EHPESU 1:11 - Jinghpaw Common Language Bible 2009

¹¹ Yawng mayawng hte chyawm gaw, Karai Kasang a yaw shada da ai lam hte myit daw dan da sai hku hte maren byin wa sai; bai nna shi a shawng npawt kaw nna daw dan sai lam hta npawt shatai nhtawm Hkristu hta langai sha rai nga ga ai a marang e shi a shatawng shada ai hku nna anhte hpe shi a amyu masha ni tai na matu lata san da mani ai.

Jinghpaw Hanson Version Bible

¹¹ Rai sa, shi hta e gumhpawn da na ru ai: shing rai Hkristu hta e shawng myit mada nga ai ni anhte gaw, shi a hpung shingkang hpe shakawn kungdawn nga lu u ga,

EHPESU 1:11 ပူးပေါင်းရင်းမြစ်များ

YOBA 33:29

Karai Kasang gaw ndai amu yawng hte hpe lang mi hte lang mi bai galaw nna;

SHAKAWN KUNGDAWN 37:18

Dai Madu gaw shi a ga madat mara nga ai ni hpe shi lanu lahku nga nna; dai mungdan hpe shanhte htani htana madu na mara ai.

GA SHAGAWP 8:14

Ngai gaw hpaji daw nna, dai ni hpe galaw shapraw nga nngai; ngai hta chye na hkawn hkrang ai myit rawng nna, n-gun atsam hte hpring nga nngai.

ESAIA 25:1

Madu e, nang gaw nye a Karai Kasang rai nga ndai; Ngai nang hpe shagrau na nngai, na a mying nsang hpe kungdawn na nngai. Nang gaw mauhpa amu ni hpe galaw nit dai; moi kaw nna nang galaw ai yaw shada lam ni hpe nang kangka ai hte galaw da nit dai.

ESAIA 28:29

Ndai hpaji byeng-ya yawng gaw Chyahtum Chyalai N-gun rawng ai dai Madu kaw na rai nga ai. Karai Kasang shatawng shada ai amu gaw hpaji rawng nga ai rai nna, dai ni gaw tut nawng awng dang nga ma ai.

ESAIA 5:19

Nang gaw, “Dai Madu gaw tin tin rai nna shi tsun, shi myit ai hku galaw u ga, shaloi dai amu hpe anhte mu lu nga ai. Israela a chyoi pra ai Karai Kasang gaw shi a yaw shada lam ni hpe matut galaw u ga; shi a myit masin hta hpa rawng ai lam anhte mu lu u ga,” ngu nna tsun ai.

YEREMIA 23:18

Ngai gaw, “Ndai myihtoi ni langai mi mung dai Madu a makoi magap da ai myit mang lam ni hpe n chye nga ma ai. Shanhte hta na langai mi mung shi tsun ai shi a mungga hpe na yu, chye na hkawn hkrang yu, madat sumhting yu ai hte myit maju jung nga ai n rai.

YEREMIA 32:19

Nang gaw hpaji rawng ai shatawng shada lam ni hpe shachyen nna mauhpa magam bungli ni hpe galaw nga ndai; nang gaw amyu masha ni galaw ai amu baw hkum sumhpa ni hpe mu nga ndai; shanhte galaw shapraw ai amu hte maren, nang shanhte hpe kumhpa jaw ya nga ndai.

ZEHKARIA 6:13

Shi gaw dai hpe gaw gap ai wa tai nna hkawhkam arawng aya shagrau hkam la nhtawm shi a amyu masha ni hpe up na ra ai. Hkinjawng langai mung shi a tingnyang makau e nga na ra ai; shan gaw amu bungli hpe rau hkrum ra ai hte jawm galaw ai majaw ngwi pyaw sim sa ai hte ngwi ngawn nga na mara ai,” ngu nna tsun wu ai.

KASA 13:48

Maigan amyu ni dai na jang, shanhte kabu gara nga ma ai hte, Madu a mungga hpe shagrau sha-a ma ai, nhtum nwai asak lu la na san da ai ni nlang mung kam sham mat ma ai.

KASA 2:23

Karai Kasang gaw, shi a shatawng shada ai lam daw dan shangut da sai hte maren, Yesu hpe nanhte a lata de ap kau wu ai. Nanhte gaw shi hpe n tara ai hte yubak kap ai ni a lata de ap kau nna wudang hta jen sat kau myit dai.

KASA 20:27

Hpa majaw nga yang ngai gaw Karai Kasang a shatawng shada ai lam hpe ginhtim da ai lam n nga hkra nanhte hpe tsun shana dan ni ai majaw rai nga ai.

KASA 20:32

“Ya ngai gaw nanhte hpe Karai Kasang a lata hta mung, chyeju hte seng ai dai Kabu Gara Shiga a lahku lamai ai lata hta mung, ap da masa de ai. Dai Kabu Gara Shiga gaw Madu a amyu masha ni yawng a matu mazing da ai shaman chyeju nlang hte hpe nanhte e hkam la shangun na ra ai.

KASA 26:18

Ngai hpe kam sham ai a marang e shanhte yubak mara ni raw dat kau ai hkrum nna Karai Kasang a lata la ai amyu hta lawm lu mu ga, n sin kata nna nhtoi de, Satan a atsam kata nna Karai Kasang hpang de shanhte kayin wa lu hkra nang shanhte a myi jahpaw ya na rai ndai,’ nga nna ngai hpe tsun nngai.

KASA 4:28

Shing rai shanhte hpawng de ai lam gaw Madu a n-gun atsam hte myit ra ai lam hku nna daw dan sai hte maren byin wa u ga matu rai nga ai.

ROMA 11:34

Chyum laika hta, “Dai Madu a myit hpe kadai dang chye a ta? Shi hpe kadai hpaji jaw lu a ta?

ROMA 8:17

Anhte gaw shi a kashu kasha ni rai nga ga yang gaw shi a amyu masha ni a matu san da ai sali wunli ni hpe anhte hkam la na ga ai. Hkristu a matu Karai Kasang san da ai hpung shingkang hpe mung anhte hkam la lu na ga ai, hpa majaw nga yang anhte gaw Hkristu hte rau nni nkri hkrum nga ga yang, shi hte rau hpung shingkang hpe mung anhte hkam la na rai nga ga ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

ROMA 8:29

Shi a Kasha gaw kahpu kanau lanlak hta e kasha alat ningshawng tai u ga, Karai Kasang gaw shi lata san da sai ni hpe mung, shi a Kasha a gawng shingyan hte bung wa na masha lata san da mu ai.

ROMA 8:30

Dai rai nna shawng nnan san tawn da sai ni hpe mung shi shaga la mu ai, shaga la sai ni hpe mung, shi a man e ding hpring ai ni ngu nna hkap la nhtawm shi a hpung shingkang lu la shangun mu ai.

ROMA 9:11

Rai ti mung kasha yan pyi garai n shangai ai rai nna kaja ai hte n kaja ai garai n chye galaw ai ten kaw nna pyi Karai Kasang gaw Rebeka hpe, “Na kasha kaba ai wa mahtang kaji ai wa hpe daw jau na ra ai,” ngu nna tsun wu ai.

GALATI 3:18

Hpa majaw nga yang, Karai Kasang a chyeju sali wunli gaw dai jep ai Tara hta madung tai nga ai rai yang gaw, dai chyeju sali wunli gaw shi a ga ndat hte hpa n seng mat sai. Rai ti mung Karai Kasang gaw ga ndat a majaw Abraham hpe dai chyeju sali wunli jaw da nu ai.

EHPESU 1:14

Dai Wenyi jaw ya ai lam gaw, Karai Kasang shi a amyu masha ni hpe hkam la shangun na ga ndat tawn da sai sali wunli anhte hkam la lu na ra ai hpe pahkam hkam ya ai lam rai nga ai. Dai gaw Karai Kasang shi a amyu masha ni hpe yubak mara kaw nna tsep kawp shalawt dat na ra ai lam anhte hpe myit mu myit hkut shangun nga ai. Anhte gaw shi a hpung shingkang hpe shakawn kungdawn nga ga law.

EHPESU 1:18

Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

EHPESU 1:5

Shi gaw shi a tsaw ra myit a majaw Hkristu a marang e anhte hpe shi a kasha ni ngu nna yin la na matu myit daw dan da nu ai. Dai gaw shi a ra sharawng ai hte shatawng shada ai lam rai nga lu ai.

EHPESU 1:8

Anhte hpe nde wa n daw n hta jaw ya ai Karai Kasang a chyeju gaw kade wa kaba la nga a hka!

EHPESU 1:9

Shi a hpaji byeng-ya hte mung, tau chye lu ai myit yawng hte mung, Karai Kasang gaw shi a shatawng da ai lam hpe galaw nu ai rai nna Hkristu a marang e shadik shatup na matu daw dan da sai, yaw shada da sai shi a makoi magap da ai galaw hkyen ai lam hpe shadan dan mani ai.

EHPESU 3:11

Karai Kasang gaw shi a htani htana shatawng shada ai lam nga ai hte maren anhte a Madu Yesu a marang e ndai lam hpe shi shabyin nu ai.

TARA JAHPRANG 4:20

Rai ti mung nanhte gaw dai ni rai nga ai hte maren, shi a amyu masha jet tai nga myit ga nga, Egutu mung a grung nga ai wan htung kaw na mawai da ai amyu masha ni rai nga myit dai.

KOLOSE 1:12

Dai hta kaga, nhtoi a mungdan hta rawng nga ai shi a chyoi pra ai ni a matu mara Karai Kasang san tawn da ai sali wunli ni hpe nanhte hkan dagraw la ging ai ni tai wa shangun ai Karai Kasang a chyeju hpe kabu gara shakawn kungdawn nga mu ga law.

KOLOSE 3:24

Karai Kasang gaw shi a amyu masha ni hpe ga ndat tawn da ai shaman chyeju sali wunli hpe nanhte hkam la na rai nga myit dai hpe galoi mung adum nga mu. Hpa majaw nga yang, Hkristu chyawm gaw nanhte daw jau nga ai Madu majing rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

TITU 3:7

Shing rai galaw ai lam gaw, anhte gaw shi a chyeju hte Karai Kasang e sharawng awng hkap la ai lam hkam la nna anhte myit mada nga ai htani htana asak hpe lu madu hkam la na matu rai nga ai.

HEBRE 6:17

Karai Kasang gaw shi a shatawng shada ai lam hpe galai shai kau shangun na n re ai lam ga sadi hte seng ai sali wunli hkam la ai ni hpe asan sha madun dan mayu wu ai; dai re ai majaw, shi a ga sadi hta dagam ai ga jat bang wu ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 1:4

Dai rai nna anhte gaw shi a amyu masha ni a matu Karai Kasang kyem mazing da ai n taw n tsang re ai shaman chyeju ni hpe madu la lu na matu myit mada nga ga ai. Shi gaw n run n hten ai awu asin n re ai n wai n mat ai sali wunli ni hpe sumsing lamu e nanhte a matu kyem mazing da nu ai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.