EHPESU 2:14 - Jinghpaw Common Language Bible 2009

¹⁴ Hpa majaw nga yang, Hkristu gaw Yuda amyu masha ni hte tara maigan masha ni hpe langai sha tai shangun ai hte anhte hpe ngwi pyaw sim sa ai lam jaw mani ai. Shi gaw shi a hkum hpe sak nawng kau ai hta anhte hpe amyu ru sai hku garan ginhka nna hpyen hku nga shangun ai madin hpe run jahten kau nu ai.

Jinghpaw Hanson Version Bible

¹⁴ Kaning rai nme law, shi gaw anhte a ngwipyaw ai lam rai nga ai; shi gaw, dai lahkawng rai nga ai hpe langai sha shatai let, lapran e din nga ai madin hpe sharun kau nu ai;

EHPESU 2:14 ပူးပေါင်းရင်းမြစ်များ

ESHTA 3:8

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.

MIHKA 5:5

shi gaw ngwi pyaw sim sa ai hpe la sa wa na ra ai. Asuri masha ni anhte a mung de shang gasat nna anhte a makawp maga dap ni hpe jahten kau ma ai shaloi, anhte mung shanhte hpe gasat na matu n-gun atsam rawng htum ai ningbaw ni hpe dat dat na ga ai.

ZEHKARIA 6:13

Shi gaw dai hpe gaw gap ai wa tai nna hkawhkam arawng aya shagrau hkam la nhtawm shi a amyu masha ni hpe up na ra ai. Hkinjawng langai mung shi a tingnyang makau e nga na ra ai; shan gaw amu bungli hpe rau hkrum ra ai hte jawm galaw ai majaw ngwi pyaw sim sa ai hte ngwi ngawn nga na mara ai,” ngu nna tsun wu ai.

LUKA 1:79

nsin hte si ai shingnip kata e dung nga ai ni yawng hte hpe lamu na nhtoi jahtoi ya na ra ai,” nga ai. Anhte a sat lagaw ni hpe ngwi pyaw ai lam de woi sa wa na ra ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

YAWHAN 11:52

Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

KASA 10:28

Shaloi Petru gaw shanhte hpe, “Yuda masha langai mi gaw maigan masha ni hte htinglup htingshang n rai mai ai nga nna shi a nawku htung hta jep da nga ai lam nanhte nan mung chye nga myit dai. Dai rai tim kadai wa hpe mung nawku htung hku nna n ging n dan ai, n san n seng ai ngu nna ngai n mai myit ai lam gaw Karai Kasang ngai hpe madun dan ni ai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

ROMA 5:1

Ya anhte gaw Karai Kasang hpe kam sham ai hte ding hpring wa lu ga ai majaw, anhte a Madu Yesu a marang e Karai Kasang hte mahku mara rai sim sa ai lam lu la ga ai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

EHPESU 2:15

Shi gaw amyu lahkawng hpe Hkristu hte kahkyin gumdin nna amyu masha ningnan langai mi shabyin shalat na matu Yuda tara hte hpawn hkang da ai lam ni hte hkan sa tara ni hpe dawm shaprai kau nu ai. Ndai lai hku nna ngwi pyaw sim sa ai lam jaw ya sai.

EHPESU 2:17

Shing rai nna Karai Kasang hte tsan gang nga ai nanhte maigan masha ni hpe mung, Karai Kasang hte ni nga ai Yuda masha ni hpe mung, Hkristu du sa nna dai ngwi pyaw ai lam a Kabu Gara Shiga hkaw tsun dan mi ai.

EHPESU 3:15

Kawa Karai Kasang a man e ngai lahput hput di nna akyu hpyi nngai.

EHPESU 4:16

Baw ngu ai Madu woi awn up hkang hpajang ai kata e hkum hkrang a daw shan ni nga manga hte gaw langai hte langai htuk shachyaw nga ma ai hte hkri hkraw lamyi shagu e matut shachyaw madi shadaw ya ai a marang e dai hkum hkrang ting hpe kahkyin gumdin jum da lu nga ai. Dai rai nna daw shan ni langai hte langai tinang hte seng ang ai lit hpe gun hpai ai shaloi hkum hkrang ting hpe tsaw ra ai hte gaw gap galu kaba wa shangun nga ai.

KOLOSE 1:20

Dai rai nna, Karai Kasang gaw ninggawn tawa nga yawng nga pra ting shi hte mahku mara bai rai wa u ga, myit daw dan da nu ai. Karai Kasang gaw wudang ntsa e ap nawng si hkam ai Kasha a asai hte mahku mara simsa lam galaw nhtawm, sumsing lamu hte ginding aga e nga ai yawng mayawng hte hpe shi hpang de woi la wu ai.

KOLOSE 2:20

Nanhte gaw Hkristu hte rau si mat manit dai rai nna ndai mungkan n-gawn tawa hpe up madu ai n-gun atsam rawng ai wenyi ni a lata hta na shalawt dat ai hkrum manit dai. Dai rai yang hpa rai nna nanhte gaw ndai mungkan hte seng ai ni zawn hkawm sa nga myit ta?

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

KOLOSE 3:15

Hkristu jaw ya ai ngwi pyaw ai gaw nanhte a myit masin hta e a-up nga nna, dai gaw nanhte a daw dan hparan ai lam ni hta lam matsun madun nga u ga, hpa majaw nga yang, dai ngwi pyaw ai lam hpe hkam sha lu na matu Karai Kasang gaw nanhte hpe hkum hkrang langai sha hku shaga la manit dai; dai re ai majaw chyeju adum nga mu.

HEBRE 13:20

Shi a asak hpe nawng ya kau nna si hkam ai hte htani htana ga shaka hpe dazik dawk da sai majaw sagu ni a Sagu Rem Wa Kaba ngu ai anhte a Madu Yesu hpe Karai Kasang gaw si ai kaw na bai jahkrung sharawt la nu ai.

HEBRE 7:2

Abraham mung shi la wa ai lanep yawng hta na htam shi na htam mi Melhkizedek hpe jaw wu ai. (Melhkizedek ngu ai mying a shawng na lachyum gaw, Ding Hpring ai a Hkawhkam rai nna, Salem hkawhkam ngu ai lachyum gaw Ngwi Pyaw ai a Hkawhkam ngu ai rai nga ai.)