EHPESU 1:8 - Jinghpaw Common Language Bible 2009

⁸ Anhte hpe nde wa n daw n hta jaw ya ai Karai Kasang a chyeju gaw kade wa kaba la nga a hka!

Jinghpaw Hanson Version Bible

⁸ shi a shawang myit na sung htum ai lam anhte hpe shadan dan yang,

EHPESU 1:8 ပူးပေါင်းရင်းမြစ်များ

SHAKAWN KUNGDAWN 104:24

Madu e, nang gaw amyu baw sumhpa hpe galaw da nit dai! Nang gaw yawng mayawng hte hpe hpaji rawng ai hku galaw da ni hka! Mungkan ga gaw nang hpan da ai hkrung mahkrung ni hte hpring nga ai.

GA SHAGAWP 8:12

Ngai gaw hpaji byeng-ya rai nga nngai; myit kraw hpaji hpe mung ngai lu nga nngai; machye machyang hpaji hte teng man re ai tara dara lam hpe mung ngai lu nga nngai.

ESAIA 52:13

Dai Madu gaw, “Nye a shangun ma gaw shi a amu hta dagraw la na ra ai; shi gaw shagrau shatsaw hkrum na ra ai.

MAHTE 11:19

Dai Masha Kasha du sa nna, lu let sha let nga ai shaloi, ‘Yu mu ndai wa gaw, sha marim ai wa, sabyi lu shalai ai wa, kang hta ai ni hte yubak kap ai ni a jinghku wa rai nga ai,’ nga nna bai tsun ma ai. Rai ti mung, Karai Kasang a hpaji byeng-ya chyawm gaw teng man nga ai lam hpe, dai hpaji ni a majaw byin wa ai akyu ni e sakse hkam ya nga ma ai,” ngu mu ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

ROMA 5:15

Rai ti mung dai lahkawng yan gaw maren n rai hpa majaw nga yang Karai Kasang a chyeju kumhpa hte Adam a yubak mara tawt lai ai lam n bung ai sha shai hkat nga ma ai. Dai marai langai mi a shut hpyit tawt lai ai yubak mara a majaw masha law law a matu si ai lam byin pru wa ai ngu ai gaw teng nga ai. Rai ti mung Karai Kasang a chyeju gaw grau kaba nga ai rai nna Yesu Hkristu ngu ai masha langai mi a chyeju hte masha lanlak hpe jaw ai chyeju kumhpa chyawm gaw grau nna law htam wa na rai nga sai.

1 KORINHTU 2:7

Ngai hkaw tsun ai hpaji byeng-ya gaw masha amyu ni n mu n chye hkra makoi magap da ai Karai Kasang a sung htum ai hpaji byeng-ya a lam rai nga ai. Dai gaw ginding aga garai n lat kaw nna anhte hpung shingkang hkam la na matu Karai Kasang tawn da ai yaw shada ai lam rai nga ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

KOLOSE 2:3

Shi gaw Karai Kasang a makoi magap da ai hpaji byeng-ya nlang hte hte chye chyang ai lam ting hpe hpaw dan ai zaw si rai nga ai.

YUDA 1:25

anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.