Daniela 9:21 - Jinghpaw Common Language Bible 2009

²¹ Ngai akyu hpyi nga yang, shawng na shingran hta ngai mu yu sai Gabriela gaw ngai nga ai shara de pyen yu wa nga ai. Dai gaw shana de na shagu hkungga nawng ya ai aten hta rai nga ai.

Jinghpaw Hanson Version Bible

²¹ gaja wa, ngai naw akyu hpyi nga yang pyi, shawng na shingran hta dan pru ai, dai wa Gabriela gaw, alawan pyen sa wa nna, shana hkungga nawng ya ai aten e, ngai hpe sa ahtawk nga ai.

Daniela 9:21 ပူးပေါင်းရင်းမြစ်များ

1 HKAWHKAM 18:29

Shanhte gaw shana de jan kangai mat wa ai aten du hkra jahtau marawn let abrawp shajang nga ma ti mung, hpa mahtai mi n pru, nsen langai mi mung n shara rai nga ai.

1 HKAWHKAM 18:36

Ya shana de hkungga nawng ya na aten hta, myihtoi Elia gaw tawn hkungri de sit sa nna, “Abraham, Isak hte Yaku ni a Madu Karai Kasang e, nang gaw Israela a Karai Kasang rai nga ndai mung, ngai gaw na a shangun ma rai nga nngai mung, na a hkang da ai ga hte sha ndai amu ni yawng hpe galaw nngai mung, ya jang sakse shapraw dan u law.

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

SHAKAWN KUNGDAWN 104:4

Nang gaw nbung ni hpe na a kasa ni shatai nna, myi hprap wan gala ai hpe na a shangun ma ni zawn, nang akyu jashawn nga ndai.

SHAKAWN KUNGDAWN 141:2

Nye a akyu hpyi ai ga hpe manam pyaw ai baw lawban zawn; nye a lata sharawt ai gaw shana de na hkungga hpe zawn, hkap la ya e.

PRU MAT 29:39

Dai hpe jahpawt e langai mi, shana de langai mi nawng jau na rai nga ai.

ESAIA 6:2

Shi grup grup hta wan shinglet pru ai hkrung kanu ni tsap nga ma ai, dai ni langai hte langai hta singkaw kru kru tu nga ai; hkrung kanu shagu a myi man hpe singkaw lahkawng hte magap da nga ai, de a hkum hpe singkaw lahkawng hte kaga singkaw lahkawng gaw pyen na matu rai nga ai.

EZEKELA 1:11

Dai dusat amyu shagu a singkaw lahkawng sharawt da ma ai, langai hte langai a singkaw matu shada da hkra hkat ma ai; shanhte a kaga singkaw lahkawng hpra hpe gaw tinang a hkum ni hta gumba bang da nga ma ai.

EZEKELA 1:14

Dai dusat ni gaw shanhte hkum hpe myi hprap wan gala ai daram lawan ai hku shawng de, hpang de akajawng sha kagat sa ma ai.

EZEKELA 14:14

Noa, Danela (Daniela) hte Yoba mying ai marai masum gaw, dai yang e nga nga ma ti mung, shanhte a mai kaja ai amu hte chyu sha shanhte a asak hpe hkye la lu na ma ai,” ngu nna tsun ai. Tsaw Htum ai dai Madu tsun nu ai.

Daniela 10:10

Dai hpang marai langai mi a lata hte ngai hpe jum da nna nye a lata hte lahput magra da let ngai hpe sharawt la nga ai. Ngai gaw dai aten du hkra hkrit gari nga nngai.

Daniela 10:16

Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, “Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.

Daniela 10:18

Shi gaw ngai hpe lang mi bai jum dat yang, n-gun ja wa ai zawn ngai hkam sha nngai.

Daniela 8:16

Ngai gaw Ulai hka nu ntsa kaw nna ning ngu jahtau ai nsen hpe na nngai: “Gabriela e, shi mu nu ai shingran a lachyum shi hpe sanglang dan u.”

Daniela 8:18

Shi ga shaga nga yang, ngai gaw ga e kadawng taw mat nna, n dum mat nngai. Rai ti mung shi ngai hpe sa jum nna rawt tsap shangun let,

MAHTE 27:46

Shana de hkying masum daram hta Yesu gaw nsen kaba hte “Elo-i Elo-i lema sabak htani,” nga nna jahtau ai. De a lachyum gaw, “Nye a Karai Wa e, nye a Karai Wa e, hpa rai nang ngai hpe kau da nga n ta?,” nga ai rai lu ai.

LUKA 1:19

Lamu kasa gaw, “Ngai gaw Karai Kasang a man e tsap nga ai Gabriela rai nga nngai; nang hpe tsun dan u nga nna, ndai Kabu Gara Shiga tsun shana ya na ngai hpe shangun dat ni ai.

LUKA 1:26

Elisabet na-um na sin hkum shata kru du ai shaloi, Karai Kasang gaw lamu kasa Gabriela hpe, Galile ginwang, Nazaret mare de shangun dat wu ai.

KASA 10:3

Lani mi na shana de daw hkying masum daram e, Lamu kasa langai mi shi kaw du sa wa nna, “Korneli e!” nga nna shi hpe shaga ai hpe shingran langai mi hta leng leng mu wu ai.

KASA 10:9

Hpang shani, shanhte lam e sa wa nna Yopa mare de ni wa magang yang, Petru gaw shani ka-ang daram hta akyu hpyi na nga, nta ntsa de lung wa ai.

KASA 12:7

Akajawng sha, Madu a lamu kasa langai mi Petru a makau pru tsap nna dai gawk hta nhtoi htoi nga ai. Shi gaw Petru a lahpa hpe sa gumhpuk ashun ya nna, “Alawan rawt u!,” ngu nna jasu ai. Shaloi jang hpri sumri ni mung shi a lata na malaw hkrat lu ai.

KASA 3:1

Lani mi na Petru hte Yawhan gaw akyu hpyi ai ten shana de hkying masum hta Nawku Htingnu de lung wa ma ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 1:7

Karai Kasang gaw lamu kasa ni a lam tsun ai shaloi, “Karai Kasang gaw shi a lamu kasa ni hpe nbung shatai nna, shi a ali ama ni hpe grung ai wan shinglet shatai wu ai,” nga ai.

SHINGRAN 9:17

Bai, nye a shingran hta gumra ni hte dai ni hta jawn ai ni hpe ngai mu nngai; shanhte gaw wan zawn hkyeng ai, nila seng mut zawn mut ai, kan zawn htoi ai nsam rawng ai sinda magap dagap da ma ai. Gumra ni a baw ni gaw hkanghkyi ni a baw ni hte bung nga ai rai nna, shanhte a shinglet hta na wan numli, wan hkut hte kan pru nga ai.