Daniela 9:7 - Jinghpaw Common Language Bible 2009

⁷ Madu e, nang gaw jaw ai amu hpe tut nawng galaw nga ndai; rai ti mung, anhte chyawm gaw anhte a hkum ni hpe nan tut nawng myi man jasum kau nga saga ai. Shanhte gaw nang hta sadi n dung nga ma ai majaw, ni, tsan ai mungdan ni de shabra kau hkrum nga ai Yuda mung hte Yerusalem mare hkan shanu nga ai anhte yawng hte Israela masha ni yawng hta ndai lam teng sha byin nga ai.

Jinghpaw Hanson Version Bible

⁷ Madu e, dinghpring ai gaw nang hte seng nga ai: nang hpe shut hpyit ai yubak majaw, shapraw kau ai hkrum nna, ni ai, tsan ai, mung shagu hta bra nga ai, Yuda mung na ni, Yerusalem mare na ni hte, Israela masha ni yawng ngu ai, anhte hte, dai ni rai nga ai hte maren, myi man sum ai hkrai seng nga ai.

Daniela 9:7 ပူးပေါင်းရင်းမြစ်များ

EZRA 9:13

Anhte a Karai Kasang e, Anhte hta byin hkrum hkra sai lam magup a yubak hte galaw shut kau sai amu ni a matu ari hkrum sha nga ga tim pyi, nang gaw anhte hkam la ging ai mara daram nang ari n jaw ai sha, hkrung nga na ahkang jaw ya nga ndai.

EZRA 9:15

Madu Israela a Karai Kasang e, nang gaw teng man ai wa rai nga ndai; rai ti mung anhte hpe naw jahkrung da shangun nga ndai. Anhte gaw na a man e anhte a mara hpe yin la ga ai; anhte gaw na a man e dawng pru na ahkang lu ga ai n rai.”

NEHEMIA 9:33

Nang gaw teng man ai hku anhte hpe ari jaw nit dai; Anhte yubak mara galaw ga tim pyi, nang gaw sadi dung nga ndai.

SHAKAWN KUNGDAWN 119:137

Madu e, nang gaw ding hpring nga ndai hte na a tara ni mung teng man nga ai.

SHAKAWN KUNGDAWN 44:15

Ngai gaw tut nawng e, myi man sum nga nngai;

SHAKAWN KUNGDAWN 51:14

Karai Kasang e, nye a asak hpe shalawt ya nna, ngai hpe hkye hkrang la e; na a ding man ai lam hpe ngai kabu gara htawn tsun nga na nngai.

SHAKAWN KUNGDAWN 51:4

Ngai nang hpe yubak galaw shut kau ni ai- nang hpe chyu sha shut kau ni ai. Nang myit yu ai n hkru n shawp ai lam hpe ngai galaw shut kau ni ai. Dai majaw, ngai hpe tara jeyang ai hta nang gaw teng man nga ndai; ngai hpe daw dan jeyang ai hta nang ding hpring nga ndai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 45:16

Hpara sumla tawk ai ni yawng hte gaw kaya kahpa hkrum na mara ai; shanhte yawng hte gaw jahpoi jahpyak ai hkrum na mara ai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 3:25

Anhte gaw kaya kahpa hte kaleng taw nga ang saga ai, anhte a kaya kahpa gaw anhte hpe ka-up da mi ga. Anhte hte anhte a kaji kawa ni gaw dai Madu anhte a Karai Kasang hpe tut nawng yubak galaw kau saga ai; anhte gaw shi a hkang da ai ga hpe galoi mung n madat kau saga ai.”

YEREMIA 32:32

Yuda mung hte Yerusalem mare na amyu masha ni gaw n hkru ai amu ni yawng hpe galaw mu ai majaw, shanhte hte hpawn shanhte a hkawhkam ni, mung up hkang ai du salang ni, hkinjawng ni, hte myihtoi ni hpe shamyit kau na matu ngai daw dan kau ni ai.

YEREMIA 33:16

Yuda hte Yerusalem na amyu masha ni gaw hkye mawai la ai hkrum nna shim lum ai hte shanu nga na mara ai. Dai mare hpe mung ‘Anhte a hkye hkrang la Madu’ ngu nna shamying na mara ai.

YEREMIA 4:17

Shi a amyu masha ni gaw dai Madu hpe gumlau manu ai majaw sun sin nga ai masha ni zawn dai masha ni Yerusalem hpe wang da na mara ai. Dai Madu nan tsun nu ai.

YEREMIA 7:19

Rai ti mung, shanhte nchyi nmu byin shangun ai gaw teng teng ngai hpe chyu sha rai ni? N rai law, shanhte hkum nan mung nchyi nmu hkam sha ai hte shanhte sha kaya kahpa hkrum nga ma ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

EZEKELA 5:10

Dai lam ni a majaw, Yerusalem na kanu kawa ni gaw shanhte a kashu kasha ni hpe sha na mara ai, kashu kasha ni gaw shanhte a kanu kawa ni hpe sha na mara ai. Ngai gaw nang hpe ari jaw nna naw hkrung nga ai ni kadai hpe mung man ang ai shara shagu de shabra kau na nngai.

EZEKELA 6:12

Tsan tsan e nga ai ni mung machyi makaw hkrum nna si mat na mara ai; ani sha nga ai ni mung hpyen majan hta sat kau hkrum nna naw ngam nga ai ni gaw kawsi kyet ai hte si mat na mara ai. Shanhte yawng hte gaw nye a sindawng kahtet ai n-gun namchyim hkam sha na mara ai.

Daniela 9:14

O Madu anhte a Karai Kasang e, anhte gaw na a ga n madat ga tim, jaw ai amu hpe nang tut nawng galaw nga ndai majaw, anhte hpe ari jaw na matu nang hkyen da ai hte maren, ari jaw nga ndai.

Daniela 9:18

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

Daniela 9:8

Anhte a hkawhkam ni, mung up hkang du ni hte anhte a kaji kawa ni kaya kahpa amu galaw ai hte Madu nang hpe yubak galaw shut kau nga masai.

AMO LAIKA (AMOS) 9:9

“Ngai gaw n-gu hpe hking kau ai zawn, Israela amyu masha ni hpe hking kau na matu hkang da na nngai. Ngai gaw akyu n rawng ai ni yawng hpe yeng seng kau na matu shanhte hpe masha amyu baw ni a lapran e hking kau na nngai.

ROMA 6:21

Dai aten hta nanhte hkan sa galaw ai amu ni gaw hpa akyu mi n shabyin ai hta n ga ya e nanhte dai ni a majaw kaya kahpa hkrum manit dai. Dai ni a jahtum ai gaw si mat ai rai nga ai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

TARA JAHPRANG 4:27

Dai Madu mung nanhte hta kachyi mi sha ngam mat hkra, nanhte hpe kaga masha amyu baw ni a kata de shabra kau na marin dai.