Daniela 9:15 - Jinghpaw Common Language Bible 2009

¹⁵ “O Madu anhte a Karai Kasang e, nang gaw na a daru magam n-gun madun dan let na a amyu masha ni hpe Egutu mung kaw nna woi wa nga ndai majaw na a daru magam n-gun hpe ya du hkra adum nga ai. Anhte gaw yubak galaw kau saga ai; anhte gaw shut hpyit amu galaw kau saga ai.

Jinghpaw Hanson Version Bible

¹⁵ Ya chyawm gaw, na a amyu hpe n-gun ja ai lata hte, Egutu mung na shapraw nna, dai ni rai nga ai hte maren, arawng sadang dan hkung ai, anhte a Karai Kasang Madu e, anhte yubak galaw saga ai, tara n lang ai hku hkan nang saga ai.

Daniela 9:15 ပူးပေါင်းရင်းမြစ်များ

1 HKAWHKAM 8:51

Shanhte gaw Egutu mung grung nga ai wan htung kaw na nang woi shapraw wa ai na a amyu masha majing ni rai nga ai.

2 HKAWHKAM 21:15

Shanhte gaw ngai hpe shut hpyit kau nna Egutu mung na pru wa ai shanhte a kaji kawa ni a prat kaw nna dai ni du hkra ngai hpe masin pawt shangun nga ma ai majaw ndai amu nye a amyu masha ni hta ngai galaw na we ai,” ngu nna tsun wu ai.

2 HKAWHKAM LABAU 6:37

na a amyu masha ni a akyu hpyi ga ni hpe madat ya u. Shanhte gaw kade wa yubak mara galaw nna n hkru n hkra rai nga ma ti mung dai mungdan hta shanhte myit malai lu nna nang kaw akyu hpyi let mara hpyi nem ma ai shaloi, O Madu e, shanhte a akyu hpyi ga hpe madat ya nga u law.

NEHEMIA 1:10

“Madu e, ndai ni gaw na a shangun ma, na a amyu masha majing ni rai ma ai. Nang gaw shanhte hpe na a daru magam n-gun kaba hte na a ja la ai n-gun atsam hte hkye mawai la nga ndai.

NEHEMIA 1:6

Madu e, ngai hpe mada yu nna na a shangun ma ni rai nga ai Israela amyu masha ni a matu shani shana ngai hpyi ai nye a akyu hpyi ga hpe na ya e. Anhte Israela amyu masha ni mung nye a kaji kawa ni hte ngai shut kau sai yubak mara ni a matu mung ngai hpyi nem nngai.

NEHEMIA 9:10

Nang gaw hkawhkam wa hpe mung, shi a du salang ni hte shi a mung masha ni hpe mauhpa lamik kumla ni galaw dan nga ndai, hpa majaw nga yang, shanhte na a amyu masha ni hpe dip gamyet sha nga ma ai hpe nang chye ndai. Nang gaw dai ni du hkra kajai gumhkawng ai hpe naw hkam la lu nga ndai.

SHAKAWN KUNGDAWN 106:8

Rai ti mung, shi gaw shi a galu kaba ai daru magam n-gun hpe madun dan na matu, ga sadi tawn da sai hte maren, shanhte hpe hkye hkrang la nu ai.

PRU MAT 13:14

Du na ra ai aten hta, na a shadang sha mahtang, ndai htung tara gaw hpa baw lachyum rai ta?, ngu nna san yang, nang gaw shi hpe, ‘Dai Madu gaw galu kaba ai daru magam n-gun lang nna anhte mayam sa tai nga ai Egutu mung kaw na woi shapraw wa mi ai.

PRU MAT 13:16

Ndai htung tara gaw anhte a lata shing n rai kahtan ni hta masat arai lama mi hpe shakap da ai zawn, adum nga na rai myit dai. Dai gaw dai Madu shi a galu kaba ai daru magam n-gun hte anhte hpe Egutu mung kaw nna woi shapraw wa ai hpe adum shangun nga na ra ai,’ ngu nna tsun wu ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 13:9

Na a lata hta shing n rai na a kahtan hta masat arai lama mi shakap da ai zawn dai htung masa hpe adum nga na rai myit dai. Dai Madu gaw shi a daru magam n-gun kaba hte nanhte hpe Egutu mung kaw na woi shapraw wa manit dai majaw dai Madu a Tara hpe matut manoi hti shakrai na matu shadum jahprang ya na rai myit dai.

PRU MAT 14:18

Shanhte hpe ngai dang kau ai shaloi, Egutu masha ni gaw Ngai nan dai Madu rai nga ai hpe chye wa na mara ai.

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

PRU MAT 6:1

Shaloi dai Madu gaw Mawshe hpe, “Hkawhkam wa hpe ngai kaning di na gaw ya nang mu lu na rin dai. Ngai gaw shi hpe nye a amyu masha ni hpe dat dat shangun na matu shagyeng na we ai. Kaja wa teng teng, shanhte hpe shi a mung kaw nna gawt shapraw kau dat lu hkra ngai shi hpe shadut na we ai,” ngu nna tsun wu ai.

PRU MAT 6:6

Dai rai nna ngai gaw shanhte hpe, ‘Ngai gaw dai Madu rai nga nngai majaw nanhte hpe hkrang shaw la ai hte Egutu masha ni yam sha ai mayam prat kaw na shalawt dat na made ai. Shanhte a ntsa e mung, hkrit hpa ari kaba shapraw na matu nye a n-gun rawng ai lahpum hpe sharawt tawn nna nanhte hpe hkye hkrang la na nngai.

PRU MAT 9:16

Rai ti mung, nye a mying ningsang kajai gumhkawng ai gaw mungkan ga ting hta chyam bra wa lu na matu mung, nye a daru magam n-gun hpe madun dan na matu mung ngai nang hpe jahkrung sharawt da nga nngai.

ESAIA 55:13

Ya ju hpun ni tu nga ai shara hta marau hpun ni tu wa na mara ai; ju sumwum shara ni hta maihting hpun ni tu lung wa na mara ai. Ndai gaw dai Madu ngai nan galaw sai amu hpe shadum ai kumla tai nna, htani htana agrin nga na ra ai.”

ESAIA 64:4

Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

YEREMIA 14:20

Madu e, anhte gaw nang hpe shut saga ai; anhte gaw anhte nan galaw ai yubak mara ni hte anhte a kaji kawa ni a yubak ni hpe yin la ga ai.

YEREMIA 32:10

Ngai gaw ga sadi laika hta lata masat kumla ka ai hte dazik dawk da nhtawm de a matu sakse hkam ai hte gumhpraw hpe joi hte shen ya ni ai.

SHARUNG SHAYAWT 3:42

O Madu e, “Anhte yubak galaw kau saga ai hte gumlau kau saga ai. anhte a yubak mara ni hpe mung nang raw dat kau ya nit dai n rai.

EZEKELA 5:6

Rai ti mung, Yerusalem gaw nye a hkang da ai ga hpe gumlau nna, kaga masha amyu baw ni hta grau nna n hkru n shawp nga ma ai hte shi a grup yin mungdan ni hta grau nna lale kau nga ai hpe madun dan nga nu ai. Yerusalem gaw nye a hkang da ai ga hpe n hkan hkraw ai hte nye a tara ni hpe shatup na matu ningdang kau nu ai.

Daniela 9:5

“Anhte yubak galaw shut kau saga ai; anhte gaw n hkru ai ni she rai mat saga ai, anhte gaw shut hpyit ai amu galaw kau saga ai. Anhte galaw na matu nang hkang da ai ga ni hpe ningdang kau nna nang anhte hpe madun dan nit dai jaw ai lam kaw nna mung yit mat wa saga ai.

LUKA 15:21

Shaloi kasha wa gaw, ‘Wa e, Karai Kasang hpe mung, nang hpe mung, ngai shut ni ai. Ya kaw nna na nsha ngu na ngai n ging n dan nngai,’ ngu nna kawa hpe tsun nem wu ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

2 KORINHTU 1:10

Shi gaw shing san ai hkrithpa si lam hta na anhte hpe mawai la mani ai rai nna, bai mung naw mawai la na mi ai. Nanhte mung nanhte a akyu hpyi ai hku nna anhte hpe karum nga myit dai majaw, naw hkye la na ra ai ngu nna anhte shi hpe naw myit mada ala nga ga ai.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.