Daniela 9:16 - Jinghpaw Common Language Bible 2009

¹⁶ Nang gaw lai sai prat hta anhte hpe makawp maga la nit dai rai nna Yerusalem mare hpe loi mi mung masin hkum yu pawt et. Dai gaw na a mare, na a chyoi pra ai kawng rai nga ai. Anhte a yubak mara ni hte anhte a kaji kawa ni galaw ai n hkru ai lam ni a majaw htingbu mungdan hkan na masha ni yawng hte gaw Yerusalem mare hte na a amyu masha ni hpe yu kaji kau manu ai.

Jinghpaw Hanson Version Bible

¹⁶ Ya Madu e, na a dinghpring ai myit ting hkan nna, na a pawt sindawng ai hte myit kahtet ai hpe, chyoi pra ai bum ngu ai, na a mare Yerusalem hta na dawm la kau u, ngu nna ngai tawngban nngai: kaning rai nme law, anhte a yubak hte anhte a ji wa ni a shut hpyit ai a majaw, Yerusalem mare hte, na a amyu masha ni gaw, grup yin e de nga ai nlang hte a man e, shatan nhkan shara tai wa sai.

Daniela 9:16 ပူးပေါင်းရင်းမြစ်များ

NEHEMIA 9:8

Shi gaw nang hta sadi dung nga ai hpe nang mu nna, shi hte ga shaka tawn da nga ndai. Nang gaw shi hpe Hkanan masha ni a lamu ga, Hiti hte Amori masha ni a lamu ga, Perizi, Yebusi hte Girgashi masha ni a lamu ga jaw nna, dai mung hta shi a amyu matu ni hpe nga shangun na matu ga sadi jaw nit dai. Nang gaw sadi dung nga ndai majaw, na a ga sadi hpe nang shatup nit dai.

SHAKAWN KUNGDAWN 143:1

Madu e, nye a akyu hpyi ai ga hpe na ya e! Na a ding man ai lam hta, nye a hpyi nem ai ga hpe madat ya e; na a sadi sahka hte ngai hpe htan ya e!

SHAKAWN KUNGDAWN 31:1

Madu e, makawp maga la na matu, nang kaw ngai du sa nngai. Ngai hpe galoi mung asum hkum hkrum shangun nga et. Ngai hpe hkye hkrang la e, ngai hpyi nngai!

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

SHAKAWN KUNGDAWN 71:2

Nang gaw ding hpring nga ndai majaw, ngai hpe karum la ai hte mawai la e. Ngai hpyi nem ai ga hpe madat ya ai hte ngai hpe hkye hkrang la e!

SHAKAWN KUNGDAWN 79:4

Htingbu mungdan amyu masha ni mung anhte hpe asawng asang di mi ai; anhte hpe mani ai hte n kaw n law di da mi ai.

SHAKAWN KUNGDAWN 85:4

Anhte a hkye la Madu Karai Kasang e, anhte hpe mi na hte maren bai hkap la mi, anhte hpe n yu ra hkum rai nu yaw!

SHAKAWN KUNGDAWN 89:51

Madu e, nang lata san da ai hkawhkam wa hpe na a gumlau hpyen ni n kaw n law di nga ma ai! Shi hkawm sa ai shara shagu hta, shi hpe asawng asang di mu ai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 29:18

Ngai gaw shanhte hpe hpyen majan, kawsi hpang gara hte ana zinli ni hte hkan shachyut na nngai; mungkan ga na masha amyu baw ni yawng shanhte hpe mu mada ai hte hkrit kajawng mat na mara ai. Shanhte hpe ngai shaden shabra kau ai shara shagu hkan amyu masha ni gaw shanhte hta byin lai mat wa sai lam ni a majaw mau kajawng ai hte hkrit gari wa na mara ai. Masha amyu masha ni gaw shanhte hpe asawng asang di ai hte shanhte a amying hpe dagam dala ga zawn lang na mara ai.

YEREMIA 32:31

Ndai mare hpe de hpang wa ai shani kaw nna mare masha ni gaw ngai hpe pawt sindawng shangun ai hte myit kahtet shangun nga ma ai,

YEREMIA 32:32

Yuda mung hte Yerusalem mare na amyu masha ni gaw n hkru ai amu ni yawng hpe galaw mu ai majaw, shanhte hte hpawn shanhte a hkawhkam ni, mung up hkang ai du salang ni, hkinjawng ni, hte myihtoi ni hpe shamyit kau na matu ngai daw dan kau ni ai.

EZEKELA 22:4

Nang gaw masha sat ai amu ni hte mara kap nga ndai, nang galaw ai hpara sumla ni hte awu asin hkrum nga ndai; dai rai nna na a nhtoi gaw du wa ra ai, na a aten htum mat nit dai! Shing re ai lam ni a majaw ngai nang hpe masha amyu baw ni hta mani hpa shatai kau na nngai, mungdan yawng mung nang hpe asawng asang di kau na mara ai.

EZEKELA 5:14

Na a grup yin e lai hkawm nga ai masha amyu baw ni hta na masha shagu hte gaw nang hpe ashu kau ai hte shingran katsi kau shangun na nngai.

Daniela 11:45

Shi gaw panglai hte Nawku Htingnu shadun da ai bum yan a lapran hta hkawhkam sum kaba ni hpe pyi sharawt tawn da na ra ai. Rai ti mung dai yang e shi hpe karum la na kadai mung n nga ai sha shi si mat na ra ai.”

Daniela 9:20

Ngai gaw akyu matut hpyi nga nngai rai nna, nye a yubak ni hte nye a amyu masha Israela masha ni a yubak ni hpe la let shi a chyoi pra ai Nawku Htingnu bai gram lajang gaw gap na matu dai Madu nye a Karai Kasang hpe hpyi nem nga nngai.

YOELA 3:17

“Dai hpang, Israela e, ngai gaw dai Madu nanhte a Karai Kasang rai nga nngai hpe nanhte chye na marin dai. Ngai gaw Ziun ngu ai nye a chyoi pra ai kawng hta nga nga nngai. Yerusalem gaw chyoi pra ai mare tai wa nna; maigan masha ni dai mare hpe galoi mung bai ka-up lu na mara ai n rai.

ZEHKARIA 8:3

Nye a chyoi pra ai mare Yerusalem de ngai nhtang wa nna dai mare e wa nga nga na nngai. Dai mare gaw sadi dung ai mare zawn gumhkawng wa nna Chyahtum Chyalai N-gun rawng ai dai Madu a kawng gaw chyoi pra ai kawng ngu na ra ai.

2 HTESALONI 1:6

Karai Kasang gaw tara ding ai lam galaw na ra ai rai nna, nanhte hpe nni nkri hkrum shangun ai ni a ntsa e nni nkri bai htang jaw na ra ai.

1 YAWHAN 1:9

Rai ti mung anhte a yubak mara ni hpe Karai Kasang kaw madun yin la nna hpyi nem ga yang gaw, shi gaw shi a ga sadi hta grin nga nna dai teng man ai amu galaw ai wa rai nga ai majaw, anhte a yubak mara hpe raw dat kau ya na hte, shut hpyit tawt lai ai lam yawng mayawng hta na jasan jaseng la na mi ai.

1 SAMUELA 2:7

Shi gaw masha nkau mi hpe matsan kau shangun nna, kaga ni hpe lu su shangun nga ai; shi gaw masha nkau mi hpe shagrit kau nna kaga ni hpe galu kaba shangun nga ai.