EHPESU 1:22 - Jinghpaw Common Language Bible 2009

²² Karai Kasang gaw arai baw sumhpa hpe shi a lagaw npu e tawn da nu ai rai nna dai hpung a matu yawng mayawng a ntsa e baw tai u ga, shi hpe san da nu ai.

Jinghpaw Hanson Version Bible

²² Arai baw sumhpa hpe shi a lagaw npu e shi tawn da nu ai rai nna, yawng mayawng a baw tai na, dai Hpung kaw shi hpe jaw da wu ai:

EHPESU 1:22 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 91:13

Hkanghkyi ni hte lapu ni, matse ai hkanghkyi ni hte tuk rawng ai lapu ni a ntsa e, nang kabye hkawm lu na ra ai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

KASA 20:28

Dai majaw nanhte gaw nanhte a hkum nan hpe mung, nanhte a lata hta Chyoi Pra ai Wenyi ap ya da sai sagu hpung ting hpe mung, sadi sahka hte yu lahku nga mu, Karai Kasang gaw shi a hpung tai nga na matu shi a Kasha a si hkam ai hte mari la ai hpung hpe sagu rem ni zawn bau rem nga mu.

1 KORINHTU 11:3

Rai ti mung, lasha nlang hte a baw gaw, Hkristu rai nga ai, numsha a baw chyawm gaw lasha rai nga ai, Hkristu a baw chyawm gaw Karai Kasang rai nga ai lam ngai nanhte hpe chye na shangun mayu made ai.

EHPESU 3:21

Hkristu a marang e mung, htani htana hpung shingkang dan hkung nga u ga law. Amen.

EHPESU 5:23

Hkristu gaw dai hpung a ntsa e ahkang aya lu nga ai zawn dai madu wa mung madu jan a ntsa e ahkang aya lu nga ai. Hkristu shi nan shi a hkum hkrang rai nga ai dai hpung a Hkye Hkrang la ai Madu mung rai nga ai.

KOLOSE 1:18

Shi gaw shi a hkum hkrang ngu ai Hpung a baw rai nga ai. Shi nan dai hkum hkrang hte seng ai asak a npawt rai nga ai. Shi chyu sha lam shagu hta nambat langai shara la da nna yawng mayawng a nhtung nhka tai wa u ga, si mat ai ni kaw na hkrung sharawt la ai Kasha alat ningshawng rai nga ai.

KOLOSE 1:8

Wenyi e nanhte hpe jaw ya sai nanhte a tsaw ra myit a lam shi anhte hpe tsun dan mani ai.

KOLOSE 2:10

Nanhte gaw shi hta hkrung nga ai marang e hkum tsup ai asak hkrung lam lu la manit dai. Dai Madu gaw lamu ganghkau hte mungkan ga hte n-gun atsam rawng ai ni hte ahkang aya lu ai ni yawng hpe up ai grau htum ai wa rai nga ai.

KOLOSE 2:19

Shanhte gaw hkum hkrang a baw ngu ai Hkristu hpe manoi manat ai lam n nga mat masai. Nra hkrihkraw hte lamyi laman, lasaw lasa ni e shachyaw jum da ai hkum hkrang ting gaw Hkristu ngu ai baw kaw na sha hpa hpe hkam la nna Karai Kasang a myit ra ai lam hte maren kaba wa nga ai.

1 TIMOHTI 3:15

Rai ti mung lama wa ngai alawan n lu du sa wa ai rai yang hkrung nga ai Karai Kasang a hpung ngu ai dai teng man ai lam a npawt hkridun rai nga ai Karai Kasang a nta dinghku hta anhte kaning re ai arawn asam sat lawat hkan sa mai ai lam chye lu u ga, ndai laika hpe ka dat nngai.

HEBRE 2:8

Chyum laika hta Karai Kasang gaw shinggyim masha hpe hpan da nna, “Yawng mayawng a ntsa e up hkang na ahkang jaw nu ai,” nga ai gaw nga yawng nga pra mahkra hpe up shangun ai ngu mayu ai re. Rai ti mung arai yawng mayawng shi a npu e tawn da nga ai gaw, anhte ya garai n mu ga ai.