Daniela 9:26 - Jinghpaw Common Language Bible 2009

²⁶ Dai aten a hpang jahtum aten hta Karai Kasang lata la hkrum ai ningbaw wa gaw n tara ai hku sat kau ai hkrum na ra ai. Dai mare hte Nawku Htingnu mung n-gun ja ai up hkang du langai mi a hpyen luksuk shang gasat ai a majaw jahten kau ai hkrum na ra ai. Jahtum ai gaw mawru hka zawn du wa nna Karai Kasang lajang da nu ai hpyen majan hte hten za lam du sa wa na ra ai.

Jinghpaw Hanson Version Bible

²⁶ Dai nhtoi bat kru shi lahkawng lai ai hpang, namman chya hkam ai wa gaw sat kau ai hkrum nna, shi hte seng ai gaw n nga na ra ai: dai hpang e du na ra ai hkawhkam masha ni gaw, mare hte chyoi pra ai shara hpe jahten sharun kau nna, de a jahtum ai gaw hka hpungtun rai na ra ai: dai san da ai aten htum hkra hpyen majan hkrai rai nga nna, marawng marang tai mat na ra ai.

Daniela 9:26 ပူးပေါင်းရင်းမြစ်များ

2 SAMUELA 21:5

Shanhte gaw, “Israela mung gara shara e mung anhte hta na kadai hpe mung n jahkrung da mayu ai hte Shawlu shi anhte hpe jahten shamyit kau mayu wu ai.

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 28:22

Ngai nanhte hpe jaw ya nga ai shadum jahprang ga hpe hkum mani asawng kau myit! Nanhte dai hku galaw ai rai yang, dai gaw nanhte a matu hprawng lawt lu na pyi grau nna ayak ahkak tai wa na ra ai. Mungdan ting hpe jahten kau na matu Chyahtum Chyalai N-gun rawng ai dai Madu a daw dan lam hpe ngai na ni ai.

ESAIA 53:8

Shi gaw rim hkrum ai hte dingnye hkrum nna si na matu dun sa wa hkrum nga ai, kadai mung shi a hpang jahtum na lam hpe n gawn nga sai. Shi gaw anhte a amyu masha ni a yubak mara ni a matu sat kau ai hkrum nu ai.

ESAIA 8:7

Ngai Madu nan Asuri hkawseng hte shi a hpyen luksuk ni yawng hpe woi sa nna, Yuda mung hpe gasat kau shangun na nngai. Shanhte gaw hka hkin-gau hte daru ni yawng hpe lim kau shangun lu ai Uhprat hka nu a hka hpungla zawn rawt lung wa na mara ai.

YEREMIA 46:7

Nila hka nu zawn tung rawt wa nna, hka nu hpungtun zawn de a hkin-gau hpe lip kau ai wa kadai rai nga a ni?

YEREMIA 51:42

Panglai hka gaw Babelon mung de ka-up lung wa nna wu kadu ai hka leng ni hte dai mung hpe lim kau nga sai.

Daniela 11:10

“Suri hkawhkam a shadang sha ni majan a matu hkyen lajang na nga luksuk kaba jahpawng tawn da na mara ai. Shanhte hta na langai mi gaw mawru hka zawn agre ye mat wa nna gumlau hpyen dap hpe htim gasat na mara ai.

Daniela 11:17

“Dai Suri hkawhkam wa gaw shi a hpyen luksuk ting hpe lang nna gasat na lawan myit daw dan maw mawn na ra ai. Shaloi shi a gumlau hpyen mungdan hpe jahten kau na nga, shi hte jinghku galaw let shi a shayi sha hpe ya sha na ra ai; rai ti mung, shi a maw mawn ai lam awng dang na ra ai n rai.

Daniela 11:22

Shi hte nhtan shai ai ni kadai mung Karai Kasang a Hkinjawng Kaba wa du hkra pyi magawn kau ai yeng seng kau hkrum na ra ai.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 9:27

Dai up hkang du wa gaw masha law law hte ngang ai myit hkrum ga shaka hpe sanit ning tawn da na ra ai, dai aten ka-ang hkup lai mat wa jang, shi gaw shagu hkungga ni hte shadung hkungga ni hpe jahtum kau na ra ai. Dai Hkrit Si na zawn re ai wa gaw Nawku Htingnu a tsaw htum ai nchyun hta sa nga nga nna, Karai Kasang shi a matu ngu nna hkyen da ya hkrum ai wa hte dai yang e hpang jahtum wa hkrum hkat ai aten du hkra nga nga na ra ai,” ngu nna sanglang dan wu ai.

HOSEA 1:9

Dai Madu gaw Hosea hpe, “Shi hpe, ‘Nye a amyu n rai,’ ngu nna shamying u; hpa majaw nga yang, Israela amyu masha ni gaw nye a amyu masha ni n rai; ngai mung shanhte a Karai Kasang n rai nngai,” ngu nna tsun wu ai.

AMO LAIKA (AMOS) 8:8

Dai rai nna ginding aga gaw ashun wa na ra ai, mungdan na masha shagu hte mung tsin-yam tsindam hkrum sha na mara ai. Mungdan ting gari ashun wa nna dai gaw Nila hka nu zawn rawt tung wa nna hkyet mat wa na ra ai.

AMO LAIKA (AMOS) 9:5

Chyahtum Chyalai N-gun rawng ai Tsaw Htum ai dai Madu gaw ginding aga hpe ahtawk hkra dat ai hte dai gaw ashun nga ai; dai hta nga ai ni yawng sharung shayawt nga ma ai. Mungkan ga ting gaw Nila hka nu zawn rawt tung wa nna kyet mat nga ai.

NAHUM 1:8

Shi gaw shi a gumlau hpyen ni hpe mawru kaba zawn atsai awai jahten kau nga ai; shi gaw shi hte nhtan shai ai ni hpe shanhte a si du a lata de sa dat ya nga ai.

MAHTE 22:2

“Sumsing lamu a Mungdan gaw, kasha a hkungran poi shachyip da ai Hkawhkam langai mi hte bung nga ai.

MAHTE 22:7

Hkawhkam wa chyawm gaw grai masin pawt bu nga ai rai nna, shi a hpyen la ni hpe shangun dat nhtawm, masha sat ai ni hpe sat kau mu ai hte shanhte a mare hpe nat shagrawm kau ya mu ai.

MAHTE 23:38

Dai majaw, na a Nawku Htingnu hpe Karai Kasang e katsi katsang di nna kabai shakram kau na ra ai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.

MARKU 13:2

Yesu gaw, “Ndai wahpang nta kaba ni hpe ya nang mu ai n rai ni? Nlung langai mi muk mi na shi a shara hta ngam taw nga na ra ai n rai; dai wahpang ni hta na nlung shagu langai mi a ntsa e langai mi n mara hkra run ayai hkrat mat na ra ai,” ngu nna shi hpe tsun wu ai.

MARKU 13:7

Hpyen gasat ai nsen hte majan shiga ni hpe ni ai tsan ai shara kaw na nanhte na myit yang, myit hkum ru myit. Dai zawn re ai amu ni gaw byin lu na ra ai, rai ti mung dai gaw mungkan a jahtum nhtoi du sai ngu ai garai n rai nga ai.

MARKU 9:12

Shi gaw, “Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ‘Masha Kasha gaw nni nkri law law hpe mung, ningdang nyet kau ai mung hkrum sha na wu ai,” nga nna hpa rai ka da nga a ta?

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

LUKA 21:6

Yesu gaw, “Ndai nanhte mu nga ai arai ni yawng nlung langai mi pyi, ndai kaw mi na shi a shara hta n mara nga lu na aten du na ra ai, nlung tawng shagu run kabai jahkrat kau ai hkrum na ra ai,” ngu mu ai.

LUKA 24:26

Meshia gaw shi a hpung shingkang hta garai n shang ningngai yang, shing re ai nni nkri hpe hkam ra ai n rai ni?,” ngu nna tsun mu ai.

LUKA 24:46

Madu gaw, “Chyum Laika hta Meshia gaw nni nkri hkam nna masum ya du ai nhtoi e, si ai kaw na bai hkrung rawt wa na ra ai.

YAWHAN 14:30

Ya kaw nna ngai nanhte hte ga law law n tsun lu na ni ai; hpa majaw nga yang, mungkan ga a du wa gaw du magang ra ai; dai wa chyawm gaw nye a ntsa e hpa ahkang mung n lu na wu ai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

GALATI 3:13

“Hpun hta e jen da hkrum ai wa kadai rai ti mung Karai Kasang a dagam dala hkrum ai wa rai nga ai,” nga nna Chyum laika hta tsun da nga ai hte maren, Hkristu gaw anhte a matu mara dagam dala hkrum ai wa tai wa ai a jaw e jep ai Tara a dagam dala hkrum ai kaw na anhte hpe hkrang shaw la mi ai.

1 PETRU 2:21

Dai hte maren nanhte galaw hkan sa na matu she, Karai Kasang gaw nanhte hpe shaga la manit dai; hpa majaw nga yang Hkristu shi hkum nan mung nanhte a matu nni nkri hkrum wu ai hte nanhte shi a hkang hta hkan nang lu myit ga, nanhte a matu ningli tawn da nu ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

1 PETRU 3:18

Hpa majaw nga yang, Hkristu gaw anhte a yubak mara ni a majaw kalang mi hte yawng a matu ngut hkra si hkam sai. Shi gaw kaja ai masha langai mi rai nga da nna yubak lu ai ni a malai si hkam nu ai. Shing rai galaw ai lam gaw nanhte hpe Karai Kasang hpang de woi wa na matu rai nga ai. Shi gaw hkum shan hku nna sat kau ai hkrum timung, wenyi hta Karai Kasang jahkrung la sai.