EHPESU 3:12 - Jinghpaw Common Language Bible 2009

¹² Hkristu hte langai sha tai lu ai a marang e mung, shi hta kam sham ai a marang e mung, Karai Kasang a man de sit shang na nden ja ai myit lu la ga ai.

Jinghpaw Hanson Version Bible

¹² Anhte a Madu Hkristu Yesu hte seng ai makam masham a marang e, nden ja ai myit hte n hkrit n kang let shang wa ai lam, anhte lu ga ai.

EHPESU 3:12 ပူးပေါင်းရင်းမြစ်များ

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 5:2

Anhte Madu Yesu Hkristu hpe kam sham ga ai rai nna shi gaw Karai Kasang anhte hpe gade chyeju hkam sha shangun ai lam wa mu chye shangun mi ai. Dai chyeju hta ya anhte hkrung nga ga ai. Dai rai nna Karai Kasang a hpung shingkang hpe hkam la lu na myit mada let anhte kabu gumrawng nga ga ai.

2 KORINHTU 3:4

Anhte ning ngu tsun lu ai gaw, anhte gaw Hkristu a marang e Karai Kasang hta myit mu myit hkut ai lam lu la ga ai majaw rai nga ai.

EHPESU 2:18

Maigan masha ni hte Yuda masha ni rai nga ai anhte yawng gaw, Hkristu a marang e dai Wenyi langai sha hte Kawa a man de shang wa lu saga ai.

HEBRE 10:35

Dai re ai majaw nanhte a nden marai hpe hkum kau hkum tat myit, shing rai yang, nanhte shabrai kaba lu la na marin dai.

HEBRE 3:6

Hkristu chyawm gaw Karai Kasang a nta hpe up ai Kasha re ai hku nna kangka rai sadi dung nga ai. Anhte nden marai rawng nna tinang ni a kabu gara myit mada ai lam hpe jahtum du hkra myit mu myit hkut ai hte ngang ngang kang kang manoi nga ga yang gaw, Karai Kasang a nta masha ni rai nga ga ai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.

1 YAWHAN 2:28

Rai sa shu sha ni e, shi dan pru ai shaloi nanhte gaw hkrit kaya nna gawp makoi mat n ra ai sha shi a man e nden ja ai hte tsap nga lu na matu shi hte langai sha arai nga mu.

1 YAWHAN 3:21

Dai rai nna tsaw ra ai ni e, anhte a htauli htaula myit anhte hpe jahpoi asawng mara shagun ai lam n galaw ai rai yang gaw anhte Karai Kasang a man e nden marai hte shang lu na ga ai.