EHPESU 1:18 - Jinghpaw Common Language Bible 2009

¹⁸ Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

Jinghpaw Hanson Version Bible

¹⁸ shi shaga la ai a jaw e myit mada shara gaw gade wa kaba nga ai mung; n taw n tsang ai hpung shingkang rawng ai shi a sali wunli gaw chyoi pra ai ni hta e gade wa kaba nga ai mung; kamsham nga ai anhte hta e shi a nachying galu kaba htum ai atsam gaw, gade wa galu kaba nga ai mung,

EHPESU 1:18 ပူးပေါင်းရင်းမြစ်များ

YOBA 42:5

Lai sai aten hta, kaga ni ngai hpe tsun ai ga hpe sha ngai chye nngai; rai ti mung ya chyawm gaw ngai nang hpe nye a myi hte chyaw mu sade ai.

SHAKAWN KUNGDAWN 119:18

Nye a myi ni hpe hpaw ya e, shaloi, na a tara hta na mauhpa teng man ai lam ni hpe ngai mu lu na nngai.

ESAIA 11:2

Dai Madu a wenyi gaw shi hpe hpaji byeng-ya, chye chyang ai nyan hte kung kyang ai hpaji jaw ya na ra ai. Shi gaw shi a amyu masha ni hpe up hkang na ra ai. Shi gaw dai Madu a myit ra ai hpe chye nna, shi hpe shagrau sha-a na ra ai,

ESAIA 29:10

Dai Madu gaw nanhte hpe yup shamwi ai hte grai yup pyaw mat wa hkra galaw da nu ai. Myihtoi ni gaw amyu masha ni a myi ni tai ang ma ai, rai ti mung Karai Kasang gaw shanhte hpe amam kau ya nu ai.

ESAIA 29:18

Dai nhtoi du ai shaloi, na lahpang ai ni gaw laika ja ja hti ai nsen na lu na ra ai, nsin kata nga nga ai myi n mu ai ni mung shanhte a myi ni hpaw wa nna mu lu na mara ai.

ESAIA 32:3

Shanhte a myi hte na ni gaw hpaw wa nna amyu masha ni a ra kadawn lam ni hpe mu wa na mara ai.

ESAIA 42:7

Nang gaw myi n mu ai ni hpe myi hpaw ya nna nsin htawng hta sharen da hkrum ai ni hpe shalawt dat na rin dai.

ESAIA 6:10

Dai hpang shi gaw ngai hpe, “Ndai amyu masha ni a myit masin ni hpe shamak kau ya u, shanhte a na ni lahpang kau ya u, shanhte a myi ni hpe amam kau ya u, shaloi shanhte n mu lu, n na lu ai hte n chye na lu na ma ai. Shanhte dai hku byin mat ai rai yang, shanhte gaw ngai kaw kayin wa nhtawm shamai shatsai ai hkrum na rai ma ai,” ngu nna tsun ai.

MAHTE 13:15

Hpa majaw nga yang, shanhte a myit masin ni ayup akup rai nga nna, shanhte a na ni hpe pat kau nhtawm, myi ni hpe myi di tawn ma ai. Dai n rai taw gaw, shanhte a myi ni mu lu nna, shanhte a na ni na lu na hte, shanhte a myit masin ni mung chye na wa ai rai yang gaw, shanhte ngai hta kam hpa nna, shingbyi wa na mara ai. Ngai mung shanhte hpe shamai ya na mawe ai,’ nga nna Karai Kasang tsun ai hpe Esaia htawn tsun ai ga dik wa sai,” ngu mu ai.

MARKU 10:17

Yesu bai hkawm sa wa na matu pru sa wa magang nga yang, masha langai mi shi kaw gat sa du nna, shi a man e hput di let, “Mai kaja ai Sara e n htum n wai asak lu la hkra, ngai hpa mi galaw na rai ta?,” ngu nna shi hpe san wu ai,

LUKA 24:45

Dai hpang sape ni, dai Chyum Laika ga ni hpe chye na lu na matu shanhte a myit nyan jahpaw ya mu ai.

KASA 16:14

Shanhte hta na anhte a ga na la ai numsha gaw Htuatira mare na sumpan hkyeng sawm dut ai Ludi ngu ai jan rai nga ai. Shi gaw Karai Kasang hpe nawku kam sham ai numsha rai nna, Pawlu tsun dan nga ai ga hpe na lasha let madat la u ga, Madu e shi a myit hpaw ya wu ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

ROMA 11:29

Hpa majaw nga yang Karai Kasang gaw kadai hpe rai ti mung shaga la nna shaman chyeju jaw na matu daw dan sai hpang myit n galai chye ai wa rai nga ai.

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

2 KORINHTU 4:4

Ndai mungkan ga a n hkru n kaja ai karai wa ngu ai Nat Satan wa gaw shanhte a myit ni hpe ningsin hte ka-up shamak tawn kau ya manu ai majaw, shanhte n kam n sham ma ai. Shi gaw dai Karai Kasang a hkrang bung sumla nan rai nga ai. Hkristu a hpung shingkang a lam dai Kabu Gara Shiga kaw na pru ai nhtoi hpe n mu lu shangun mu ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

GALATI 5:5

Anhte chyawm gaw, Karai Kasang a Wenyi a atsam hta kam hpa let kam sham ai a marang e Karai Kasang a man e ding hpring ai ngu nna sawn ya ai ahkaw ahkang hpe lu la na ga ai ngu nna myit mada ala nga ga ai.

EHPESU 1:11

Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

EHPESU 3:16

Nanhte a kata na hkum ngu ai myit masin n- gun lapyin ja wa u ga, Karai Kasang gaw shi a hpung shingkang hte n taw n tsang re ai sut gan kaw na Wenyi a marang e nanhte hpe n- gun atsam jaw ya u ga, ngu nna mung,

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

EHPESU 4:1

Dai re ai majaw dai Madu hpe daw jau ai a majaw bawng dung ai wa ngai Pawlu gaw nanhte hpe shi shaga la ai kaw nna Karai Kasang e madat da ya sai sak hkrung lam madung hte maren, sak hkrung hkawm sa na matu ngai nanhte hpe shadut jahkat dat made ai.

EHPESU 4:4

Nanhte hpe Karai Kasang shaga la ai lam hta myit mada shara langai sha de, shaga la manit dai hte maren, hkum hkrang langai sha hte Wenyi langai sha rai nga ai.

EHPESU 5:8

Moi shawng de nanhte mung ningsin hta nga lai wa yu manit dai; rai ti mung ya e Madu a masha ni tai wa manit dai rai nna nhtoi de du shang manit dai. Dai re ai majaw, nanhte gaw nhtoi a kashu kasha ni zawn hkan galaw nga mu.

HPILIPI 3:14

Dai rai nna ngai gaw dai kumhpa hpe lu la na matu bandung du hkra shachyut nngai. Dai kumhpa gaw lahta tang e asak hkrung lu u ga, Hkristu Yesu a marang e Karai Kasang a shaga la ai lam rai nga ai.

KOLOSE 1:12

Dai hta kaga, nhtoi a mungdan hta rawng nga ai shi a chyoi pra ai ni a matu mara Karai Kasang san tawn da ai sali wunli ni hpe nanhte hkan dagraw la ging ai ni tai wa shangun ai Karai Kasang a chyeju hpe kabu gara shakawn kungdawn nga mu ga law.

KOLOSE 1:23

Kaja wa nanhte gaw nanhte hkam la kam sham ai lam hpe ngang kang nna teng man ai npawt hkridun zawn ngang grin nga u ga, matut nna makawp maga sin lajang tawn lu na rai myit dai. Bai nna nanhte gaw dai Kabu Gara Shiga na la ai shaloi lu la tawn ai myit mada ai lam kaw na htak mat hkra ari jahkrat kau na ahkang jaw mai na myit dai n rai. Ndai Kabu Gara Shiga a majaw ngai Pawlu gaw magam gun wa langai mi tai wa ni ai, dai Kabu Gara Shiga chyawm gaw mungkan ting hta masha shagu hpe hkaw tsun dan ai mungga rai nga ai.

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

KOLOSE 1:5

Dai teng man ai mungga ngu ai Kabu Gara Shiga nanhte kaw shawng du dep sa wa ai shaloi, nanhte gaw dai Kabu Gara Shiga e jaw ya ai myit mada ai lam hpe na yu manit dai. (Dai rai nna nanhte a makam masham hte tsaw ra ai lam gaw sumsing lamu e nanhte a matu kyem da ya ai myit mada ai lam hta npawt jung nga ai.)

KOLOSE 2:2

Shing rai ngai gun hpai shakut ai lam gaw, shanhte yawng hta nden ja ai myit hte hpring tsup nna langai hte langai a tsaw ra myit hta makyit mahkai wa ai hte shanhte gaw dai teng man ai lam hpe chye nna myit kam da lu sai ngu ai sutgan hpe hpring hpring tsup tsup hkam la lu na mara ai. Ndai lam hku nna Karai Kasang a makoi magap da ai sung htum ai lam ngu ai Hkristu hpe chye chyang wa na mara ai.

KOLOSE 3:15

Hkristu jaw ya ai ngwi pyaw ai gaw nanhte a myit masin hta e a-up nga nna, dai gaw nanhte a daw dan hparan ai lam ni hta lam matsun madun nga u ga, hpa majaw nga yang, dai ngwi pyaw ai lam hpe hkam sha lu na matu Karai Kasang gaw nanhte hpe hkum hkrang langai sha hku shaga la manit dai; dai re ai majaw chyeju adum nga mu.

1 HTESALONI 2:12

Anhte gaw nanhte hpe n-gun jaw ai lam hte shadaw shalan ai lam galaw saga ai. Shi a mungdan hta shang sha lu na hte hpung shingkang hkam la lu mu ga, nanhte hpe shaga la ai Karai Kasang hpe sharawng awng shangun ai asak hkrung lam hta e hkawm sa nga na matu anhte matut manoi shadut jahkat saga ai.

1 HTESALONI 5:8

Rai ti mung anhte gaw nhtoi a kashu kasha ni rai nga ga ai majaw htauli htaula hte sadi maja nga ra ga ai. Anhte gaw makam masham hte tsaw ra ngu ai sinda magap hpe dagap nna, anhte a hkye hkrang la hkrum na hpe myit mada ai lam ngu ai hpri gupchyawp chyawp nga ga.

2 HTESALONI 1:11

Ndai lam a majaw nanhte a matu anhte tut nawng e akyu hpyi ya nga ga ai. Nanhte gaw Karai Kasang e shaga la hkrum ai ni a asak hkrung lam hte ging dan ai hku asak hkrung lu myit ga, anhte Karai Kasang kaw akyu hpyi ya nga ga ai. Shi gaw shi a hpung shingkang atsam hte nanhte a mai kaja ai hpe shabyin mayu ai myit nga manga hpe jahpring shatsup ya nna, nanhte a makam masham a magam bungli hpe shangut shakre ya u ga.

2 HTESALONI 2:16

Anhte a Madu Yesu Hkristu shi nan hte anhte hpe tsaw ra nna shi a chyeju hte anhte hpe htani htana grin ai nden marai hte ngang kang ai myit mada shara jaw ai Wa Karai Kasang gaw,

1 TIMOHTI 6:12

Makam masham hte seng ai gat shingjawng poi hta atsam htum hkra gat nna htani htana asak ngu ai kumhpa hpe na a matu lu la hkra di u; hpa majaw nga yang, dai asak hkrung lam hta e, nang hpe Karai Kasang shaga la ai shaloi nang gaw sakse law law ni a man e kam sham sai lam ngang ngang kang kang nang yin la nit dai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

TITU 3:7

Shing rai galaw ai lam gaw, anhte gaw shi a chyeju hte Karai Kasang e sharawng awng hkap la ai lam hkam la nna anhte myit mada nga ai htani htana asak hpe lu madu hkam la na matu rai nga ai.

HEBRE 10:32

Lai wa sai nhtoi ni hta nanhte kaning re ai ni re ai hpe bai dum nga mu. Dai nhtoi ni hta Karai Kasang a nhtoi hpe hkam la lu ai hpang, tsin-yam tsindam law law hkrum sha lai wa manit dai; rai ti mung nanhte shakut sharang dating ai a majaw dai gaw nanhte hpe dang kau lu ai n rai.

HEBRE 6:4

Hpa majaw nga yang, dai makam masham kaw na htak mat wa sai ni hpe myit malai kalang mi bai lu shangun na lam kaning rai mai byin na kun? Shanhte gaw Karai Kasang a nhtoi hta kalang mi nga yu sai rai nna sumsing na chyeju kumhpa hpe chyim yu sai hte dai Chyoi Pra ai Wenyi hpe jawm hkam la yu sai ni rai ma ai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.