Daniela 9:14 - Jinghpaw Common Language Bible 2009

¹⁴ O Madu anhte a Karai Kasang e, anhte gaw na a ga n madat ga tim, jaw ai amu hpe nang tut nawng galaw nga ndai majaw, anhte hpe ari jaw na matu nang hkyen da ai hte maren, ari jaw nga ndai.

Jinghpaw Hanson Version Bible

¹⁴ Dai majaw Yehowa gaw ndai tsin-yam tsindam hpe matsing da nna, anhte a ntsa e shapraw dat nu ai; kaning rai nme law, anhte a Karai Kasang Yehowa gaw, galaw ai amu mahkra hta dinghpring nga ai: anhte mahtang shi a nsen hpe n madat saga ai.

Daniela 9:14 ပူးပေါင်းရင်းမြစ်များ

2 HKAWHKAM LABAU 12:6

Hkawhkam wa hte ningbaw ni gaw shanhte shut kau nga ai lam hpe yin la let, “Dai Madu galaw nga ai amu gaw teng man nga ai,” ngu nna shanhte tsun nga ma ai.

EZRA 9:15

Madu Israela a Karai Kasang e, nang gaw teng man ai wa rai nga ndai; rai ti mung anhte hpe naw jahkrung da shangun nga ndai. Anhte gaw na a man e anhte a mara hpe yin la ga ai; anhte gaw na a man e dawng pru na ahkang lu ga ai n rai.”

NEHEMIA 9:33

Nang gaw teng man ai hku anhte hpe ari jaw nit dai; Anhte yubak mara galaw ga tim pyi, nang gaw sadi dung nga ndai.

SHAKAWN KUNGDAWN 111:7

Shi galaw ai amu yawng mayawng hte hta, shi gaw sadi sahka hte teng man nga ai wa rai nga ai; shi a hkang da ai ga matsun nlang hte kam hpa mai nga ai.

SHAKAWN KUNGDAWN 116:5

Dai Madu gaw matsan dum ai hte mai kaja ai wa rai nga ai; anhte a Karai Kasang gaw matsan chye dum ai wa rai nga ai.

SHAKAWN KUNGDAWN 119:137

Madu e, nang gaw ding hpring nga ndai hte na a tara ni mung teng man nga ai.

SHAKAWN KUNGDAWN 51:14

Karai Kasang e, nye a asak hpe shalawt ya nna, ngai hpe hkye hkrang la e; na a ding man ai lam hpe ngai kabu gara htawn tsun nga na nngai.

PRU MAT 9:27

Hkawhkam wa gaw Mawshe yan Arun hpe shaga la nna, “Ndai lang chyawm gaw ngai shut kau ni ai. Dai Madu gaw ding hpring nga ai, nye a amyu masha ni hte ngai mahtang shut hpyit kau saga ai.

YEREMIA 12:1

“Madu e, ngai nang hte amu dangrang hkat yang; nang ding hpring nga ndai hpe nang sakse madun nga ndai. Timung, ngai gaw nang hpe teng man rap ra ai tara hte seng nna san na nngai. N hkru ai masha ni gaw hpa majaw grai ngamu ngamai nga ma ta? Myit magaw ai masha ni hpa majaw awng dang nga ma ta?

YEREMIA 31:28

Shanhte hpe baw kau na, agrawp daw kau na, gale galau kau na, jahten sharun kau na hte jahten shabyak kau na matu ngai galaw ai hte maren, shanhte hpe hkai da na hte bai de da na matu mung ngai bai galaw na nngai.

YEREMIA 4:17

Shi a amyu masha ni gaw dai Madu hpe gumlau manu ai majaw sun sin nga ai masha ni zawn dai masha ni Yerusalem hpe wang da na mara ai. Dai Madu nan tsun nu ai.

YEREMIA 44:27

Nanhte gaw ngamu ngamai na myit dai n rai, rai ti mung, shamyit kau hkrum na myit dai. Nanhte kaw na langai mi mung n ngam mat ai aten du hkra, nanhte yawng gaw hpyen majan hte ana zinli hta si htum mat na marin dai.

SHARUNG SHAYAWT 1:5

Shi a gumlau hpyen ni awng padang lu ma ai; shanhte gaw shi hpe daru magam n-gun hte ka-up da ma ai. Dai Madu gaw shi a law la ai yubak ni yawng a matu shi hpe nni nkri hkrum shangun wu ai; Shi a ma kaji ni rim hkrum nna woi la hkrum nga ma ai.

EZEKELA 16:43

Nang naw kaji nga yang, ngai nang hpe kade lakawn ai hpe mung nang malap kau nhtawm, nang galaw ai amu yawng hte nang ngai hpe pawt sindawng shangun nit dai. Dai lam a majaw, ngai gaw dai amu ni yawng a matu nang hpe matai htang jaw ni ai. Nang galaw ai kaga matsat shabat amu ni yawng hta ngang gayut ai nse nsa amu hpe nang hpa majaw shut hpyit nit ta?” Tsaw Htum ai dai Madu nan tsun nu ai.

Daniela 4:34

Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Daniela 9:7

Madu e, nang gaw jaw ai amu hpe tut nawng galaw nga ndai; rai ti mung, anhte chyawm gaw anhte a hkum ni hpe nan tut nawng myi man jasum kau nga saga ai. Shanhte gaw nang hta sadi n dung nga ma ai majaw, ni, tsan ai mungdan ni de shabra kau hkrum nga ai Yuda mung hte Yerusalem mare hkan shanu nga ai anhte yawng hte Israela masha ni yawng hta ndai lam teng sha byin nga ai.