EHPESU 2:20 - Jinghpaw Common Language Bible 2009

²⁰ Nanhte gaw kasa ni hte myihtoi ni gaw da ai npawt nhpang hta de kahtap myit dai; Hkristu chyawm gaw shi nan njut jahtum na nlung rai nga ai.

Jinghpaw Hanson Version Bible

²⁰ kasa ni hte myihtoi ni, gaw da ai wahpang npawt hta nanhte de kahtap myit dai; Hkristu Yesu nan dai hta e grau htum ai njut nlung rai nga ai;

EHPESU 2:20 ပူးပေါင်းရင်းမြစ်များ

1 HKAWHKAM 7:11

Dai ni yawng a ntsa e mung kaga nlung ni, shadawn tawk da ai nlung ni hte arit dangbat ni rai nga ai.

SHAKAWN KUNGDAWN 118:22

Nta gaw ai ni lata kau sai nlung gaw, yawng hta grau ahkyak htum ai ningjut nlung tai wa ai.

GA SHAGAWP 9:1

Hpaji byeng-ya gaw shi a nta hpe shadaw kaba sanit bang nna, jung da nu ai.

ESAIA 28:16

Ya chyawm gaw, ndai lam hte seng nna Tsaw Htum ai dai Madu gaw, “Ngai gaw Ziun Bum ntsa e ngang kang ai hte n-gun ja ai npawt nhpang gaw da na nngai. Ngai gaw dai shara hta, ‘Makam masham gaw ngang grin nga ai hte hkam sharang ai mung rai nga ai,’ ngu ai laika ka shakap da ai ngang ai njut nlung langai jahkrat bang da na nngai.

ZEHKARIA 10:4

Shanhte hta na nye a amyu masha ni hpe up na mung up du ni, ningbaw ni hte up hkang du ni pru wa na mara ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

MAHTE 21:42

Yesu shanhte hpe tsun mu ai gaw, “Wahpang galaw ai ni akyu n rawng ai ngu nna lata kau ai nlung gaw, ningjut jahtum na ahkyak dik ai nlung tai wa sai. Dai gaw, Madu a majaw byin wa sai rai nna, anhte a man e mauhpa amu nan rai nga ai, nga ai ga hpe, nanhte dai laika hta lang mi pyi n hti yu myit ni?

1 KORINHTU 12:28

Karai Kasang gaw dai Hpung hta e, langai ngu na shara hta Kasa ni, lahkawng ngu shara hta myihtoi ni, masum ngu na shara hta sara ni, dai hpang e lamik kumla galaw ai ni, dai hpang machyi makaw shamai shatsai na atsam lu ai ni, masha kaga ni hpe karum madi shadaw lam madun chye ai atsam lu la ai ni, lam woi ningshawng ni hte, laklai ai ga amyu myu chye shaga ai ni hpe mung shi shara hte shi san tawn da manu ai.

GALATI 2:9

Shing rai ngai hpe jaw da ai chyeju hpe mu ma ai shaloi, nawku hpung a daw hpum ningbaw ningla ni ngu ging na n san ai Yaku, Petru hte Yawhan hte gaw Karai Kasang ngai hpe jaw ya sai laksan lit hpe masat masa galaw ya masai; dai rai nna anhte yawng gaw magam gun kanawn manang ni re ai lam kumla madun ai hku nna shanhte gaw Barnaba hte ngai hpe hkra lata matut shakram la mani ai; anhte gaw maigan masha ni kaw magam gun na hte, shanhte gaw Yuda masha ni kaw magam gun na matu myit hkrum da saga ai.

EHPESU 3:5

Lai wa sai ten hta ndai sung htum ai lam shinggyim masha ni hpe n tsun dan yu ai, rai ti mung Karai Kasang gaw ya e shi a chyoi pra ai kasa ni hte myihtoi ni hpe dai Wenyi hku nna shadan dan mu ai.

KOLOSE 2:7

Sharin achyin ai hpe hkam la manit dai hte maren, shi hta sung sung ru jung nna, shi hta tinang a asak hkrung lam hpe gaw da let nanhte a makam masham hpe grau nna ngang kang shangun nga mu. Nanhte hta chyeju dum ai myit hte hpring nga mu.

1 PETRU 2:6

Hpa majaw nga yang, dai Chyum Laika hta mung, “Ngai gaw hpu ging ai nlung langai mi hpe lata la nna, dai hpe Ziun bum e njut jahtum na nlung hku ngai jahkrat da se ai, rai nna shi hta kam sham ai ni kadai mung kaya kahpa hte myit daw myit hten hkrum na n rai,” nga ai.

SHINGRAN 21:14

Dai mare a bunghku hpe npawt nhpang nlung shi lahkawng a ntsa e gaw da nna, dai ni a ntsa e Sagu Kasha a kasa ni shi lahkawng a mying shingteng ni hpe ka kap da nga ai.