EHPESU 3:15 - Jinghpaw Common Language Bible 200915 Kawa Karai Kasang a man e ngai lahput hput di nna akyu hpyi nngai. အခန်းကိုကြည့်ပါ။Jinghpaw Hanson Version Bible15 yawng hte a npawt daju Kawa a man e, ngai lahput hput di nga nngai; အခန်းကိုကြည့်ပါ။ |
Dai shara e Hkristu gaw, sumsing mungkan hpe up ai ni, ahkang aya lu ai ni, hpung dagu atsam rawng ai ni, Madu ni yawng a ntsa e chyawm tari tai nna up hkang nga ai. Shi a mying ningsang gaw ndai prat a mungkan hte htawm hpang prat a mungkan hta ga shaga ai ahkaw ahkang lu ai mying shingteng mying ni yawng hta grau kaba nga ai.
Dai rai nna, Karai Kasang gaw ninggawn tawa nga yawng nga pra ting shi hte mahku mara bai rai wa u ga, myit daw dan da nu ai. Karai Kasang gaw wudang ntsa e ap nawng si hkam ai Kasha a asai hte mahku mara simsa lam galaw nhtawm, sumsing lamu hte ginding aga e nga ai yawng mayawng hte hpe shi hpang de woi la wu ai.
“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.
Awng padang lu ai wa hpe nye a Karai Kasang a nawku htingnu hta dawhpum dawnu langai mi ngai shatai na we ai: shi galoi mung dai kaw na shinggan de pru na n rai. Nye a Karai Kasang a mying nsang hpe mung, nye a Karai Kasang kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare a mying hpe mung, ngai hkum nan a amying nnan hpe mung, dai wa a ntsa e ngai ka shakap ya na we ai.