EHPESU 2:21 - Jinghpaw Common Language Bible 2009

²¹ Shi gaw dai wahpang langai mi ting hpe ngang kang galu kaba wa shangun nna chyoi pra ai hte Madu hta ap nawng da ai nawku htingnu byin wa shangun sai.

Jinghpaw Hanson Version Bible

²¹ shi hta e wahpang langai hte langai, matut manoi htuk shachyaw sai rai nna, dai Madu hta e chyoi pra ai nawku htingnu de kaba wa sai:

EHPESU 2:21 ပူးပေါင်းရင်းမြစ်များ

1 HKAWHKAM 6:7

Dai Htingnu hpe gaw shachyaw yang, nlung nhkun e tawk shatsawm la ngut sai nlung ni hte shachyaw wu ai majaw sumdu mung, nwa mung, hpa hpri arai ngoi shara ai mung n na lu nga ai.

SHAKAWN KUNGDAWN 93:5

Madu e, na a hkang da ai tara ni gaw htani htana agrin nga ai, na a Nawku Htingnu mung teng teng chyoi pra nga nna, htani htana agrin nga ai.

EZEKELA 42:12

Nta a dingda maga de na gawk ni a npu hta chyinghka langai mi nga nna, dai gaw sinpraw jahtum shakum garet hpang wa ai lam hta byawn rai nga ai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

2 KORINHTU 6:16

Karai Kasang a nawku htingnu gaw gawng-ngu sumla ni hte kaning di nna myit hkrum lu na rai ta? Hpa majaw nga yang, anhte gaw ahkrung nga ai Karai Kasang a nawku htingnu ni rai nga ga ai! Karai Kasang shi nan, “Ngai gaw nye a amyu masha ni hta nye a nta shatai nna, shanhte hta shanu nga na nngai; Ngai shanhte a Karai Kasang tai nga na nngai rai nna, shanhte gaw nye a amyu masha ni tai na mara ai,” nga nna tsun ai.

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.