EHPESU 1:17 - Jinghpaw Common Language Bible 2009

¹⁷ Nanhte Karai Kasang hpe grau nna chye chyap wa myit ga, anhte a Madu Yesu Hkristu a Karai Kasang ngu ai hpung shingkang rawng ai Karai Kasang gaw hpaji byeng-ya hte tau hkrau mu chye lu ai shingran atsam jaw lu ai Wenyi nanhte hpe jaw ya myit ga, Wa Karai Kasang kaw ngai ahpyi nga nngai.

Jinghpaw Hanson Version Bible

¹⁷ Anhte a Madu Yesu Hkristu a Karai Kasang ngu ai, hpung shingkang a Kawa gaw, shi hkum nan hpe chye chyang lu mu ga, hpaji byeng-ya hte shingran shapraw ai Wenyi nanhte hpe jaw ya u ga hte;

EHPESU 1:17 ပူးပေါင်းရင်းမြစ်များ

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

YOBA 42:5

Lai sai aten hta, kaga ni ngai hpe tsun ai ga hpe sha ngai chye nngai; rai ti mung ya chyawm gaw ngai nang hpe nye a myi hte chyaw mu sade ai.

SHAKAWN KUNGDAWN 24:10

Dai magrau grang ai hkawhkam wa gaw kadai rai nga a ta? Awng padang lu ai Madu -Shi gaw galu kaba ai hkawhkam wa rai nga a hka!

SHAKAWN KUNGDAWN 24:7

Mare chyinghka ni hpe hpaw malang da mu, prat dingsa na chyinghka ni hpe hpaw mu; magrau grang ai hkawhkam wa shang wa na ra ai.

SHAKAWN KUNGDAWN 29:3

Dai Madu a nsen hpe, panglai hka ni a ntsa e, na lu nga ai; hpung shingkang dan hkung ai Karai Kasang a nsen gaw mu zawn ngoi nga ai, shi a nsen gaw nammukdara a ntsa e hpung tang kashaw nga ai.

PRU MAT 28:3

Ngai atsam marai jaw da sai lata hpaji kungkyang ai masha ni yawng hpe shaga la nna Arun a hpun palawng galaw na lam, shanhte hpe tsun matsun u; shi gaw nye a amu hta hkinjawng amu gun hpai ap nawng na rai wu ai.

GA SHAGAWP 18:15

Zai byeng-ya rawng ai masha ni gaw chye la mayu ai myit, tut nawng e, katu nga ai hte; sharin la na matu jin jin rai nga ma ai.

GA SHAGAWP 2:5

Shing rai yang, dai gaw, “Dai Madu hpe hkrit hkungga ai ngu ai lachyum hpe nang chye wa nna; Karai Kasang a lam sharin la ai lam hta nang awng dang wa na ndai.

ESAIA 11:2

Dai Madu a wenyi gaw shi hpe hpaji byeng-ya, chye chyang ai nyan hte kung kyang ai hpaji jaw ya na ra ai. Shi gaw shi a amyu masha ni hpe up hkang na ra ai. Shi gaw dai Madu a myit ra ai hpe chye nna, shi hpe shagrau sha-a na ra ai,

YEREMIA 2:11

Kaga amyu baw gaw shanhte a karai ni ajet n rai nga tim pyi galoi mung n galai kau yu ma ai. Rai ti mung nye a amyu masha ni chyawm gaw shanhte hpe arawng sadang jaw ya ai Karai Kasang hpe shanhte a matu hpa mung n galaw ya lu ai karai ni hte ngai hpe galai kau manu ai.

YEREMIA 24:7

Ngai gaw dai Madu rai nga nngai hpe chye na matu, chye mayu ai myit shanhte hpe ngai jaw na nngai. Shaloi, shanhte gaw myit masin mahkra hte ngai hpang de kayin wa na mara ai majaw, shanhte gaw nye a amyu masha ni tai nna, ngai mung shanhte a Karai Kasang tai na nngai.

YEREMIA 31:34

Kaji htum ai kaw na kaba htum ai du hkra, nlang hte gaw ngai hpe chye wa na mara ai majaw, dai Madu a lam chye na na matu shanhte kaw na langai wa mi mung shi a htingbu ni hpe sharin achyin ya ra na n rai. Ngai gaw shanhte a yubak mara ni hpe raw dat kau ya nna shanhte a shut hpyit ai amu ni hpe galoi mung dum nga na nngai n rai. Dai Madu ngai nan tsun ni ai.”

YEREMIA 9:24

Marai langai ngai gumrawng mayu ai rai yang, shanhte ngai hpe chye nna, chye na hkawn hkrang ai ni chyu sha gumrawng na mai ang nga ai, hpa majaw nga yang, nye a tsaw ra myit gaw tut nawng agrin nga ai hte ngai galaw ai amu mung teng man ai hte ding man nga ai. Dai amu ni gaw ngai hpe awng sharawng shangun nga ai. Dai Madu ngai nan tsun ni ai,” ngu nna tsun ai.

Daniela 10:1

Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Daniela 5:11

Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.

MAHTE 11:25

Dai aten hta Yesu gaw, Sumsing Lamu Mungdan hte ginding aga a Madu Wa e, hpaji byeng-ya rawng ai ni hte myit kung hpan ai ni hpe n chye shangun hkra makoi magap da nhtawm, hpaji kata ai ni hpe madun dan ndai majaw, ngai nang hpe shakawn kungdawn nngai.

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai Kasha hpe kadai mung n chye lu ai: dai Kasha hte, dai Kasha shadan dan mayu ai ni hta kaga kadai n chye lu ai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MAHTE 20:33

Shan gaw, “Madu e, nang an hpe myi bai mu shangun ya na ra ga ai,” ngu mu ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

LUKA 12:12

Hpa majaw nga yang, Chyoi Pra Ai Wenyi gaw, dai ahkying aten hta nanhte hpa tsun mai na hpe sharin ya na ra ai.”

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

YAWHAN 14:17

Shi gaw Karai Kasang hte seng ai dai teng man ai lam hpe shadan dan na ra ai Wenyi rai nga ai. Mungkan ga gaw dai Wenyi hpe n mu n chye ma ai majaw, n hkap la lu ma ai. Rai ti mung nanhte chyawm gaw dai Wenyi hpe chye myit dai; hpa majaw nga yang, shi gaw nanhte hte rau rai nga ai, nanhte hta mung rawng nga ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

YAWHAN 16:3

Shanhte gaw nye Wa hpe mung, ngai hpe mung, n chye ma ai majaw, ndai lam ni nanhte hpe di na mara ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

KASA 6:10

Rai ti mung Stehpan gaw dai Wenyi e jaw ya ai nyan hpaji hte tsun shaga ai majaw shanhte shi hpe n dang lu mu ai.

KASA 7:2

Stehpan gaw, “Hpu nau ni hte wa ni e, ngai tsun ai hpe madat mara yu mu! Anhte a kaji daju Abraham, Haran mare de garai n wa nga, Mesopotamia mung e naw rai nga yang, hpung shingkang rawng ai Karai Kasang gaw shi kaw dan pru nna,

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

ROMA 15:6

Shing rai yang she, nanhte yawng rau sha nsen langai sha hte anhte a Madu Yesu Hkristu a Kawa Karai Kasang a hpung shingkang hpe shakawn kungdawn lu na myit dai.

1 KORINHTU 12:8

Hpa majaw nga yang, langai ngai hpe dai Wenyi gaw hpaji hte hpring ai mungga jaw wu ai; kaga wa hpe dai Wenyi gaw machye machyang hte hpring ai mungga jaw wu ai.

1 KORINHTU 14:6

Dai rai nna hpu nau ni e, ya e ngai nanhte kaw sa du nna, laklai ai ga amyu myu tsun ti mung, Karai Kasang kaw na shingran ga, chye chyang ai ga, Wenyi shung ya ai hte tsun ai mungga, sharin shaga ai ga, nanhte hpe n tsun dan made yang gaw, nanhte a matu hpa akyu nga a ta?

1 KORINHTU 2:10

Karai Kasang chyawm gaw shi a Wenyi hku nna shi a makoi magap da ai lam anhte hpe shapraw shadan dan mi ai. Dai Wenyi gaw arai yawng mayawng hpe sha n rai, Karai Kasang a sung htum ai hte makoi magap da ai shatawng shada ai lam ni hpe pyi manaw sawk yu nga ai.

1 KORINHTU 2:8

Mungkan a du hkawhkam ni hta na kadai wa mung ndai hpaji byeng-ya hpe chye ma ai n rai; chye taw gaw, hpung shingkang rawng ai Madu hpe shanhte wudang hta jen da na ma ai n rai.

2 KORINHTU 12:1

Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

EHPESU 3:5

Lai wa sai ten hta ndai sung htum ai lam shinggyim masha ni hpe n tsun dan yu ai, rai ti mung Karai Kasang gaw ya e shi a chyoi pra ai kasa ni hte myihtoi ni hpe dai Wenyi hku nna shadan dan mu ai.

EHPESU 4:13

Dai rai nna anhte a makam masham a marang e mung dai Karai Kasang a Kasha hpe chye chyang ai a marang e mung, hpang jahtum e anhte nga manga hte gaw langai sha tai wa nna Hkristu a tsaw dik ai hkum tsup ai gawng shingyan a hpunda hte maren myit su kunghpan ai ni tai wa na raga ai.

HPILIPI 3:15

Wenyi lam hta myit su kunghpan nga sai anhte ni yawng gaw, ndai myit masa hte maren myit nga ra ga ai. Rai ti mung nanhte nkau mi hta nhtan shai ai myit masa lama nga ai rai yang mung, Karai Kasang gaw dai hpe pyi hpyan dan na marin dai.

2 TIMOHTI 2:25

Tinang hpe n htan shai ninghkap ai ni hpe shading sharai ai hta sumnung shingdi si mani ai hku galaw ai wa rai ra ai; hpa majaw nga yang, shanhte gaw myit malai lu nna dai teng man ai lam hpe chye na wa na ahkang Karai Kasang shanhte hpe jaw yang jaw na ra ai.

TITU 1:1

Karai Kasang a shangun ma hte Yesu Hkristu a kasa wa rai nga ai ngai Pawlu gaw laika ka dat nngai. Karai Kasang gaw shi lata la ai masha ni a makam masham hpe bau maka sharawt ya na matu mung, anhte a nawku htung a sharin ya ai tengman ai lam hpe mu lu chye lu hkra lam madun na matu mung, ngai hpe lata la nna shangun dat ni ai.

YAKU 2:1

Nye a hpu nau ni e, nanhte gaw hpung shingkang rawng ai Madu anhte a Madu Yesu Hkristu hpe kam sham ai ni re ai hte maren, masha ni hpe shinggan lam hku mu mada da ai hta hkan nna langai hte langai hpe shai ai hku galoi mung hkum kanawn mazum nga myit.

2 PETRU 1:3

Shi a hpung shingkang hte mai kaja ai lam hpe garan hkam la na matu anhte hpe shaga la ai Hkristu hpe chye chyang ai a marang e Karai Kasang a n-gun atsam gaw teng man ai nawku htung makam masham hta asak hkrung nga lu na matu anhte hta ra kadawn nga ai lam yawng mayawng jaw ya mani ai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

SHINGRAN 7:12

“Amen! Shakawn kungdawn ai, hpung shingkang, hpaji byeng-ya, chyeju dum shakawn ai, arawng sadang, hpung dagu hte n-gun lagaw gaw, htani htana prat dingsa e anhte a Karai Kasang kaw anga nga u ga law, Amen,” nga nna tsun ma ai.