Daniela 9:27 - Jinghpaw Common Language Bible 2009

²⁷ Dai up hkang du wa gaw masha law law hte ngang ai myit hkrum ga shaka hpe sanit ning tawn da na ra ai, dai aten ka-ang hkup lai mat wa jang, shi gaw shagu hkungga ni hte shadung hkungga ni hpe jahtum kau na ra ai. Dai Hkrit Si na zawn re ai wa gaw Nawku Htingnu a tsaw htum ai nchyun hta sa nga nga nna, Karai Kasang shi a matu ngu nna hkyen da ya hkrum ai wa hte dai yang e hpang jahtum wa hkrum hkat ai aten du hkra nga nga na ra ai,” ngu nna sanglang dan wu ai.

Jinghpaw Hanson Version Bible

²⁷ Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

Daniela 9:27 ပူးပေါင်းရင်းမြစ်များ

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 28:22

Ngai nanhte hpe jaw ya nga ai shadum jahprang ga hpe hkum mani asawng kau myit! Nanhte dai hku galaw ai rai yang, dai gaw nanhte a matu hprawng lawt lu na pyi grau nna ayak ahkak tai wa na ra ai. Mungdan ting hpe jahten kau na matu Chyahtum Chyalai N-gun rawng ai dai Madu a daw dan lam hpe ngai na ni ai.

ESAIA 42:6

“Ginding aga ntsa e teng man rap ra ai tara amu galaw nga ai hpe mu lu na matu, dai Madu ngai nan nang hpe shaga la nna daru magam n-gun jaw ni ai. Ngai gaw amyu masha ni yawng hte nang hku nna sha ga shaka tawn da na nngai; ngai gaw masha amyu baw ni hpang de nang hku nna sha nhtoi shapraw dan na we ai.

ESAIA 53:11

Nni nkri hkrum sha ai asak a hpang, shi gaw kabu gara ai lam bai lu la na ra ai; shi gaw kaman lila nni nkri n hkam kau ai lam hpe chye wa na ra ai. Ngai sharawng awng ai hte ding man ai nye a shangun ma gaw, law law a ari hpe gun kau ya na ra ai, shi a jaw e, ngai shanhte hpe mara dat ya na nngai.

ESAIA 55:3

Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

YEREMIA 7:30

“Yuda amyu masha ni gaw n hkru ai amu galaw masai. Shanhte gaw nye a Nawku Htingnu kata hta ngai n dawng ai shanhte a hpara sumla ni hpe tawn da nna, dai hpe matsat shabat di kau manu ai.

Daniela 11:31

Shi a hpyenla nkau mi mahtang Nawku Htingnu hpe awu asin di na mara ai. Shanhte gaw shani shagu na shagu hkungga hpe pat shingdang kau ya nna, dai Hkrit Si na zawn re ai wa hpe sharawt da na mara ai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 12:11

“Shani shagu shagu hkungga nawng ya nga ai aten hpe hkum pat kau ya ai aten ngu na Dai Hkrit Si na zawn re ai wa hpe shadun da ai aten kaw nna nhtoi 1,290 lai mat wa na ra ai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

Daniela 8:13

Dai hpang ngai gaw lamu kasa langai mi gaw kaga wa hpe, “Shingran hta mu lu sai ndai amu ni galoi aten du hkra naw matut byin na rai ta? Shani shagu na shagu hkungga ni a hkang hta hkrit hpa yubak gaw galoi aten du hkra rai na rai ta? Sumsing lamu a luksuk hte Nawku Htingnu gaw galoi aten du hkra kabye anut kau hkrum na rai nga a ta?,” ngu nna tsun ai nsen hpe na nngai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

MAHTE 24:15

“Myihtoi Daniela tsun dan ai dai ‘Jahten Shabya ai,’ hkrit kajawng matsat na zawn re ai arai hpe nanhte mu na marin dai. Dai gaw, dai chyoi pra ai shara hta tsap nga na ra ai. (Laika hti ai wa, ndai lam hpe ngu mayu ai hpe sadi let chye na ra na re.)

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

MAHTE 27:51

Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai.

MARKU 13:14

“Hkrit kajawng matsat si na zawn san ai arai gaw n nga ang ai shara hta nga ai hpe nanhte mu lu na marin dai, (Laika hti ai wa a matu matsing hpa ndai lam hpa re ai hpe atsawm sha chye na nga u ga!) Dai shaloi e, Yuda mung hta nga ai ni gaw, bum lang de hprawng gat mu ga,

LUKA 21:20

“Yerusalem mare hpe hpyen hpung ni e wang kawan da ai hpe, nanhte mu myit yang, dai mare gade n na yang, jahten kau ai hkrum na ra ai hpe dum chye mu.

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

ROMA 11:26

Shing rai Israela masha ni yawng hte gaw hkye hkrang la ai hkrum na mara ai. Dai hte maren Chyum Laika hta, “Ziun kaw na hkye hkrang la ai wa paw pru na ra ai rai nna Yaku a aru arat ni kaw na n hkru n shawp ai lam mahkra hte hpe yeng seng kau na ra ai.

ROMA 5:15

Rai ti mung dai lahkawng yan gaw maren n rai hpa majaw nga yang Karai Kasang a chyeju kumhpa hte Adam a yubak mara tawt lai ai lam n bung ai sha shai hkat nga ma ai. Dai marai langai mi a shut hpyit tawt lai ai yubak mara a majaw masha law law a matu si ai lam byin pru wa ai ngu ai gaw teng nga ai. Rai ti mung Karai Kasang a chyeju gaw grau kaba nga ai rai nna Yesu Hkristu ngu ai masha langai mi a chyeju hte masha lanlak hpe jaw ai chyeju kumhpa chyawm gaw grau nna law htam wa na rai nga sai.

ROMA 5:19

Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.