EHPESU 1:13 - Jinghpaw Common Language Bible 2009

¹³ Nanhte hpe hkye hkrang la ai lam jaw ya ai dai teng man ai mungga ngu ai Kabu Gara Shiga hpe nanhte maigan masha ni na la lu ai shaloi e, nanhte mung Karai Kasang a amyu masha ni tai wa manit dai. Hkristu hpe nanhte kam sham myit dai rai nna shi ndat da ai Chyoi Pra ai Wenyi hpe jaw ya ai a marang e shi gaw nanhte a Madu rai nga ai lam dazik dawk da nu ai.

Jinghpaw Hanson Version Bible

¹³ Nanhte mung, nanhte hpe hkye hkrang la sai kabu gara shiga ngu ai tengman ai mungga hpe na yu nna, shi hta e kamsham ngut yang, ndat da ai Chyoi pra ai Wenyi hte dazik kap ai, hkrum manit dai:

EHPESU 1:13 ပူးပေါင်းရင်းမြစ်များ

SHAKAWN KUNGDAWN 119:43

Na a tara dara ai lam ni hta nye a myit mada ai lam nga nga li ai majaw, teng man ai ga hpe aten shagu tsun shaga lu na matu ngai hpe karum la e.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

LUKA 24:49

Ngai nan, nye Wa a ga ndat nanhte a ntsa de shangun dat na nngai. Rai ti mung nanhte gaw, ntsa de na Chyoi Pra ai Wenyi a n-gun atsam dagraw hkam la lu ai nhtoi du hkra, mare hta naw la nga mala,” ngu nna shanhte hpe tsun mu ai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 14:26

Nye a mying nsang hte nye a Wa shangun dat na ra ai Karum Ai Wa ngu ai Chyoi Pra Ai Wenyi gaw, nanhte hpe lam magup sharin ya nna, ngai nanhte hpe tsun da ai ga yawng mayawng nanhte hpe shadum shahprang na ra ai.

YAWHAN 15:26

Karai Kasang hte seng ai teng man ai lam hpe shadan dan ai dai Karum Ai Wa ngu ai Wenyi gaw Wa kaw na du sa na ra ai. Shi hpe nye Wa kaw na nanhte hpang de ngai shangun dat na we ai rai nna, shi gaw nye a lam sakse hkam ya na ra ai.

YAWHAN 3:33

Shi a sakse lam hpe hkap la ai wa chyawm gaw, Karai Kasang gaw teng man nga ai, nga nna shagrin ya nga ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

KASA 1:4

Shing rai shanhte sa du nna hpawng nga ma yang, Yesu gaw, “Yerusalem mare kaw na hkum pru mat wa myit, nanhte hpe ngai tsun da sai nye Wa jaw da sai ga ndat hte seng ai chyeju kumhpa hpe ala nga mu.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

ROMA 1:16

Hpa majaw nga yang, dai Kabu Gara Shiga hta awm dawm kam sham myit hkut nga nngai, Dai gaw shawng nnan e Yuda ni dai hpang e maigan masha ni hta kam sham ai ni kadai hpe mung hkye hkrang la hkrum shangun lu ai Karai Kasang a atsam rai nga ai.

ROMA 4:11

Shi gaw Karai Kasang e ding hpring ai ngu nna sawn ya ai hpe hkam la ngut ai hpang e she matu gadoi ai hking hpe hkam la wu ai. Dai matu gadoi ai hking gaw, Abraham a makam masham a majaw matu gadoi hking garai n hkam la ai kaw nna Karai Kasang e ding hpring ai ngu ya hkrum ai hpe madun dan ai masat dazik kumla nan rai nga ai. Dai re ai majaw Abraham gaw matu gadoi ai hking n hkam la ti mung, Karai Kasang hpe kam sham ai a marang e ding hpring ai ngu ya hkrum wu ai.

ROMA 6:17

Nanhte chyawm gaw shawng de kalang mi yubak mara a mayam ni tai yu manit dai rai ti mung nanhte hkap la kam sham sai sharin shaga ai lam hta na teng man ai lam ni hpe myit masin mahkra hte madat mara hkan sa manit dai majaw Karai Kasang a chyeju hpe ngai shakawn kungdawn nngai law!

2 KORINHTU 1:22

Karai Kasang shi nan anhte hpe kaga san di lata la nna, shi a amyu masha ni re ai lam masat dazik dawk shakap da mani ai hte, du na ra ai ten hta anhte hkam la na chyeju nlang a matu hkam dahka galaw ai hku nna anhte a myit masin ni hta dai chyoi pra ai Wenyi ru jaw bang ya mi ai.

2 KORINHTU 6:7

anhte hkaw tsun ai teng man ai mungga hte Karai Kasang a n-gun atsam hku nna mung, anhte gaw Karai Kasang a shangun nchyang ni rai nga ga ai lam shadan dan saga ai. Anhte gaw wenyi lam hte seng ai majan htim gasat na hte anhte a hkum hpe hkap makawp maga na matu dai teng man ai lam hpe anhte a laknak shatai nna lang ga ai.

GALATI 3:14

Ning rai Yesu galaw ai lam gaw Abraham Karai Kasang kaw na hkam la ai ga ndat hte seng ai gumring gumrat ai shaman chyeju hpe maigan masha ni mung Yesu Hkristu a marang e hkam la lu na hte anhte mung dai makam masham a marang e Karai Kasang ga ndat jaw da ai wenyi hkam la lu na rai nga ga ai.

EHPESU 4:21

Shi a lam hpe nanhte kaja wa na yu manit dai hte Hkristu a hpang hkan nang ai ni rai nga myit dai rai nna Hkristu hta rawng ai dai teng man ai lam hpe nanhte sharin la manit dai.

EHPESU 4:30

Dai hta n ga Chyoi Pra ai Wenyi hpe hkum shayawn kau nga myit; hpa majaw nga yang dai Chyoi Pra ai Wenyi gaw nanhte hpe Karai Kasang madu nga ai lam sakse masat dazik rai nna hpang jahtum nhtoi e nanhte hpe Karai Kasang shalawt dat hkrum na ra ai hpe pahkam hkam ya ai lam langai mi mung rai nga ai.

1 HTESALONI 2:13

Bai Karai Kasang a chyeju hpe n sim n sa shakawn na lam kaga langai mi naw nga nga mali ai. Nanhte hpang de anhte dai Karai Kasang a mungga sa hkaw tsun dan ai shaloi masha a mungga hpe zawn n rai, Karai Kasang a mungga re ai hku nanhte na nna kam sham ai hte hkap la manit dai. Dai mungga gaw nanhte kam sham ai ni a kata hta bungli galaw ya nga ai majaw Karai Kasang a mungga majing nan rai nga ai.

2 TIMOHTI 2:15

Nang chyawm gaw shi a amu hta kaya shara hpa n rawng ai magam gun hpai wa zawn mung, Karai Kasang a teng man ai mungga hpe jaw ang ai hku hkaw tsun sharin achyin ya ai wa hku nna mung, Karai Kasang a man e myi man pa lu hkra na a atsam htum hkra shakut shaja nga u.

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

2 TIMOHTI 3:15

Nang hpe ma kaji prat kaw nna machye machyang jaw nna Hkristu Yesu hpe kam sham ai a marang e hkye hkrang la ai lam lu la na matu lam matsun madun ai, dai chyoi pra ai Chyum Laika hpe atsawm sha chye ai wa rai nga ndai hpe mung adum nga u.

TITU 2:11

Hpa majaw nga yang, Karai Kasang gaw masha amyu yawng hpe shi a hkye hkrang la ai chyeju shapraw shadan dan nu ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

YAKU 1:21

Dai re ai majaw matsat shabat re ai sat lawat shagu hte n hkru n kaja ai arawn alai yawng hte hpe yeng seng kau mu. Karai Kasang kaw sumnung ai hte shawng kaw nna nanhte a kraw lawang ni hta e shi hkai da ya sai nanhte hpe hkye hkrang la lu ai mungga hpe hkap la mu.

1 PETRU 2:10

Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.

SHINGRAN 7:2

Bai, ahkrung nga ai Karai Kasang a dazik lang tawn da ai lamu kasa langai mi sinpraw maga de nna pru lung wa ai hpe ngai mu nngai. Shi gaw lamu ga hte panglai hpe jahten shaza kau na ahkang jaw da hkrum ai lamu kasa mali hpe,