EHPESU 2:17 - Jinghpaw Common Language Bible 2009

¹⁷ Shing rai nna Karai Kasang hte tsan gang nga ai nanhte maigan masha ni hpe mung, Karai Kasang hte ni nga ai Yuda masha ni hpe mung, Hkristu du sa nna dai ngwi pyaw ai lam a Kabu Gara Shiga hkaw tsun dan mi ai.

Jinghpaw Hanson Version Bible

¹⁷ Shing rai shi sa du nna, tsan gang nga ai nanhte hpe mung, ni nga ai ni hpe mung, ngwipyaw ai lam a kabu gara shiga hkaw tsun dan mi ai.

EHPESU 2:17 ပူးပေါင်းရင်းမြစ်များ

SHAKAWN KUNGDAWN 148:14

Shi gaw shi a amyu baw ni hpe n-gun shaja ya nga ai majaw, shi a amyu masha ni yawng shi hpe shakawn nga ma ai- shi hpe grai tsaw ra ai Israela amyu masha ni mung shi hpe shakawn nga ma ai. Dai Madu hpe shakawn mu!

SHAKAWN KUNGDAWN 75:1

O Karai Kasang e, anhte nang hpe chyeju dum shakawn ga ai; anhte nang hpe chyeju dum shakawn ga ai! Anhte gaw nang kade wa hkik hkam ai lam hpe htawn tsun ga ai, nang galaw dan sai mauhpa amu ni hpe anhte tsun ga ai.

SHAKAWN KUNGDAWN 85:10

Tsaw ra myit hte sadi sahka myit gaw rau dan pru wa nga ai; ding man ai hte ngwi pyaw sim sa ai lam mung, ahpum ginshum wa na mara ai.

ESAIA 27:5

Rai ti mung nye a amyu masha ni a gumlau hpyen ni nye a makawp maga lam ra sharawng ma ai rai yang, shanhte ngai hte ngwi pyaw sim sa lam galaw mu ga. Rai sa, shanhte ngai hte ngwi pyaw sim sa lam galaw mu ga,” ngu nna tsun na ra ai.

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ZEHKARIA 9:10

Dai Madu gaw, “Hpyen leng ni hpe Israela kaw na la kau nhtawm Yerusalem na gumra ni hpe seng kau na nngai; majan hta lang ai ndan ni hpe jahten kau na nngai. Nanhte a hkawhkam wa gaw masha amyu baw ni a lapran e ngwi pyaw sim sa shangun nna, shi gaw panglai kaw nna panglai du hkra, Uhprat hka nu kaw nna ginding aga a jahtum du hkra up na ra ai,” ngu nna tsun ai.

MAHTE 10:13

Dai nta na masha ni nanhte hpe hkap hkalum la myit yang gaw, nanhte a shaman ai ga shanhte a ntsa e nga nga u ga: rai ti mung, nanhte hpe shanhte n hkalum la ma yang gaw nanhte a shaman ai ga nanhte kaw bai nhtang wa u ga.

LUKA 15:8

“Bai numsha langai mi, gumhpraw dengga shi lu ai hta na dengga mi mat mat ai rai yang, shi kaning rai galaw na rai ta? Shi, pyengdin shatu nhtawm, shi a nta hpe ye seng nna n mu yang mu hkra atsawm sha shara shagu tam yu wu ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

ROMA 10:14

Rai ti mung, shanhte gaw Madu hpe n kam n sham ai rai yang kaning rai shi kaw hpyi jahtau lu na ma ta? Dai mungga hpe n na yu ai mi kaning rai kam sham lu na ma ta? Dai mungga hpe hkaw tsun dan ai wa n nga yang gaw kaning rai na lu na ma ta?

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

EHPESU 4:21

Shi a lam hpe nanhte kaja wa na yu manit dai hte Hkristu a hpang hkan nang ai ni rai nga myit dai rai nna Hkristu hta rawng ai dai teng man ai lam hpe nanhte sharin la manit dai.

TARA JAHPRANG 4:7

“Dai Madu anhte a Karai Kasang gaw anhte hte ni nga ai zawn kaning re ai amyu kaba hta mung shi hpe ra kadawn yang, ani sha nga lu ai hpara n nga nga ai. Karum la na matu anhte shaga shagu shi htan ya mi ai.