Daniela 9:25 - Jinghpaw Common Language Bible 2009

²⁵ Dai hpe matsing da ai hte dai hpe chye tawn u. Yerusalem hpe bai gaw gap na hkang da ai ga pru wa ai aten kaw nna Karai Kasang lata la hkrum ai ningbaw du sa ai aten du hkra sanit ning sanit lang gaw lai mat wa na ra ai. Yerusalem mung mare lam ni hte ngang ai dahpran shara ni hte bai gaw gap da ai gaw shi lahkawng ning sanit lang na na rai nga ai, rai ti mung dai gaw ru yak tsin-yam tsindam hkrum ai aten rai na ra ai.

Jinghpaw Hanson Version Bible

²⁵ Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.

Daniela 9:25 ပူးပေါင်းရင်းမြစ်များ

2 SAMUELA 15:25

Dai hpang hkawhkam wa gaw Zadok hpe, “Ga Shaka Sumpu hpe mare de bai la wa mu; dai Madu ngai hta awng sharawng nga ai rai yang, dai hpe tawn da ai shara hta dai hpe bai mu lu na matu ngai hpe bai nhtang wa shangun na rai wu ai.

EZRA 4:24

Persi Hkawseng Dari hkaw dung ai lahkawng ning du hkra Nawku Htingnu gaw gap ai amu hpe dai hku naw jahkring tawn da ma ai.

EZRA 7:1

Shaning ram ram na mat wa ai hpang, Persi Hkawseng Artazazi hkaw dung nga yang, Ezra mying ai masha langai nga nga ai. Shi a kaji kawa ni a labau lasang hpe nhtang gawn yu yang, Hkinjawng Agyi Arun kaw nna ning rai gawn da nga ai. Ezra gaw Seraia a kasha, Seraia gaw Azaria a kasha, Azaria gaw Hilkia a kasha,

EZRA 7:8

Shanhte gaw shawng na shata a shawng shani e, Babelon mung kaw nna pru wa nhtawm Karai Kasang karum la ai hte shata manga a shawng shani e Yerusalem mare de shanhte du shang wa ma ai.

NEHEMIA 3:1

Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.

NEHEMIA 4:2

Shi gaw shi a manaw manang ni hte Samari hpyen hpung ni hpe, “Ndai matsan mayan re ai Yuda masha ni shanhte galaw nga ai amu hpe hpa baw zawn nawn nga ma ai kun? Shanhte gaw mare bai gaw gap na matu yaw ma ai kun? Shanhte gaw shagu hkungga ni hpe nawng ya let lani jan hta sha galaw shangut lu na zawn myit nawn da nga ma ai kun? Shanhte gaw hkru mat sai nlung shingyun sumpum ni hta na nlung ni hte kaning rai gaw gap lu na rai ma ta?,” ngu nna tsun wu ai.

NEHEMIA 4:8

Dai re ai majaw shanhte yawng Yerusalem de sa htim gasat nna kashuk kashak shabyin dat na nga, rau bawng jahkrum masai,

NEHEMIA 6:15

Bungli galaw ai nhtoi manga shi lahkawng ya na ai hpang, bunghku mahkra hpe Elula shata hkun manga ya shani e shangut da lu sai.

SHAKAWN KUNGDAWN 71:10

Nye a gumlau hpyen ni ngai hpe sat kau mayu nga ma ai; shanhte ngai hpe gumlang maw mawn na matu tsun jahta nga ma ai.

HPAJI NINGLI 3:3

sat kau ai aten hte shamai shatsai ai aten hpe mung, run kau ai aten hte gaw gap ai aten hpe mung, masat da ya nga ai.

ESAIA 55:4

Ngai gaw shi hpe ningbaw hte masha amyu baw ni a hpyen du tai shangun ni ai, shi hku nna, ngai shanhte hpe nye a daru magam n-gun madun dan ni ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

Daniela 8:11

Dai gaw sumsing lamu luksuk a Hkawhkam Kasha hpe pyi hkap daw nna shi hpe nawng jau ya ai shani shagu na shagu hkungga ni hpe dawm kau nhtawm Nawku Htingnu hpe awu asin di kau wu ai.

Daniela 8:25

Shi hkalem chye nga ai majaw, shi a masu hkalem ai lam ni hta awng dang wa na ra ai. Shi hkum nan gumrawng gumtawng wa nna sadi jaw ai n nga ai sha masha law law hte hpe jahten kau na ra ai. Shi gaw yawng mayawng hta galu kaba htum ai Hkawhkam wa hpe pyi hkap daw na ra ai. Rai ti mung, shi chyawm gaw masha a n-gun atsam hpa mung n lang ra ai sha, jahten kau ai hkrum na ra ai.

Daniela 9:23

Nang Karai Kasang kaw hpyi nem hpang wa ai shaloi, shi nang hpe htan ya nga ai. Shi nang hpe tsaw ra nga ai, dai rai nna ngai gaw dai mahtai nang hpe sa tsun dan nngai. Ya chyawm gaw ngai shingran tsun shaleng nga yang, myit maju jung nga u.

MIHKA 5:1

Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

MIHKA 5:2

Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

MAHTE 13:23

Ga kaja hta gat ai nli tum ni chyawm gaw, dai mungga hpe na la nna, chye na hkap la ai ni hpe ngu ai rai nga ai. Shanhte gaw kaja wa teng teng asi si nna, nkau mi dang latsa, nkau mi kru shi, nkau mi sumshi jat wa ai hpe ngu ai rai nga ai,” ngu mu ai.

MAHTE 24:15

“Myihtoi Daniela tsun dan ai dai ‘Jahten Shabya ai,’ hkrit kajawng matsat na zawn re ai arai hpe nanhte mu na marin dai. Dai gaw, dai chyoi pra ai shara hta tsap nga na ra ai. (Laika hti ai wa, ndai lam hpe ngu mayu ai hpe sadi let chye na ra na re.)

MARKU 13:14

“Hkrit kajawng matsat si na zawn san ai arai gaw n nga ang ai shara hta nga ai hpe nanhte mu lu na marin dai, (Laika hti ai wa a matu matsing hpa ndai lam hpa re ai hpe atsawm sha chye na nga u ga!) Dai shaloi e, Yuda mung hta nga ai ni gaw, bum lang de hprawng gat mu ga,

YAWHAN 1:41

Shi gaw shi a kahpu rai nga ai Simun hpe shaloi jang tam la nna, “Meshia hpe anhte mu saga ai,” ngu nna shi hpe tsun dan wu ai. (Meshia ngu ai gaw Hkristu nga ai rai nga ai.)

YAWHAN 4:25

Dai numsha mung, “Hkristu ngu ai Meshia du na ra ai hpe ngai chye nngai, shi du jang gaw, shi anhte hpe lam magup tsun madun na ra ai,” ngu wu ai.

KASA 3:15

Nanhte gaw asak jaw ya lu ai wa hpe gaw sat kau myit dai, rai ti mung Karai Kasang gaw shi hpe si ai kaw na sharawt la nu ai rai nna anhte gaw dai lam a sakse ni rai nga ga ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

KASA 8:30

Hpilip mung gat sa wa nna, Myihtoi Esaia a Laika hti nga ai hpe na wu yang, “Nang hti ai lam hpe chye na da wu ni?,” ngu nna san wu ai.

EHPESU 5:16

Ya na nhtoi ladaw ni gaw n shawp nga ai majaw, nanhte lu ai ahkaw ahkang shagu hpe atsawm sha akyu rawng hkra jai lang mu.

SHINGRAN 1:5

Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.