EHPESU 2:1 - Jinghpaw Common Language Bible 2009

¹ Lai wa sai ten hta nanhte gaw, nanhte a n madat n mara ai tawt lai ai bungli hte yubak mara ni a majaw Wenyi lam hta chyasi rai nga myit dai.

Jinghpaw Hanson Version Bible

¹ Nanhte mung, nanhte a tawt lai ai bungli hte yubak a majaw chyasi rai nga ai shaloi e,

EHPESU 2:1 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

MAHTE 8:22

Yesu gaw, “Ngai kaw hkan nang rit, masha chyasi ni gaw shanhte a chyasi ni hpe lup makoi mu ga,” ngu wu ai.

LUKA 15:24

Hpa majaw nga yang, ndai ngai sha gaw si mat sai; ya bai hkrung sali ai; mat mat sai hpe ya bai mu la se ai,’ ngu mu ai. Shing rai lusha poi galaw hpang nna pyaw pyaw rai nga ma ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

YAWHAN 10:10

Lagut gaw, lagu na, sat na, hpya sha na, nga nna she sa ai. Ngai chyawm gaw, sagu ni asak hkrung lu na hte dai asak hpe nhpaw n-ya lu la mu ga ngu nna sa ring ngai.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

YAWHAN 5:21

Kawa gaw si ai ni hpe jahkrung sharawt la nna asak jahkrung ya ai zawn Kasha wa mung shi ra ai ni hpe asak jahkrung ya wu ai.

YAWHAN 5:25

Ngai nanhte hpe teng teng tsun made ga, si nga ai ni gaw Karai Kasang a Kasha a nsen na lu na ahkying du wa ra ai rai nna dai ahkying gaw ya e pyi rai nga ai. Dai hpe na la ai ni mung asak hkrung nga na mara ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

1 KORINHTU 15:45

Chyum laika hta tsun ai hte maren, “Shawng na masha Adam gaw asak hkrung ai shinggyim masha hku nna hpan da hkrum sai,” rai ti mung, hpang jahtum na Adam chyawm gaw, asak jahkrung ya ai Wenyi rai nga ai.

2 KORINHTU 5:14

Anhte hpe Hkristu a tsaw ra ai myit e up hkang da mi ai. Hpa majaw nga yang, marai langai mi masha yawng mayawng a matu mara si hkam sai hpe anhte myit mu myit hkut saga ai. Dai rai nna dai gaw shi a si hkam ai hta yawng mayawng si hkam lawm sai ngu ai lachyum rai nga ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

KOLOSE 2:13

Nanhte gaw moi shawng de yubak galaw ai ni rai nga myit dai majaw mung, Yuda masha n rai nna tara kata ai hte matu gadoi n hkam ai maigan masha ni rai nga myit dai majaw mung, Wenyi lam hta masha chyasi rai nga myit dai. Rai ti mung ya gaw Karai Kasang nanhte hpe Hkristu hte rau asak bai jahkrung ya manit dai. Karai Kasang gaw anhte a yubak yawng mayawng hte hpe raw dat kau ya sai.

1 TIMOHTI 5:6

Rai ti mung arawn alai hten nna pyaw hpa lam sha tam ai gaida jan chyawm gaw, shi naw hkrung nga ninglen chyasi rai nga ai.

1 YAWHAN 3:14

Anhte hpu nau ni hpe tsaw ra nga ga ai majaw, anhte si ai kaw nna hkrung ai de kawt lu sagaw ai hpe anhte chye ga ai. Kahpu kanau ni hpe n tsaw ra ai wa gaw dai si ai a n-gun atsam kata e sha anga nga ai wa rai nga ai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.