Daniela 9:6 - Jinghpaw Common Language Bible 2009

⁶ Anhte a hkawhkam ni, mung up hkang du ni, kaji kawa ni hte anhte a amyu baw ting hpe na a mying nsang hte tsun shaga ai na a shangun ma myihtoi ni a ga hpe anhte n madat kau saga ai.

Jinghpaw Hanson Version Bible

⁶ na a mying gang let, anhte a hkawhkam ni, du ni, ji wa ni hte, mung masha ni mahkra hpe htawn tsun ai, na a shangun ma myihtoi ni a ga hpe mung, anhte n madat kau saga ai.

Daniela 9:6 ပူးပေါင်းရင်းမြစ်များ

2 HKAWHKAM 18:12

Israela masha ni gaw dai Madu shanhte a Karai Kasang a ga hpe n madat ma ai sha n-ga, shanhte hte tawn da sai ga shaka hpe mung jahten nga ma ai; dai Madu a shangun ma Mawshe a lata hku jaw ya ai tara ni yawng hpe gang kau nna n madat n mara n hkan galaw kau mu ai majaw Samari mare hkrat sum mat nga sai.

2 HKAWHKAM LABAU 33:10

Dai Madu gaw Manashe hte shi a amyu masha ni hpe sadi jaw ti mung shanhte n madat hkraw nga ma ai.

EZRA 9:7

Anhte a ji wa ni a prat kaw nna dai ni du hkra, na a amyu masha rai nga ai anhte ni yubak kaba galaw shut kau saga ai. Anhte shut kau ai yubak ni a majaw anhte mung, anhte a hkawhkam ni hte hkinjawng ni maigan hkawhkam ni a lata de hkrat mat nna, htau sat ai mung, hpya lu hpya sha ai hte bawng rim ai mung hkrum sha saga ai. Dai ni du hkra pyi, anhte mahkra myi man sum nga ga ai.

NEHEMIA 9:30

Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

NEHEMIA 9:32

“O Karai Kasang, anhte a Karai Kasang, Nang gaw kade sha galu kaba nga a hka! Kade sha hkrit mai nga a hka! Kade sha daru magam n-gun rawng nga a hka! Nang gaw ga shaka hte seng ai ga sadi ni hpe sadi sahka hte shatup ndai. Asuri hkawhkam ni anhte hpe dip gamyet sha ai aten kaw nna, ya du hkra pyi, anhte nni nkri kade daram hkam sha kau nga saga hka! Anhte a hkawhkam ni, anhte a ningbaw ni, anhte a hkinjawng ni hte myihtoi ni, anhte a kaji kawa ni hte anhte a amyu masha ni yawng nni nkri hkam sha kau nga saga hka! Anhte nni nkri kade daram hkam sha kau saga ai hpe adum nga u law!

NEHEMIA 9:34

Anhte a kaji kawa ni, anhte a hkawhkam ni, ningbaw ni hte hkinjawng ni na a Tara hkan shatup nga ma ai n rai. Shanhte gaw na a hkang da ai ga ni hte shadum jahprang ga ni hpe madat ma ai n rai.

YEREMIA 26:5

nang hpang de shangun dat ya ai nye a shangun ma ni rai nga ai myihtoi ni a n-gup aga ni hpe tut nawng myit maju jung nga na dai Madu ngai nan hkang da ni ai. Rai ti mung shanhte tsun ai ga ni hpe nang galoi mung n madat yu ndai.

YEREMIA 29:19

Nye a shangun ma ni rai nga ma ai myihtoi ni hku nna shanhte hpe mungga matut manoi tsun dat nga ti mung, shanhte n madat n mara ma ai majaw, ndai lam shanhte hta byin wa na ra ai. Shanhte n madat n mara ma ai.

YEREMIA 44:16

“Dai Madu a amying hta nang anhte hpe tsun nit dai lam hpe anhte n madat na ga ai.

YEREMIA 7:13

Nang gaw ndai yubak mara ni yawng hpe shut hpyit kau nit dai; ngai nang hpe lang hte lang tsun shadum yu ti mung, nang n madat ndai. Ngai nang hpe shaga yang, nang n htan ndai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

Daniela 9:10

O Madu anhte a Karai Kasang e, na a shangun ma ni rai nga ai myihtoi ni hku nna nang anhte hpe jaw ya ai tara ni hte maren, hkrung nga lu na matu nang tsun ai ga hpe anhte n madat saga ai.

Daniela 9:9

Anhte nang hpe gumlau kau saga tim, nang gaw matsan chye dum ai hte mara raw dat ya ai wa rai nga ndai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

KASA 13:27

Kaning rai nme law Yerusalem mare e nga ai masha ni hte shanhte a ningbaw ningla ni gaw, shi hkye hkrang la ai Madu re ai hpe mung shanhte Bansa Nhtoi shagu hti ai myihtoi ni a ga ni hpe mung n chye na ma ai. Rai ti mung shanhte gaw Yesu hpe sat kau na daw dan ai hte dai myihtoi ga ni hpe shatup manu ai.