EHPESU 2:12 - Jinghpaw Common Language Bible 2009

¹² Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

Jinghpaw Hanson Version Bible

¹² dai aten e Hkristu hta nanhte n lawm myit dai; Israela masha ni a mungdan a shinggan e nanhte nga ai hte, dai ga shaka hte seng ai ga ndat ni hta tsasam ni rai nga myit dai rai nna, mungkan ga hta myit mada shara mung, Karai Kasang mung, n lu ai sha pra nga myit dai hpe, dum nga mu.

EHPESU 2:12 ပူးပေါင်းရင်းမြစ်များ

NINGPAWT NINGHPANG 15:18

Dai hpang dai Madu gaw Abram hte ga shaka tawn da nu ai. Shi gaw, “Egutu mung a ga jarit kaw nna Uhprat hka nu du hkra

2 HKAWHKAM LABAU 15:3

Israela amyu ni gaw aten na na wa teng man ai Karai Kasang n nga, shanhte hpe sharin achyin ya na hkinjawng ni n nga, tara langai mi mung n nga ai hku nna mung nga lai wa yu manu ai.

EZRA 4:3

Zerubabela, Yawshu hte amyu lakung ni a ningbaw ni chyawm gaw shanhte hpe, “Anhte gaw dai Madu anhte a Karai Kasang a matu Nawku Htingnu gaw gap ai amu hta nanhte a karum la lam n ra nga ga ai. Persi Hkawseng Kuru anhte hpe hkang da mi ai hte maren, anhte hkum nan dai hpe gap na ga ai,” ngu nna tsun mu ai.

PRU MAT 12:45

Chyahkring chyahkra sa shingbyi ai hte shabrai sha ai nchyang ni kadai mung dai hpe sha mai nga ai n rai.

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

ESAIA 61:5

Nye a amyu masha ni e, maigan amyu masha ni nang hpe daw jau na mara ai. Shanhte gaw na a sagu hpung ni hpe bau rem nna Na a mung hta hkauna galaw ai hte sabyi sun ni hpe yu lajang na mara ai.

YEREMIA 14:8

Nang chyu sha Israela a myit mada shara rai nga ndai; nang gaw anhte hpe ru yak tsin-yam tsindam kaw na hkye hkrang la ai wa rai nga ndai. Nang gaw anhte a mungdan kata hta manam zawn mung, lana mi chyu sha shingbyi shalai ai bu hkawm wa zawn hpa majaw tai nga n ta?

YEREMIA 17:13

Madu e, nang gaw Israela a myit mada shara rai nga ndai; nang hpe kau da ai ni yawng kaya kahpa hkrum na mara ai. Shanhte gaw asak hka hpawk ngu ai nang Madu hpe kau da nga masai majaw ga nhpu hta ka da ai amying ni zawn shanhte hkoi mat wa na mara ai.

EZEKELA 13:9

N teng n man ai myit shingran mu ai myihtoi ni hte lam woi shadam ai myihtoi ga tsun ai myihtoi nanhte hpe ngai ari jaw na nngai. Nye a amyu masha ni daw dan ai lam galaw na matu shinggyin wa ai shaloi, nanhte a amying ni dai Israela amyu jahpan hta lawm lu na ra ai n rai. Nanhte gaw Israela mungdan de galoi mung nhtang wa lu na myit dai n rai. Ngai gaw Tsaw Htum ai Dai Madu rai nga nngai hpe nanhte chye lu na rai myit dai.

EZEKELA 37:26

Shanhte a matu htani htana prat dingsa na shim lam ga shaka hpe ngai tawn da na nngai. Ngai shanhte hpe de da nna shalaw jahtam na nngai, shanhte a mungdan hta nye a Nawku Htingnu htani htana agrin nga ai hpe mung mu lu na mara ai.

EZEKELA 47:22

dai gaw nanhte a htani htana hte seng ai lamu ga sali rai nga ai. Nanhte a lapran e hkan matep nga ai hte dai lamu ga hta shangai wa sai kashu kasha ni lu ai maigan masha ni mung, nanhte dai lamu garan ai shaloi, lamu ga sali hkam la na rai ma ai. Shanhte hpe Israela mungchying masha ni hte maren masat la nna Israela amyu bawsang ni hte rau lamu ga sali hpe hpaida da la lu na ma ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

BU HKAWM 18:19

“Israela amyu masha ni ngai hpe sak jaw ai laksan kumhpa ni yawng gaw nang hte na a shayi shadang sha ni hpe prat dingsa ngai jaw ya nga nngai. Dai gaw nanhte mung, na a amyu matu ni hte mung ngai tawn da ai n hten n run mat ai ga shaka rai nga ai,” ngu nna tsun wu ai.

LUKA 1:72

Shi gaw anhte a ji wa ni hpe shi a matsan dum lama ai lam madun dan nna, shi a chyoi pra ai ga shaka hpe dum nga na ra ai.

YAWHAN 10:16

Ndai wulawng hte n seng ai kaga sagu ni mung ngai naw lu nngai, dai sagu ni hpe mung ngai naw woi jashawn la lu na rai nna dai ni mung nye a nsen madat na mara ai. Shaloi sagu hpung langai sha, sagu rem wa langai sha, rai na ra ai.

YAWHAN 15:5

“Ngai gaw sabyi ru madung rai nga nngai, nanhte gaw lakung lakying ni rai nga myit dai. Kadai rai ti mung, ngai hta noi nga nna ngai mung dai wa hta noi nga ai rai yang gaw, dai wa gaw asi law law si wa lu ai; hpa majaw nga yang, ngai hte hka jang, nanhte hpa mung n galaw lu myit dai.

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

KASA 2:39

Hpa majaw nga yang, ga ndat dai gaw, nanhte hte mung nanhte a kashu kasha ni hte mung sumtsan ga e nga ai anhte a Madu Karai Kasang shaga la ai masha nga manga hte hte mung seng nga ai,” ngu nna tsun dan mu ai.

KASA 28:20

Dai re ai majaw nanhte hte hkrum lu na hte tsun shaga lu na ahkang ngai hpyi la ai rai nga ai. Kaja wa tsun ga nga yang ngai dai zawn hpri sumri ni hte gyit hkang sharen da hkrum ai lam gaw Israela amyu masha ni myit mada ala nga ai wa a majaw nan rai nga ai,” ngu nna tsun mu ai.

KASA 3:25

Shi a myihtoi ni hku nna nanhte hpe Karai Kasang jaw ai ga sadi ni gaw nanhte a matu rai nga ai hta n ga, nanhte a nji nwa ni hte Karai Kasang tawn da ai ga shaka ni hte mung seng nga myit dai. “Karai Kasang gaw Abraham hpe na a amyu matu a marang e ga ntsa na amyu mahkra gumring gumrat chyeju hkam la shajang na mara ai nga nna tsun ai.”

ROMA 9:8

Ndai gaw lachyum ndai hku rai nga ai. Shawoi na hku shinggyim hkum shan e shangai ai kashu kasha ni gaw Karai Kasang a kashu kasha ni majing n rai ma ai! Karai Kasang a ga ndat tawn da ai hte maren shangai wa ai kashu kasha ni chyu sha matu mara majing ni re ngu nawn da mu ai.

GALATI 4:8

Lai mat wa sai ten hta nanhte gaw Karai Kasang hpe n chye nga myit dai majaw n teng n man ai hpara ni a mayam tai nga myit dai.

EHPESU 2:19

Dai re ai majaw, ya gaw, nanhte maigan masha ni, shing n rai malet nhprang tsasam manam ni n rai manit dai; nanhte gaw Karai Kasang a masha ni hta lawm ai mung chying sha ni rai nna Karai Kasang a dinghku masha ni rai nga myit dai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

KOLOSE 1:21

Nanhte mung moi shawng de gaw nanhte galaw ai n hkru n hkra ai bungli hte myit mang ai lam a majaw Karai Kasang hte tsan gang mat nna, shi a hpyen ni tai mat manit dai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

1 HTESALONI 4:13

Anhte a hpu nau ni e, myit mada shara n nga ai kaga masha ni zawn nanhte yawn hkyen n hkrum myit ga, anhte gaw si mat ai ni hte seng nna dai teng man ai lam nanhte hpe chye shangun mayu ga ai.

1 HTESALONI 4:5

Karai Kasang hpe n chye ai maigan masha ni zawn ra kasit kayut ai myit n mai rawng ai.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

1 TIMOHTI 1:1

Anhte a hkye hkrang la ai Karai Kasang hte anhte a myit mada shara rai nga ai Madu Yesu a marang e, kasa rai nga ai ngai Pawlu gaw,

HEBRE 11:34

Ja la ai wan nsa ni hpe sat kau lu ma ai. Masha ni a nhtu nshan kaw na mung hprawng lawt lu ma ai. Shanhte n-gun kya ai rai ti mung, n-gun shaja ya ai lu la ma ai majaw majan pa e magrau grang lu ma ai hte masha tsasam ni a hpyen hpung ni hpe dang kau lu ma ai.

HEBRE 6:18

Shing rai dai ga sadi hte dagam ai ga myu lahkawng yan gaw n mai galai mat ai baw re ai majaw Karai Kasang gaw masu ga tsun ai n rai. Dai re ai majaw shi hta shingbyi nna shim ai lam lu la ai ni ngu ai anhte gaw anhte hpe jaw ya ai myit mada shara hta ngang ngang kang kang magra noi nga na matu n-gun jaw ai lam grai wa lu la saga ai.

HEBRE 8:6

Rai ti mung ya chyawm gaw dai hkinjawng agyi kaga ni lu ai aya hta grau ai hkinjawng amu a aya Yesu hpe jaw ya sai. Karai Kasang hte masha a lapran e Yesu lajang ya ai ga shaka tara gaw grau kaja ai ga shaka rai nga ai. Hpa majaw nga yang, dai ga shaka gaw shawng na hta grau kaja ai ga sadi ni hta npawt de da nga ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 PETRU 3:15

Nanhte a myit masin ni hta Hkristu hpe hkungga lara ai hte Madu ra ai hku shagrau sha-a nga mu; nanhte hta hkam la da sai myit mada ai lam hpe masha langai ngai san dam ma yang, ga lachyum htai dan lu na matu jin jin rai nga mu.

1 YAWHAN 3:3

Hkristu hta dai myit mada shara lu ai masha shagu gaw, Hkristu nan chyoi pra nga ai hte maren tinang hkum hpe mung shachyoi shapra da nga ai.