EHPESU 2:19 - Jinghpaw Common Language Bible 2009

¹⁹ Dai re ai majaw, ya gaw, nanhte maigan masha ni, shing n rai malet nhprang tsasam manam ni n rai manit dai; nanhte gaw Karai Kasang a masha ni hta lawm ai mung chying sha ni rai nna Karai Kasang a dinghku masha ni rai nga myit dai.

Jinghpaw Hanson Version Bible

¹⁹ Dai re ai majaw, ya gaw nanhte tsasam hte malet nhprang manam n re ai sha, chyoi pra ai ni hte rau, mung masha hte Karai Kasang a nta na ni, nanhte rai nga myit dai:

EHPESU 2:19 ပူးပေါင်းရင်းမြစ်များ

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

EHPESU 3:15

Kawa Karai Kasang a man e ngai lahput hput di nna akyu hpyi nngai.

EHPESU 3:6

Dai sung htum ai lam gaw, Kabu Gara Shiga a marang e maigan masha ni gaw Yuda masha ni hte rau Karai Kasang a shaman chyeju ni hpe hkam la lu ai ahkang lu la lu ai lam rai nga ai. Shanhte hte Yuda masha ni gaw hkum hkrang langai sha hta na daw shan ni rai nna Hkristu Yesu a marang e Karai Kasang jaw ai ga ndat a sali wunli kamhtaw hkam la na ahkang lu la ma ai.

HPILIPI 3:20

Anhte chyawm gaw sumsing lamu mung chying sha ni rai nga ga ai rai nna sumsing lamu kaw nna anhte a Hkye Hkrang la ai Madu Hkristu Yesu du sa wa na hpe ala nga ga ai.

HEBRE 11:13

Ndai masha ni yawng gaw dai makam masham hta si wa masai. Shanhte gaw Karai Kasang jaw da ai ga sadi hte seng ai sali wunli hpe n hkam la lu ma ai, rai ti mung shanhte hpe tsan tsan kaw nna mu mada ai hte hkap tau hkalum la ma ai. Shanhte gaw ndai ga ntsa e chyasam hte malet nhprang shingbyi manam sha tai nga ma ai hpe asan sha yin la ma ai.

HEBRE 13:14

Hpa majaw nga yang, ndai ga ntsa e anhte a matu grin nga ai mare n nga mali ai rai nna, anhte gaw htawm hpang du na ra ai mare hpe anhte tam nga ga ai.

1 PETRU 2:11

Ngai tsaw ra ai ni e, nanhte gaw ndai mungkan hta bu hkawm ai tsasam manam ni hte shingbyi nga ai ni zawn rai nga myit dai rai nna, myit masin hte gasat hkat nga ai hkum shan a kayut ai lam ni hpe galoi mung asum n jaw na matu ngai nanhte hpe hpyi nem dat made ai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.