EHPESU 3:1 - Jinghpaw Common Language Bible 2009

¹ Ndai lam a majaw, Hkristu a bawng dung ai wa ngai Pawlu gaw, nanhte maigan masha ni a matu Karai Kasang kaw akyu hpyi ya nngai.

Jinghpaw Hanson Version Bible

¹ Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

EHPESU 3:1 ပူးပေါင်းရင်းမြစ်များ

LUKA 21:12

Dai lam ni yawng garai n byin yang, masha ni gaw nanhte hpe rim la nna zingri zingrat di nhtawm, tara jawng ni hta jeyang nna htawng bang kau na matu ap kau ai hkrum na myit dai hte nye a mying a majaw hkawhkam ni hte du ni a man de du na marin dai.

KASA 21:33

Dai shaloi dap up du kaba wa sit sa nna Pawlu hpe rim la nhtawm Hpri sumri lahkawng hte gyit na hkang da mu ai. Dai hpang shi gaw, “Ndai masha kadai rai ta? Shi hpa galaw shut sata?,” nga nna san jep wu ai.

KASA 23:18

Hpyen du wa mung, shi hpe woi sa wa nna, hpyen du kaba wa kaw woi shang nhtawm, “Ndai ma nang hpe tsun na lam lama mi lu ai majaw, bawng dung ai wa Pawlu gaw ngai hpe shaga la nna ndai ma hpe nang kaw woi sa shangun nngai,” ngu wu ai.

KASA 26:29

Bai Pawlu gaw, “Aten kadun sha mi rai tim, aten galu wa rai tim Hkawhkam wa hte hpawn nang e nga ai ni nlang hte gaw, nye a htawng masha tai ai aya hta lai nna, ngai zawn re ai hkrai byin wa na matu Karai Kasang kaw ngai akyu hpyi nngai!,” ngu wu ai.

KASA 9:15

Rai ti mung Madu gaw, “She sa su, dai wa gaw maigan ni hte Hkawhkam ni a man e mung, Israela amyu masha ni a man e mung, nye a mying hpe hkaw tsun shana ya ai amu gun hpai na matu ngai lata la ai wa rai nga ai.

2 KORINHTU 1:6

Dai rai nna anhte hta tsin-yam tsindam hkrum yang, dai gaw nanhte a matu shalan shabran ai chyeju hte hkye hkrang la ai lam hkam la na matu rai nga ai. Anhte hta shalan shabran ai chyeju hkam la lu ga yang gaw, nanhte mung anhte hte maren, dai chyeju hpe hkam la lu nna, anhte hkam sharang ai nni nkri hpe nanhte myit galu ai hte hkam sharang lu na n-gun lu la myit dai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 11:23

Shanhte Hkristu a shangun ma ni rai ma ni? Mana ai wa a ga zawn gaw nga ai, rai ti mung ngai gaw shanhte hta grau kaja ai shangun ma rai nngai. Ngai gaw shanhte hta grau nna amu bungli galaw shaja nngai, shanhte hta grau nna law law lang htawng hkrat nngai, shanhte hta grau nna shingna hkam sha ni ai, si hkrung si htan law law lang ngai grau hkrum nngai.

GALATI 5:11

Rai ti mung hpu nau ni e, matu gadoi hkam ai lam ra ahkyak ai nga nna ngai naw matut hkaw nga ai teng yang gaw, hpa majaw zingri zingrat ai ngai naw hkrum nga nngai kun? Shing rai hkaw tsun ai ngu ai lama teng ai rai yang gaw, Hkristu hte seng ai mung sumtu hpe ngai hkaw tsun ai majaw ru yak kyin dut hkrum na nngai n rai.

GALATI 5:2

Madat mu! Nanhte matu gadoi hkam myit yang gaw, Hkristu gaw nanhte a matu hpa akyu n nga ai, ngu nna ngai Pawlu nan nanhte hpe tsun dan made ai.

GALATI 5:24

Hkristu Yesu hte seng ai ni chyawm gaw tinang a hkum shan myit hpe mung, myit kayut ai hte marin marit ai hte nawng wudang hta jen sat kau manu ai.

EHPESU 3:11

Karai Kasang gaw shi a htani htana shatawng shada ai lam nga ai hte maren anhte a Madu Yesu a marang e ndai lam hpe shi shabyin nu ai.

EHPESU 3:13

Dai rai nna nanhte a matu mara ngai hkam ai tsin-yam tsindam a majaw nanhte myit n daw n hten myit ga, ngai hpyi nem nga nngai. Dai gaw nanhte a akyu a matu ngai hkam ai rai nga ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 6:20

Ya ngai bawng dung ai wa rai nga ti mung, dai Kabu Gara Shiga a jaw e kasa langai mi rai nga nngai; Dai Kabu Gara Shiga hpe hkaw tsun na ngai hta lit nga ai hte maren nden ja ai hte tsun shana lu u ga, akyu hpyi nga mu.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

KOLOSE 1:24

Ya chyawm gaw, nanhte a matu mara ngai hkrum ai tsin-yam tsindam hta kabu gara nga nngai. Hkristu gaw shi a hkum hkrang ngu ai Hpung a matu nni nkri hkrum nu ai hte maren, ngai gaw nye a hkum hkrang a matu nni nkri hkam ai hku nna Hkristu a hkum hkrang ngu ai dai Hpung a matu hkam na naw ngam nga ai nni nkri ni hpe ngai hkan shatup karum nga nngai.

KOLOSE 4:18

Ngai Pawlu nan nye a lata hte ndai shakram ai ga ni hpe ka dat nngai. Ngai htawng e bawng dung nga ai hpe nanhte hkum malap kau nga myit! Karai Kasang a chyeju gaw nanhte hte rau anga nga u ga law.

KOLOSE 4:3

Madu Yesu a sung htum ai mungga a lam hkaw tsun lu na ahkaw ahkang ginshan kaja Karai Kasang anhte hpe jaw u ga, anhte a matu mung akyu ahpyi ya nga mi. Hpa majaw nga yang, Hkristu a sung htum ai mungga hpe hkaw tsun ai a majaw ya e ngai htawng rawng nga nngai.

2 TIMOHTI 1:16

Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

HPILEMON 1:1

Hkristu Yesu a magam gun hpai ai majaw bawng dung hkrum nga ai ngai Pawlu hte anhte a hpu nau wa Timohti gaw, an a tsaw ra ai jinghku hte amu rau jawm shingtau gun hpai nga ai Philemon hpang de mung,

HPILEMON 1:23

Hkristu Yesu a lam hkaw tsun ai a majaw nye a bawng dung manang rai nga ai Epahpra gaw nang hpe shakram dat ai.

HPILEMON 1:9

Rai ti mung, Hkristu a kasa, dingla wa ngai Pawlu rai nga nngai hte ya e Hkristu a bawng dung ai wa mung rai nga nngai majaw, tsaw ra ai hku she nang hpe hpyi nem dat na ngai grau ra nngai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.