EHPESU 2:3 - Jinghpaw Common Language Bible 2009

³ Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.

Jinghpaw Hanson Version Bible

³ Anhte nlang hte mung shanhte hte rau shawng e kanawn nga nna, anhte a hkum shan a marin marit ai lam hkan let, hkum shan hte kraw lawang na myit mang ai hku hkan galaw ga yang, shanhte gale hte maren pawt sindawng ging ai kashu kasha ni majing rai nga ga ai.

EHPESU 2:3 ပူးပေါင်းရင်းမြစ်များ

NINGPAWT NINGHPANG 5:3

Adam a asak 130 ning du ai shaloi shi hte bung ai shadang sha langai shaprat nna dai wa hpe Shet ngu nna shamying wu ai.

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

YOBA 14:4

Shinggyim masha ni zawn n san n seng ai arai hpa kaw na mung san seng ai arai shapraw ya lu ai n rai.

YOBA 25:4

Kadai wa ding man lu a ta? Karai Kasang a man e kadai wa san seng lu na rai ta?

SHAKAWN KUNGDAWN 51:5

Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

MARKU 4:19

Rai ti mung dinghta asak hkrung lam a myit ru myit tsang ai lam, sutgan ra marin ai lam hte kaga ra sharawng ai lam ni dumbru shang wa nna dai mungga hpe lim kau ai majaw asi n si lu ai.

YAWHAN 1:13

Shanhte gaw shingra maka tara hkan nna shinggyim kawa a kasha ni tai ai hku Karai Kasang a kasha ni tai wa ma ai n rai, Karai Kasang e nan, kasha shatai la hkrum ai ni she rai ma ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

KASA 14:16

Shi gaw lai wa sai ban prat e masha amyu baw shagu hpe, tinang ra ai hku hkan mu ga nga, dat tawn da mu ai.

ROMA 1:24

Dai rai nna Karai Kasang gaw shinggyim masha ni hpe tinang ni a kayut ai myit hku hkan let awu asin re ai lam hkan galaw na matu mung, tinang a hkum hkrang a arawng hpe shada da shayuk kau na matu mung, nawng kau mu ai.

ROMA 11:30

Nanhte maigan amyu masha ni chyawm gaw moi shawng de Karai Kasang hpe n madat n mara myit dai; rai ti mung ya Karai Kasang matsan dum lama ai lam hkam la lu ai gaw Yuda amyu masha ni Karai Kasang a ga hpe n madat n mara ai majaw rai nga ai.

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

ROMA 2:14

Maigan masha ni gaw dai Tara n lu ma ai rai ti mung Tara a hkang da ai lam ni hpe tinang a hkrit tsang ai myit hte hkan galaw ai shaloi dai Tara gaw shanhte a tara tai wa ma salu ai.

ROMA 5:10

Hpa majaw nga yang, anhte Karai Kasang a hpyen ni rai nga ga ti mung, shi a Kasha a si hkam ai a majaw anhte htinglu htinglai hkam la nna shi a jinghku ni tai wa shangun mi ai. Ya anhte htinglu htinglai hkam la nna Karai Kasang a jinghku ni rai saga ai majaw shi a asak sumdam hta e, anhte hkye hkrang la ai grau nna hkrum na ga ai.

ROMA 5:9

Anhte gaw Hkristu a si hkam ai a marang e, Karai Kasang a man e ya ding hpring wa lu saga ai rai nna, Karai Kasang a pawt sindawng ai kaw na Hkristu a majaw hkye hkrang la ai grau nna hkrum na ga ai.

ROMA 6:12

Dai re ai majaw nanhte a hkum hkrang a ra kasit ai lam de n hkan n sa na matu yubak mara gaw nanhte a si chye ai hkum hkrang ni hta e galoi mung hkum up shangun nga myit.

ROMA 7:18

Nye a kraw e rai sa nye a shinggyim hkum shan myit hta kaja ai baw hpa n rawng li ai ngai chye nngai; hpa majaw nga yang mai kaja ai baw galaw mayu ai myit ngai hta rawng nga timung ngai dai hpe n galaw lu nngai.

ROMA 9:22

Karai Kasang mung dai zawn galaw nga ai, Shi gaw shi a pawt sindawng ai hpe madun nna shi a atsam hpe shadan dan mayu nga ai. Rai ti mung, shi a pawt sindawng ai a majaw hten run sum hkrum mat na ging dan ai ni hpe myit galu ai hte hkam sharang ya nga ai.

1 KORINHTU 4:7

Kadai wa mi nang hpe masha kaga hta grau shangun nga a ta? Nanhte lu ai yawng mayawng hte gaw Karai Kasang jaw ai n rai ni? Dai re ai mi nanhte hkam la lu ai arai ni gaw Karai Kasang kaw na hkam la lu ai chyeju kumhpa n re ai zawn nanhte gumrawng ai gaw, kaning re ai rai ta?

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

EHPESU 4:22

Dai rai nna nanhte gaw shawng de nanhte hkan sa yu sai asak hkrung lam hta na gawng shingyan dingsa hpe mung, pyaw hpa lam hpe marin marit nna hkalem hkalau mayu ai myit a majaw, hten mat sai gawng shingyan dingsa hpe mung kabai kau mu.

KOLOSE 1:21

Nanhte mung moi shawng de gaw nanhte galaw ai n hkru n hkra ai bungli hte myit mang ai lam a majaw Karai Kasang hte tsan gang mat nna, shi a hpyen ni tai mat manit dai.

1 HTESALONI 4:13

Anhte a hpu nau ni e, myit mada shara n nga ai kaga masha ni zawn nanhte yawn hkyen n hkrum myit ga, anhte gaw si mat ai ni hte seng nna dai teng man ai lam nanhte hpe chye shangun mayu ga ai.

1 HTESALONI 5:6

Dai re ai majaw, anhte gaw kaga masha ni zawn n yup nga ai sha su hprang nna htauli htaula rai sadi maja nga ga ai.

1 TIMOHTI 6:9

Rai ti mung sut su mayu ai ni gaw, agung alau hkrum ma ai hte angawk angak hte tsin yam shabyin shangun lu ai marin marit ai lam ni law law a mahkam dawnggawng hta lup mat ma ai; dai gaw shanhte hpe hten byak ai hte sum hkrum ai hta dun bang kau manu ai.

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

1 PETRU 1:14

Karai Kasang a ga hpe madat mara nna nanhte n chye n chyang re ai ni naw rai nga ai ten hta nanhte a myit shadang ai hku hkawm sa lai wa sai zawn matut nna hkum hkan galaw manu.

2 PETRU 2:14

Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

1 YAWHAN 2:16

Dinghta ga hte seng ai arai nga manga, hkum shan a kayut ai lam ni, masha ni myi hte mu nna ra marit ai lam ni hte, ndai mungkan na masha ni a gumrawng gumtawng ai hte grang ai lam shagu gaw, gara mung Kawa kaw nna pru ai n rai; dai yawng mayawng gaw dinghta ga kaw na pru ai rai nga ai.

1 YAWHAN 2:8

Rai ti mung ngai ya nanhte hpang de ka dat ai hkang da ai ga gaw lam mi hku nna ningnan rai nga ai; shing rai ningnan re ai lam teng nga ai hpe Hkristu a asak hkrung lam hta mung, nanhte a mahkrum madup lam ni hta mung, mu lu nga ai. Hpa majaw nga yang, ndai nsin gaw hkoi mat wa nna dai teng man ai nhtoi gaw ya e pyi htoi tu nga ai.