EHPESU 2:2 - Jinghpaw Common Language Bible 20092 Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai. အခန်းကိုကြည့်ပါ။Jinghpaw Hanson Version Bible2 ndai mungkan a n-gawn shawa hte, nbung hta hkang ai du wa ngu ai, n madat mara ai kasha ni hta, ya e shachyen nga ai wenyi a lam hte maren, nanhte shawng e hkawm nga manit dai. အခန်းကိုကြည့်ပါ။ |
EHPESU 2:2
64 ပူးပေါင်းရင်းမြစ်များ
Ndai prat hta shanhte ra mara mahkra hkam la lu ai ni a lata kaw nna, ngai hpe hkye hkrang la e; shanhte a matu, nang mahkawng da ya sai nni nkri lam ni hte shanhte hpe ari jaw u. Dai hpe shanhte a kashu kasha ni alaw ahtam hkam sha mu ga hte matut nna shanhte a shu mashi shu masha ban prat du hkra hkam sha nga mu ga.
Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.
Dai Masha Kasha du sa nna, lu let sha let nga ai shaloi, ‘Yu mu ndai wa gaw, sha marim ai wa, sabyi lu shalai ai wa, kang hta ai ni hte yubak kap ai ni a jinghku wa rai nga ai,’ nga nna bai tsun ma ai. Rai ti mung, Karai Kasang a hpaji byeng-ya chyawm gaw teng man nga ai lam hpe, dai hpaji ni a majaw byin wa ai akyu ni e sakse hkam ya nga ma ai,” ngu mu ai.
Nanhte ndai mungkan hte seng ai ni rai myit yang gaw, mungkan masha ni gaw tinang a bawsang ni hpe zawn nanhte hpe tsaw ra na myit dai. Rai ti mung ngai gaw nanhte hpe ndai mungkan ga na lata la made ai, nanhte gaw ndai mungkan ga hte n seng myit dai; dai majaw mungkan masha ni nanhte hpe n ju n dawng ma ai.
Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.
Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.
Shing rai htet dat ai hta, ndai mungkan ga na hpye ai amu galaw ai ni, nammak lawhpa ai ni, lagu lagut ni, gawkngu sumla nawku ai ni hte n kanawn lu na rai myit dai ngu nna ngai n tsun mayu nngai. Shanhte hpe koi kau lu na nga yang gaw, nanhte ndai mungkan ga na tsep kawp pru mat wa ra na sha rai nga ai.
Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.
Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.
Dai shara e Hkristu gaw, sumsing mungkan hpe up ai ni, ahkang aya lu ai ni, hpung dagu atsam rawng ai ni, Madu ni yawng a ntsa e chyawm tari tai nna up hkang nga ai. Shi a mying ningsang gaw ndai prat a mungkan hte htawm hpang prat a mungkan hta ga shaga ai ahkaw ahkang lu ai mying shingteng mying ni yawng hta grau kaba nga ai.
Kaja wa anhte yawng mung shawng de kalang mi shanhte zawn rai nna anhte a hkum shan a marin marit ai lam ni hta hkan sa let hkum shan a ra ai lam ni hte myit masin a ra ai lam shagu hpe hkan sa galaw nga ga ai. Anhte mung hkum shan lam hku nna kaga masha ni hte maren Karai Kasang a pawt sindawng ai hpe hkrum ging ai ni rai nga ga ai.
Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.
Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.
Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.
ကြော်ငြာတွေ