Daniela 9:24 - Jinghpaw Common Language Bible 2009

²⁴ “Sanit shi sanit lang ngu ai gaw yubak hte n hkru ai amu kaw nna na a amyu masha ni hte na a chyoi pra ai mare lawt wa na matu Karai Kasang masat da ya ai aten galu rai nga ai. Yubak dat kau ai hkrum nna prat dingsa teng man rap ra ai tara grin ngang nga na ra ai; shaloi shingran hte myihtoi ga teng teng byin wa ai hte chyoi pra ai Nawku Htingnu hpe bai ap nawng da na ra ai.

Jinghpaw Hanson Version Bible

²⁴ Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

Daniela 9:24 ပူးပေါင်းရင်းမြစ်များ

2 HKAWHKAM LABAU 29:24

Dai hpang amyu masha ni yawng a shut hpyit yubak mara htingrai ya na matu hkinjawng ni gaw bainam ni sat nhtawm dai ni a asai hpe tawn hkungri ntsa e shagu hkungga hku nna ru hkaw ma ai. Hpa majaw nga yang, hkawhkam wa gaw Israela yawng a matu wan nat hkungga hte htingrai hkungga nawng ya na hkang da wu ai.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

SHAKAWN KUNGDAWN 45:7

ding man ai lam hpe nang tsaw ra nga ai hte, n hkru n shawp ai amu hpa hpe mung n dawng nga ndai. Dai re ai majaw, Karai Kasang na a Karai Kasang gaw nang hpe lata la nit dai; kaga hkawhkam kadai wa hta mung, grau nna kabu gara ai lam, nang hpe jaw ya nga nit dai.

ESAIA 42:4

Shi gaw myit mada shara, nden marai shamat kau na ra ai n rai; shi gaw ginding aga ntsa e teng man rap ra ai tara shagrin da na ra ai. Sumtsan mung na ni gaw shi a sharin shaga ga hpe sharawng awng ai myit hte ala nga ma ai,” ngu nna tsun ai.

ESAIA 51:6

Sumsing lamu ni hpe mada yu mu; Ginding aga hpe yu mu! Sumsing lamu ni gaw wan hkut zawn hkoi mat nna; ginding aga gaw hpun nba dingsa zawn tsam mat na ra ai, dai hta nga ai amyu masha ni yawng gaw jinu ni zawn si mat na mara ai. Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw hpang jahtum rai na ra ai.

ESAIA 51:8

shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

ESAIA 56:1

Dai Madu gaw shi a amyu masha ni hpe, “Teng man ai hte ding man ai amu galaw mu, ngai gaw kade n na yang nanhte hpe hkye la na nngai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

SHARUNG SHAYAWT 4:22

Ziun gaw shi shut hpyit ai yubak a matu shabrai lu nu ai; Dai Madu gaw anhte hpe galoi mung bawng dung shangun sana n rai. Rai ti mung, Edom e, dai Madu gaw nang hpe ari jaw na ra ai; shi gaw na a shut hpyit ai arawn alai ni hpe shadan dan na ra ai.

EZEKELA 28:12

Shi gaw, “Si chye ai masha wa e, Turu hkawhkam a matu ala nga ai hpang jahtum na maka a majaw sharung shayawt nga u. Tsaw Htum ai dai Madu ngai nan tsun nga ai ga shi hpe tsun u: Nang gaw lang mi na aten hta hkum tsup ai a kasi tai lai wa yu nit dai. Nang gaw kade sha hpaji rawng nna tsawm htap nga nit hka!

EZEKELA 4:6

Nang gaw dai maga mi de hkrawn ai nhtoi ngut jang, na a hkra maga de kayin hkrawn taw nna, nhtoi mali shi ya tup, Yuda amyu a shut hpyit ai amu a matu nni nkri hkam sha na rai ndai, shanhte a ari gun hpai ai aten ladaw gaw lani mi a matu laning mi rai na ra ai.

JAW JAU 25:8

Sanit ning sanit lang ngu na yawng hpawn mali shi jahku ning hpe hti u.

JAW JAU 8:15

Dai hpe Mawshe sat nhtawm asai loi mi la nna dai hpe ap nawng na matu tawn hkungri a jut ni hta tu ai nrung ni hta shi a lata hte chya wu ai. Ngam ai asai hpe chyawm gaw tawn hkungri a lagaw nhpang e ru hkaw kau wu ai. Ndai hku nna dai hpe shi ap nawng ai hte jasan jaseng da wu ai.

ZEHKARIA 4:14

Dai hpang, shi gaw, “Dai gaw ginding aga ting a Madu rai nga ai shi hpe daw jau na matu Karai Kasang e lata san da nna namman jaw hkam sai masha lahkawng rai nga ai,” ngu nna tsun wu ai.

BU HKAWM 14:34

Dai mung hpe kin-yu hku hkan yu maram ai nhtoi mali shi ya tup rai nga ai hte maren, lani mi hpe laning mi shatai nhtawm mali shi ning tup nanhte shut hpyit kau ai yubak mara a nni nkri hkam sha na rai myit dai. Shaloi nanhte hpe ngai ninghkap nna kabai kau na a lachyum hpe chye na na rai myit dai!

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

MAHTE 11:13

Yawhan paw pru ai aten ladaw du hkra, myihtoi ni yawng hte Mawshe a Tara gaw dai mungdan a lam tsun shana lai wa masai.

MAHTE 4:5

Shaloi Nat gaw Yesu hpe, dai Chyoi Pra ai Yerusalem Mare de woi wa nna Nawku Htingnu a tsaw dik ai nchyun e shadun da nhtawm,

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

LUKA 1:35

Dai lamu kasa gaw, “Chyoi Pra ai Wenyi na a ntsa e du nna, Karai Kasang a atsam nang hpe shingnip ka-up na ra ai; dai re ai majaw, shangai wa na ra ai wa hpe Karai Kasang a Kasha ngu nna shamying ai hkam la na ra ai.

LUKA 21:22

Hpa majaw nga yang, Chyum Laika ni hta tsun da ai lam ni yawng mayawng dik wa lu na matu mara, ‘Jeyang daw dan nna ari jaw ai Nhtoi ni rai na ra ai.’

YAWHAN 1:41

Shi gaw shi a kahpu rai nga ai Simun hpe shaloi jang tam la nna, “Meshia hpe anhte mu saga ai,” ngu nna shi hpe tsun dan wu ai. (Meshia ngu ai gaw Hkristu nga ai rai nga ai.)

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

KASA 3:14

Shi gaw Chyoi Pra ai hte Mai Kaja ai Wa rai nga ai rai ti mung nanhte gaw shi hpe ndang kau nna masha sat ai wa langai mi hpe mahtang nanhte ra sharawng ai hku dat dat ya na Pilat kaw hpyi myit dai.

KASA 3:22

Hpa majaw nga yang Mawshe gaw, “Dai Madu Karai Kasang ngai hpe shangun dat ai zawn myihtoi langai mi nanhte hpang de shangun dat na ra ai rai nna, shi gaw nanhte a amyu ru sai kaw na rai na ra ai. Nanhte gaw dai wa tsun matsun yawng hte hpe madat mara hkan sa galaw na rai myit dai.

KASA 4:26

Mungkan Hkawhkam ni gaw, Karai Kasang hpe gumlau na matu shanhte dai shanhte hkyen lajang nga ma ai, Madu hte Madu dat dat ai Meshia hpe nhtan shai, tai ninghkap na matu du salang ni rau hpawng nga ma ai,’ nga ai.

ROMA 5:10

Hpa majaw nga yang, anhte Karai Kasang a hpyen ni rai nga ga ti mung, shi a Kasha a si hkam ai a majaw anhte htinglu htinglai hkam la nna shi a jinghku ni tai wa shangun mi ai. Ya anhte htinglu htinglai hkam la nna Karai Kasang a jinghku ni rai saga ai majaw shi a asak sumdam hta e, anhte hkye hkrang la ai grau nna hkrum na ga ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

KOLOSE 1:20

Dai rai nna, Karai Kasang gaw ninggawn tawa nga yawng nga pra ting shi hte mahku mara bai rai wa u ga, myit daw dan da nu ai. Karai Kasang gaw wudang ntsa e ap nawng si hkam ai Kasha a asai hte mahku mara simsa lam galaw nhtawm, sumsing lamu hte ginding aga e nga ai yawng mayawng hte hpe shi hpang de woi la wu ai.

KOLOSE 2:14

Shi gaw anhte a n hpru n mai ai yubak mara a hka jahpan hpe mung, dai hte seng ai jep da ai tara ni hpe mung wudang ntsa e hpri hte dit shakap nna yeng seng kau nu ai.

HEBRE 10:14

Hpa majaw nga yang, shi gaw nawng ya ai hkungga langai mi hte shachyoi shapra la ai hkrum sai ni hpe prat dingsa na matu jahkum shatsup ya wu ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.

HEBRE 9:26

Shing rai nawng ya ra ai rai yang gaw, ginding aga nnan lat kaw nna law law lang si hkam hkam rai na nu ai; ya chyawm gaw, mungkan ga prat htum na ni wa ai ten hta kalang mi hte ngut hkra du sa nna shi hkum dai nawng ya kau ai hte yubak mara hpe yeng seng kau nu ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.

SHINGRAN 14:6

Dai hpang sumsing hpatwat e pyen kayin nga ai lamu Kasa langai mi hpe ngai mu nngai. Shi gaw amyu baw shagu, baw lakung shagu, ga amyu shagu hte, masha mungdan shagu hpe tsun shana dan na htani htana a Kabu Gara Shiga hpe la sa wa ai.

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.