EHPESU 2:8 - Jinghpaw Common Language Bible 2009

⁸ Hpa majaw nga yang, nanhte gaw makam masham a marang e Karai Kasang a chyeju hte sha hkye hkrang la ai hkrum manit dai; dai gaw nanhte nan shakut shaja ai majaw n rai, Karai Kasang a kumhpaw kumhpa sha rai nga ai.

Jinghpaw Hanson Version Bible

⁸ Kaning rai nme law, makam masham a marang e, chyeju hte sha, nanhte hkye hkrang la ai hkrum manit dai: dai gaw nanhte kaw na n rai, Karai Kasang a kumhpaw kumhpa sha rai nga ai:

EHPESU 2:8 ပူးပေါင်းရင်းမြစ်များ

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MAHTE 20:9

Shana de hkying manga hta amu shang galaw ai ni hpe gumhpraw lap lap hpra gu hkra jaw mu ai.

MARKU 16:16

Kam sham nna hkalup hkam la ai wa kadai mung hkye hkrang la ai hkrum na ra ai. N kam n sham ai wa kadai mung daw dan kau ai hkrum na ra ai.

LUKA 7:50

Rai ti mung, Yesu gaw numsha hpe, “Na a kam sham ai gaw nang hpe hkye la nit dai, apyaw sha wa nu,” ngu nna tsun dat wu ai.

YAWHAN 3:36

Kasha wa hpe kam sham ai wa gaw htani htana asak lu la wu ai; Kasha wa a ga hpe n madat ai wa chyawm gaw, asak hkrung ai lam lu la na wu ai n rai; Karai Kasang a sindawng kahtet ai ari hkrum sha na ra ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

YAWHAN 5:24

Ngai nanhte hpe teng teng tsun made ga, nye a ga madat mara nna ngai hpe shangun dat ai wa hpe kam sham ai wa kadai mung, htani htana asak lu la wu ai. Shi gaw tara daw dan ai n hkrum ai sha, si ai kaw na asak hkrung ai de kawt lai wa ai wa rai nga ai.

YAWHAN 6:35

Yesu gaw, “Asak muk gaw ngai rai nga nngai, ngai hpang de sa ai wa gaw kawsi hkrum na n rai, ngai hpe kam sham ai wa mung, galoi mung hpang gara hkrum na n rai.

YAWHAN 6:37

Nye Wa ngai hpe ap ya ai yawng mayawng hte gaw ngai hpang de du na mara ai, Ngai hpang de du sa ai wa hpe mung, kaja wa ngai n kanawng kau na nngai.

YAWHAN 6:40

Hpa majaw nga yang, nye Wa a myit ra ai lam gaw, Kasha wa hpe mu nna kam sham ai ni yawng mayawng htani htana asak lu la shangun na lam rai nga ai. Ngai mung hpang jahtum na nhtoi hta shanhte hpe ngai sharawt la na mawe ai,” ngu nna shanhte hpe tsun mu ai.

YAWHAN 6:44

ngai hpe shangun dat ai nye Wa e shi hpe ngai hpang de lau la ai wa sha n rai yang gaw, kadai mung ngai hpang de sa lu na n rai, du sa ai wa hpe mung, hpang jahtum na nhtoi hta ngai sharawt la na we ai.

YAWHAN 6:65

Dai rai nna shi gaw, “Ndai lam a majaw nan, nye Wa a ahkang hte sha n rai yang gaw, kadai mung ngai hpang de n du n sa lu ai, ngu nna ngai nanhte hpe tsun masa de ai,” ngu mu ai.

KASA 13:39

nanhte hpe anhte chye shangun mayu nga ga ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

KASA 15:11

Anhte mung shanhte zawn Madu Yesu a chyeju hte kam sham nga ga ai,” nga nna tsun mu ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

KASA 16:31

Shaloi shan gaw, “Madu Yesu hpe kam sham u, shaloi nang hte na nta masha ni nlang hkye hkrang la ai kaw du lu na marin dai,” ngu nna htan mu ai.

ROMA 10:14

Rai ti mung, shanhte gaw Madu hpe n kam n sham ai rai yang kaning rai shi kaw hpyi jahtau lu na ma ta? Dai mungga hpe n na yu ai mi kaning rai kam sham lu na ma ta? Dai mungga hpe hkaw tsun dan ai wa n nga yang gaw kaning rai na lu na ma ta?

ROMA 10:17

Dai rai nna masha ni gaw dai mungga hpe na la ai hte kam sham wa ma ai. Hkristu a lam hkaw tsun dan ai hte dai mungga hpe na la lu ma ai.

ROMA 4:16

Dai ga sadi gaw jep ai Tara hpe hkan shatup ai ni a matu sha n rai Abraham zawn Karai Kasang hpe kam sham ai ni yawng a matu mung rai nga ai, hpa majaw nga yang Abraham gaw anhte yawng mayawng a wenyi lam hta Kawa rai nga ai.

ROMA 4:5

Rai ti mung masha gaw tinang a tara shadik ai magam bungli ni hpe n kam hpa a yang gaw, Karai Kasang dai wa hpe shi a makam masham a marang e mara n lu ai wa re ngu nna daw dan ya na wu ai. Dai gaw shi a makam masham a marang e ding hpring ai ngu nna Karai Kasang a man e sawn ya ai lam rai nga ai.

ROMA 9:16

Dai rai nna Karai Kasang a lata la ai lam gaw masha a myit ra ai lam shing n rai masha a shakut shaja galaw ai hta n madung nga ai; Karai Kasang a matsan dum lama ai hta she madung nga ai.

GALATI 3:14

Ning rai Yesu galaw ai lam gaw Abraham Karai Kasang kaw na hkam la ai ga ndat hte seng ai gumring gumrat ai shaman chyeju hpe maigan masha ni mung Yesu Hkristu a marang e hkam la lu na hte anhte mung dai makam masham a marang e Karai Kasang ga ndat jaw da ai wenyi hkam la lu na rai nga ga ai.

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

EHPESU 1:19

Madu hpe kam sham ai ni hta amu galaw nga ai shi a atsam gaw kade wa galu kaba nga ai hpe mung, nanhte mu chye lu na matu, nanhte a kraw lawang nyan hpaji myit hpaw wa malit ga, ngai hpyi nngai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

EHPESU 2:5

anhte a n madat mara nna tawt lai ai lam a majaw wenyi hta chyasi naw rai nga ai ni hpe Hkristu hta asak bai jahkrung dat mi ai. Dai gaw Karai Kasang a chyeju hte sha nanhte hkye hkrang la hkrum manit dai rai nga ai.

HPILIPI 1:29

Kaning rai nme law, nanhte gaw Hkristu hpe kam sham ai hku nna sha n rai; shi a matu mara nni nkri hkam ai hku nna mung, shi a magam hpe gun hpai na ahkang chyeju jaw ya ai hkrum manit dai.

KOLOSE 2:12

Nanhte gaw hkalup hkam la myit dai shaloi, shi hte rau lup makoi ai hkrum nna Hkristu hpe si mat ai ni kaw na hkrung sharawt la ai Karai Kasang hta hkrung sharawt la ai n-gun atsam rawng nga ai hpe kam ai makam masham a marang e shi hte rau sharawt la ai mung hkrum manit dai.

2 HTESALONI 1:9

Shanhte gaw Madu a myi man kaw na jahka kau ai hte shi a atsam a hpung shingkang hte daw hka mat wa ai ngu ai htani htana jahten shabyak kau ai ari hkrum na mara ai.

HEBRE 6:4

Hpa majaw nga yang, dai makam masham kaw na htak mat wa sai ni hpe myit malai kalang mi bai lu shangun na lam kaning rai mai byin na kun? Shanhte gaw Karai Kasang a nhtoi hta kalang mi nga yu sai rai nna sumsing na chyeju kumhpa hpe chyim yu sai hte dai Chyoi Pra ai Wenyi hpe jawm hkam la yu sai ni rai ma ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.