjawng ni gaw teng man ai lam hpe tut nawng hkan galaw nga mu ga; na a amyu masha ni mung kabu gara jahtau garu nga mu ga!

SHAKAWN KUNGDAWN 139:6

Nye a lam hpe chye ya ai na a machye machyang hpaji gaw nau sung la nga ai; dai gaw, nye a machye machyang hte n dang dep lu nga ai.

SHAKAWN KUNGDAWN 145:10

Madu e, nang hpan da ai hkrung mahkrung yawng hte gaw nang hpe shakawn na mara ai hte, na a amyu masha ni yawng hte mung nang hpe chyeju dum shakawn na mara ai.

ESAIA 55:9

Sumsing lamu ni gaw ginding aga hta grau tsaw nga ai zawn, nye a lam ni hte nye a myit mang ai lam ni gaw nanhte hta grau tsaw nga ai.

ZEHKARIA 14:5

Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.

YAWHAN 15:13

Jinghku ni a matu tinang a asak nawng kau hkra tsaw ra ai myit hta grau kaba ai tsaw ra myit ngu ai gaw n nga sai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

2 KORINHTU 13:13

Madu Yesu Hkristu a akyu ara Karai Kasang a tsaw ra n-gaw n wai ai hte Chyoi Pra ai Wenyi a kanawn mazum ai gaw, nanhte mahkra hte rau anga nga u ga law.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

EHPESU 1:10

Aten ladaw gu jang Karai Kasang e jahkum shatsup na ra ai dai yaw lajang da ai lam gaw, sumsing lamu lahta tang hte ginding aga ntsa na hpan da ai arai yawng mayawng hte hpe Hkristu hpe baw shatai nna shabawn gumhpawn da na lam rai nga ai.

EHPESU 1:15

Dai re ai majaw nanhte gaw Madu Yesu hpe kam sham nga myit dai hpe mung, Karai Kasang a masha ni hpe tsaw ra nga myit dai hpe mung ngai na lu ai shaloi kaw nna,

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

KOLOSE 1:4

Hpa majaw nga yang, nanhte gaw Hkristu Yesu hpe gade daram kam sham nga ai lam, Karai Kasang a masha nlang hte hpe gade daram tsaw ra nga myit dai lam, anhte na lu saga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.