EHPESU 1:1 - Jinghpaw Common Language Bible 2009

¹ Karai Kasang a myit ra ai hku hte maren, Hkristu Yesu a kasa aya hta san da hkrum ai ngai Pawlu kaw nna Ehpesu mare hta e nga ai Hkristu hte langai sha rai nga ai asak hkrung lam hta kangka sadi dung ai Karai Kasang a masha ni hpang de ga shana dat nngai.

Jinghpaw Hanson Version Bible

¹ Karai Kasang a myit ra ai a majaw, Hkristu Yesu a kasa rai nga ai, ngai Pawlu gaw, Ehpesu mare hta e nga ai chyoi pra ai ni hte, Hkristu Yesu hta kangka rai nga ai ni hpe, ga shana dat nngai.

EHPESU 1:1 ပူးပေါင်းရင်းမြစ်များ

BU HKAWM 12:7

Nye a shangun ma Mawshe hte ngai ga shaga ai shaloi, dai gaw shai ai lam rai nga ai; dai nye a amyu masha Israela ni yawng hpe woi hpareng na matu, ngai shi hpe san da ni ai.

LUKA 16:10

Amu kaji hta kangka re ai wa gaw, amu kaba ni hta mung kangka rai na ra ai. Amu kaji ni hta n ding n hpring ai wa gaw, amu kaba hta mung n ding n hpring nga ai.

KASA 16:15

Shi hte nta masha ni hkalup hkam la ngut jang, shi gaw, “Dai Madu hpe kam sham ai hta teng man kangka ai jan rai ni ai ngu nna nanhte myit hkut da sai rai yang gaw nye a nta kaw sa nga marit,” ngu nna akroi anoi hpyi ai hte nga shangun mi ai.

KASA 18:19

Shanhte Ehpesu mare de du ma yang, Pawlu gaw Priskila yan Akula hpe dai mare hta shangam kau da wu ai. Shi gaw tara jawng de shang nna, Yuda masha ni hte tsun bawng hkat nga ai.

KASA 18:21

“Karai Kasang hkraw yang gaw, ngai nanhte hpang de bai du na ring ngai,” ngu nna shanhte hpe shakram da nhtawm, Ehpesu mare kaw na li hte pru mat wa ai.

KASA 9:13

Anani gaw, “Madu e ndai masha wa Yerusalem mare e nga ai na a masha ni hpe hkrithpa n hkru ai hku galaw sai lam masha law law wa ngai hpe tsun dan masai.

ROMA 1:1

Karai Kasang a Kabu Gara Shiga hkaw tsun na matu kasa hku nna Karai Kasang e lata san da hkrum ai Hkristu Yesu a shangun ma wa ngai Pawlu gaw Laika ka dat nngai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 8:1

Dai re ai majaw ya gaw Hkristu Yesu hte langai sha rai nga ai ni a matu daw dan hkrum shara n nga ai.

1 KORINHTU 4:12

Anhte a lata hte shakut nna bungli shaja galaw sha ga ai, anhte matsa mawa hkrum yang shaman ya ga ai, zingri zingrat hkrum yang anhte hkam sharang ga ai.

1 KORINHTU 4:17

Dai lam a majaw ngai gaw Hkristan asak hkrung lam hta nye a tsaw ra ai, kangka sadi sahka nga ai ngai sha Timohti hpe nanhte hpang de ngai shangun dat we ai. Shi gaw, ngai nan hkan sa nna shara shagu na nawku hpung ni yawng hpe sharin shaga ya ai Hkristu hte langai sha re ai asak hkrung lam ningnan a lam nanhte hpe bai myit dum shangun na matu shadum jahprang na ra ai.

2 KORINHTU 1:1

Karai Kasang a myit ra ai hku hte maren, Hkristu Yesu a Kasa wa ngai Pawlu hte anhte a hpu nau Timohti gaw, Korinhtu mare na Karai Kasang a hpung hte Ahkaia mung ting na Karai Kasang a masha ni nlang hte hpe shakram dat ga ai.

GALATI 1:1

Masha a ahkang hte kasa aya hta dang da hkrum ai wa mung n rai; masha e san da ai kasa mung n rai, Yesu Hkristu hte si mat ai ni kaw nna shi hpe hkrung sharawt la ai Kawa Karai Kasang a ahkaw ahkang hte kasa rai nga ai ngai Pawlu gaw,

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 3:28

Dai rai nna nanhte hta shada da ginhka ginrang na lam n nga sa; Yuda amyu masha ni hte Grik masha ngu na mi n nga, mayam hte shanglawt ngu na mi n nga, lasha hte numsha ngu na mi n nga, nanhte yawng mayawng hte gaw Hkristu hta e langai sha rai nga myit dai.

GALATI 3:9

Dai rai nna Abraham gaw Karai Kasang hpe kam sham ai majaw shaman chyeju hkam la lu ai hte maren kam sham ai ni yawng mung gumring gumrat ai shaman chyeju hkam la lu ma ai.

EHPESU 1:15

Dai re ai majaw nanhte gaw Madu Yesu hpe kam sham nga myit dai hpe mung, Karai Kasang a masha ni hpe tsaw ra nga myit dai hpe mung ngai na lu ai shaloi kaw nna,

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

EHPESU 2:13

Rai ti mung ya chyawm gaw, Hkristu Yesu hta e kahkyin gumdin rai nga manit dai rai nna shawng e Karai Kasang hte tsan gang nga ai ni nanhte gaw Hkristu a si hkam ai a marang e Karai Kasang hte ni wa lu manit dai.

EHPESU 2:6

Anhte gaw Hkristu hte langai sha tai ai marang e Karai Kasang gaw anhte hpe sumsing lamu lahta tang e Madu hte rau up nga na matu, shi hte rau si ai kaw na bai jahkrung sharawt la mi ai.

EHPESU 6:21

Ngai kaning rai nga ai shiga azin ayang hpe nanhte chye lu hkra dai Madu a bungli hta kangka sadi dung ai shangun ma rai nga ai anhte a tsaw ra ai hpu nau wa Tuhkiku gaw nanhte hpe tsun dan na ra ai.

KOLOSE 1:2

Kolose mare na Karai Kasang a masha ni hte Hkristu hta kangka rai nga ai hpu nau ni hpang de ga shana dat ga ai. Anhte a Wa Karai Kasang kaw na chyeju hte ngwi pyaw ai gaw nanhte hta e anga nga malit ga law.

SHINGRAN 17:14

Shanhte gaw Sagu Kasha hpe hpyen gasat na mara ai; rai ti mung dai Sagu Kasha gaw, shi shaga la nna lata la hkrum ai, kangka re ai shi a hpang hkan nang ai ni hte rau awng padang lu na ra ai. Hpa majaw nga yang, shi gaw Madu ni a Madu, Hkawhkam ni a Hkawhkam rai nga ai,” nga nna ngai hpe tsun ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 2:13

Nang gara shara e nga nga ndai hpe ngai chye nga nngai. Satan a tingnyang dung nga ai shara e nang nga nga ndai. Ngai hta sadi dung ai hte sakse hkam ai Antipa gaw Satan de nga ai shara ngu ai nanhte a ka-ang e Sat kau hkrum ai aten hta pyi, nang gaw ngai hta sadi dung nga nna, ngai hpe kam sham ai na a makam masham hpe n nyet kau ndai.