EHPESU 2:11 - Jinghpaw Common Language Bible 2009

¹¹ Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

Jinghpaw Hanson Version Bible

¹¹ Dai rai nna, hkum shan hku yu yang, nanhte shawng e maigan ngu ai ni rai nga myit dai hpe, dum ngu mu; dai hkum shan hta e lata hte sha shabyin ai matu gadoi hkam ai ni gaw, Matu gadoi n hkam ai ni, nga nna nanhte hpe shamying nga ma ai;

EHPESU 2:11 ပူးပေါင်းရင်းမြစ်များ

EZEKELA 20:43

Dai hpang, nanhte galaw kau sai matsat shabat amu mahkra hte kaning rai nanhte hkum ni hpe awu asin di kau sai lam ni hpe nanhte dum wa na marin dai. Nanhte galaw hkrup kau sai n hkru n shawp ai amu mahkra a majaw nanhte nan nanhte a hkum hpe matsat kau na marin dai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

MAHTE 20:7

Shanhte gaw, ‘Kadai mung anhte hpe n saw mi ai,’ ngu mu ai. Shi gaw, ‘Nanhte mung dai sun de sa wa masu,’ ngu mu ai.

ROMA 11:17

Hkai tawn ai tsanlun hpun a lakung lakying nkau mi hpe gyi kau nhtawm, ngam nga ai de a ndu hta tsanlun chyalam lakung hpe matut nna hkai chye ma ai. Dai tsanlun chyalam lakung gaw tsanlun chyanyi a aru kaw na nam hpun lusha bawk jaw lawm ai zawn, nanhte maigan masha ni mung Yuda masha ni kaw na n-gun rawng ai Wenyi a chyeju akyu ara hkam la lu manit dai.

ROMA 2:26

Lama wa matu gadoi n hkam ai maigan masha langai mi gaw jep ai Tara a hkang da ai lam ni hpe hkan shatup wa yang, dai wa hpe Karai Kasang gaw matu gadoi ai hking hkam la ai wa zawn nawn ya na wu ai n rai ni?

ROMA 2:27

Nang gaw dai ka da ai jep ai Tara hku nna matu gadoi ai hking hkam la ai wa rai nga nhtawm me Tara tawt lai ai wa rai nga ndai majaw maigan masha ni nanhte Yuda masha ni hpe tara dara na mara ai. Shanhte gaw hkum shan hte seng ai matu gadoi hking n hkam la ma ai rai ti mung, jep ai Tara hpe gaw hkan shatup ma ai.

1 KORINHTU 12:2

Nanhte gaw maigan masha ni naw rai nga ai shaloi e, lam amyu myu hku nna lam dam ai hte asak n rawng ai sumla ni hpe naw lai wa manit dai hpe nanhte nan chye nga myit dai.

1 KORINHTU 6:11

Nanhte nkau mi gaw shing rai chyalu ni rai nga myit dai, rai ti mung nanhte gaw anhte a Madu Yesu Hkristu a amying nsang hte mung, anhte a Karai Kasang a Wenyi hte mung, kashin kamun jasan jaseng kau nna, Karai Kasang kaw ap nawng kau ai ni, Karai Kasang a man e ding hpring ai ni, ngu ai hpe hkam la ai ni tai wa manit dai.

GALATI 2:15

Anhte gaw Yuda sai jet amyu masha ni rai nga ga ai, Yubak mara lu ai maigan masha ni ngu nna shamying ai ni n rai ga ai.

GALATI 6:12

Matu gadoi hkam la na matu nanhte hpe adip arip di nna shangun ai masha ni gaw, shinggan masat maka kumla ni a matu arawng mala madun sha ai ni rai ma ai. Rai ti mung shanhte shing rai galaw ai lam gaw Hkristu a wudang a majaw zingri zingrat ai hkrum na hpe tsang ai majaw rai nga ai.

EHPESU 2:2

Dai ten hta nanhte gaw mungkan a n hkru n kaja ai lam hta hkan sa nna lamu ganghkau hpe up ai wenyi numla hte seng ai n- gun atsam a npu e taw nga myit dai. Karai Kasang hpe n madat n mara ai ni gaw, ya ten hta dai wenyi numla a hkang ai kata hta nga nga ma ai.

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 16:12

Egutu mung e nanhte mayam tai yu manit dai hpe hkum malap kau myit; dai rai nna ndai hkang da ai ga ni hpe nanhte teng teng madat mara hkan sa lu na rai myit dai.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

TARA JAHPRANG 9:7

“Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

KOLOSE 1:21

Nanhte mung moi shawng de gaw nanhte galaw ai n hkru n hkra ai bungli hte myit mang ai lam a majaw Karai Kasang hte tsan gang mat nna, shi a hpyen ni tai mat manit dai.

KOLOSE 2:11

Nanhte gaw Dai Madu hte langai sha tai nna asak hkrung ai shaloi e matu gadoi hkam la manit dai rai nga ai. Dai gaw masha a lata hte galaw ai n re ai sha, ndai yubak kap ai hkum shan a n-gun atsam kaw na shalawt dat ai ngu ai Hkristu e shabyin ai matu gadoi hkam ai lam rai nga ai.

KOLOSE 2:13

Nanhte gaw moi shawng de yubak galaw ai ni rai nga myit dai majaw mung, Yuda masha n rai nna tara kata ai hte matu gadoi n hkam ai maigan masha ni rai nga myit dai majaw mung, Wenyi lam hta masha chyasi rai nga myit dai. Rai ti mung ya gaw Karai Kasang nanhte hpe Hkristu hte rau asak bai jahkrung ya manit dai. Karai Kasang gaw anhte a yubak yawng mayawng hte hpe raw dat kau ya sai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

1 SAMUELA 17:26

Dawi gaw shi hte ani sha nga ai masha ni hpe, “Dai Hpilisti masha wa hpe sat kau nna, ndai kaya kahpa jahpoi asawng hkrum nga ai kaw nna Israela amyu masha ni lawt lu jang, hpa baw lu la na re da aw? Ahkrung nga ai Karai Kasang a luksuk hpe hkap daw na, ndai n kam n sham ai Hpilisti masha wa gaw kaning re ai wa rai nga a ta?,” ngu nna san yu wu ai.

1 SAMUELA 17:36

Ngai gaw hkanghkyi ni hte tsap ni hpe sat kau yu ni ai rai nna, ahkrung nga ai Karai Kasang a luksuk hpe hkap daw nga ai ndai n kam n sham ai Hpilisti masha wa hpe dai hte maren ngai galaw kau na we ai.